Luk 2
2
Meri Aman Chisọs
(Mat 1:18-25)
1Ke ikpeghe ini emana nne Yọn, adidem Akọstọs amo akedede akwuaha-adidem ke idịd Rom akenọ ikuuk ate chak kpukpro an̄we amo esịnede ke adagha ukara idịd Rom esịn achịn ke n̄kwed ukara man mmọ ekan ekpe ataksi. 2Amo akede akpa ini amo ukara Rom ekesịnde mme-an̄we achịn ke n̄kwed. Nnien usin-achịn alo akeda itie kini Kwirinius akedede ala iwuo ukara ke nkan-nkwuk a-Siria. 3Anam, ke ntak ikuuk nne adidem, kpukpro an̄we eketun̄o adikaa idun̄ amo mme-esọ-esọ nne mmọ eketoǝho man ekaa ekukwed achịn lo.
4Yosef aketo ubon nne adidem Defid, nnien an̄ye mme Meri eketo ke idun̄-in̄wan̄ a-Nasared ke nkan-nkwuk a-Ghalilii ekaa ke idun̄-in̄wan̄ Betlehem ke nkan-nkwuk a-Yudia. Sia Betlehem akede isọn̄ emana nne adidem Defid. 5Yosef akekaa lo man an̄ye mme Meri edọn̄ achịn ke n̄kwed sia ekemek Meri enịm enọ an̄ye nte nn̄wa, nnien ke ini alo, Meri akesan̄a mme idịb. 6Ke ini Yosef mme Meri esetiǝhe lo, uman atuuk Meri. 7Meri aman akpan Ochio isio. Ada mpaǝk afun̄ akwan̄ An̄ye nnien anịm An̄ye ke abete mkpọalia ufene, kolo ubed ntechi ikisughoke inọ mmọ.
Mme-Enyel Esian Mme-akpeme Ufene Ke Andin̄yaǝn̄a Amana
8Kpasuk ke nkan-nkwuk alo, mme-akpeme ufene ekese etie ke eferife in̄wan̄ ekpeme otu ufene nne mmọ ke itịdechio. 9Nnien atichie, mmọ ekwịd enyel amo Abasi akedọn̄ọ, nnien un̄wana ubọn̄ Abasi ayama akaana mmọ. Ke ntak alo ndịk akenin̄e anam mmọ. 10Anam, enyel alo awo mme-akpeme ufene alo, “Ika an̄we un̄yie ndịk. Ami ndi adisian eti mbuk se iwunam afịd an̄we ekob ataa ilaraekịd.” 11Itịdechio amo nsek-ochio amana ke isọn̄ idun̄ nne Adidem Defid amo adede Andin̄yaǝn̄a an̄yi. An̄ye ade Kraist, An̄ye anan̄ ade Abọn̄. 12Nnien dan̄a an̄yi iwusan̄a udiọn̄ọ ochio alo ade amo; an̄yi inin̄kwịd nte eda afun̄ ekwan̄ An̄ye enan̄ enịm An̄ye ke abete mkpọalia ufene.
13Etichie, ataa ukwak udịm mme-enyel eto ke hefịn efoono ediana mme akpa enyel alo nnien afịd nne mmọ etun̄o adikwo ikwọ ntoro Abasi, ete,:
14“Ekọm an̄yie Abasi amo atiede ke hefịn!,
Nnien emem atie ke isọn̄ mme mpen amo Abasi anemde ekịd mme mmọ.”
15Kini mme-enyel alo eketunode en̄yọn̄ọ hefịn, mme-akpeme ufene alo ewo ke otu ide nne mmọ. “Chak achi ikaa ke idun̄ Betlehem ataa ilaha alo inan̄ ikuchie Andin̄yaǝn̄a alo Abasi asiande achi aban̄a.”
16Nnien mmọ esọb ediuka idun̄ Betlehem ekukwịd Meri, Yosef, mme nsek-ochio alo dan̄a ana ke abete mkpọalia ufene. 17Akem, kini mmọ ekwịdde An̄ye, mmọ esuan etob se mme mme-enyel ekedọǝhọ mmọ eban̄a ochio alo. 18Kpukpro an̄we se ikikob se mme-akpeme ufene alo etan̄ enọ mmọ eketie ke mkpaide. 19Ade Meri atoon aban̄a afịd mme-mkpọ se ikida itie alo, anan̄ akaiso akere aban̄a se mme-mkpọ alo akwuọ. 20Afịd mkpọ se mme-akpeme ufene ekekob enan̄ ekwịd ekede kpa dan̄a enyel alo akedọǝhọ mmọ. Anam, mmọ ekpono enan̄ etoro Abasi nnien etuno en̄yọn̄ọ ebịne mme-ufene nne mmọ.
Adinam Mbobi Nne Chisọs
21Kini nsek-ochio alo achọhọde usen itaeta, mmọ ekenịm An̄ye mbobi nte iped nne Mosis atemede, nnien esọ mme eka Isio ekesiene An̄ye achịn Chisọs. Enyel aketatan̄ anọ Meri kiso an̄ye achime idịb ate esiene nsek-ochio alo achịn alo.
Nsek Ochio Chisọs Ke Tempịl
22Nnien mme-usen adinam Meri asana ekedi ukwre nte etemede ke iped nne Mosis, Yosef mme Meri ekepen nsek-ochio Chisọs ekama ekaa tempịl ke idun̄ Yeruselem adinọ Abasi#2:22 Nte ufa eka-ochio, ekekwịd Meri nte an̄we amo adeghede, anam, akena nte an̄ye awa uwa ke tempịl ke usen aba, tun̄o an̄ye akeman ochio amaake. Kpun̄, adinam ide isio asana man an̄ye amekeme adimaana mkpono Abasi mme mpen afee.. 23Mmọ ekenam amo ke nkop-uchio kaban̄a se ekwed ke iped Abasi, “Kpukpro akpa ochio-enien̄we ana nte echak enọ Abasi man anam mkpọ anọ Abasi.” 24Mmọ n̄ko ekeka adiwa uwa nte iped Abasi atemede awo, “Wa ibiom ipa mee nnitọ a-biomo n̄kuku ipa.”
Simiọn Akwịd Andin̄yaǝn̄a Se Abasi Adọn̄
25Ke ini alo, adinen an̄we chi aketie ke idun̄ Yeruselem amo akekọọde Simiọn. An̄ye akenen anan̄ anam akpanikọ kiso Abasi, nnien an̄ye aketie aped an̄we amo awohoude ndọn̄ekịd unọ mpen Isrel, Adisana Spirid akenan̄ atie mme an̄ye. 26Nnien Adisana Spirid akeyara akwad an̄ye ate ke an̄ye imaha ukpa ke an̄ye miikwịde Kraist amo Abasi aken̄wun̄ode adinọ. 27Usen alo Adisana Spirid akeda Simiọn ayed akaa ke akwere tempịl kini Meri mme Yosef ekedade nsek-ochio Chisọs alo ekaa adikuchak nnọ Abasi nte iped Abasi atemede mmọ adinam. 28Simiọn akekwịd nsek-ochio Chisọs anan̄ awọ An̄ye akama, nnien anọ Abasi ekọm awo:
29“Abọn̄, ami nde ochio-ufọk Afo, komo, chak ami mkpa ke emem,
Kolo Afo anam se aken̄wun̄o anọ mi akwuọ asu.
30An̄yie ami akwịd Andin̄yaǝn̄a amo Afo anọde esọk afịd an̄we.
31Afịd mme-idịd ekukwịd An̄ye amo Afo adọn̄de.
32An̄ye awutie nte un̄wana man ada mpen miideǝhe Yu ayed akwad Abasi,
Nnien An̄ye aninda ukpono asọk mpen Isrel amo edede ake nne Afo.”
33Kini esọ mme eka nne Chisọs ekobde se Simiọn atan̄ aban̄a An̄ye, ide akpa mmọ. 34Alo akekwre, Simiọn adiọn̄ eka mme esọ nne Chisọs ma awo eka Isio amo adede Meri ate, “Chie, Abasi amek Ochio amo anịm man anam adiwak an̄we echobo anan̄ anam adiwak mpen afee ewọ adin̄yaǝn̄a ke isọn̄ Isrel. An̄ye awutie nte idiọn̄ọ amo atode Abasi ade adiwak an̄we ekusua An̄ye. 35Ke ntolo, An̄ye akuyara mme-akikere adiwak an̄we. Nnien afo Meri akunin̄e ufugho.”
Anna Atoro Abasi Aban̄a Nsek-Ochio Chisọs
36Kini alo n̄ko, ayara uchio Abasi an̄wa amo akekọọde Anna aketie lo n̄ko ke tempịl. An̄ye akede ochio-an̄wan̄wa nne Fanuel amo aketoǝho ubon nne Acha nnien An̄ye akenin̄e achọn̄. Anna akedun̄ mme epe isio ke esua itaepa nnien epe isio adiukpa. 37N̄ko, an̄ye akede nn̄waekpa anan̄ ade an̄we esua anaan̄ mme inaan̄ amo akedaǝha ukwak ini isio atuak iwuo anọ Abasi ke akam mme ke utreulia, itịd mme utịn ke tempịl. 38Kini Simiọn asetan̄a ikọ mme Meri mme Yosef, an̄ye akeluk adi anan̄ atun̄o adinọ Abasi ekọm anan̄ atan̄ ikọ aban̄a nsek-ochio alo Chisọs anọ afịd mpen amo ekedodde an̄yie eped Abasi adinọ Kraist adiufak mpen a-Yeruselem.
Eka Mme Esọ Nne Chisọs Etuno En̄yọn̄ọ Nasared
39Yosef mme Meri ekekwre adinam kpukpro mkpọ se iped nne Mosis aketeme mmọ ate enam, mmọ etuno en̄yọn̄ọ isọn̄ idun̄ nne mmọ amo adede Nasared ke idun̄ Ghalilii. 40Nte nsek-ochio Chisọs akekade iso akọd, An̄ye akechọn̄ ide anan an̄yie ifiọk, nnien Abasi akefọn mfọn mme An̄ye.
Akeme Ochio Chisọs Akaa Ke Tempịl
41Kpukpro esua, esọ mme eka nne Chisọs eketie ekọọnọ adiwak mpen afee ekaa ke idun̄ Yeruselem adilia usọrọ “N̄kaǝn̄a mkpun̄#2:41 N̄kaǝn̄a mkpun̄ Usọrọ mme Yu adida ntoon dan̄a Abasi aken̄yan̄a mme esọ-esọ nne mmọ asiene ke ufịn ke isọn̄ Egypt.” 42Anam, kini Chisọs akedede an̄we esua luob mme ipa, An̄ye mme esọ mme eka Isio ekekaa usọrọ alo ke idun̄ Yeruselem nte amo etiedak ekaǝha. 43Usọrọ udua chi alo akewre, Meri mme Yosef ekekpun̄ Yeruselem adituno nn̄yọn̄ọ ufọk. Ade akeme ochio Chisọs asetie ke idun̄ Yeruselem nnien esọ mme eka isio ikidiọn̄ọke iban̄a. 44Esọ mme eka Isio ekekere ewo ke An̄ye asan̄a mme mpen se ikikọọnọ mmọ ikaa isan̄. Anam, mmọ ekesan̄a ke afịd aporo usen chi, ke utịd usen alo mmọ etun̄o adifed An̄ye ke otu imaan mme iloon Isio. 45Kini esọ mme eka Isio miikikwịde An̄ye, mmọ eketuno adam ekaa ke idun̄ Yeruselem enan̄ etun̄o adifed An̄ye lo. 46Ke achọhọ usen ita, mmọ ekwịd An̄ye ke akwere tempịl. An̄ye aketie ke otu mme-akpeb iped nne Mosis, akpan̄utọn̄ akob se mmọ ekpeb anan̄ abịb mmọ mme-mbime. 47Afịd mpen se ikikob se Chisọs aketan̄ ekekpaide ke ilaha mkpọ se An̄ye adiọn̄ọ mme dan̄a An̄ye akenan̄ awọọnọ mme-mbime se mme-akpeb iped ekebịb An̄ye. 48Esọ mme eka Isio ekedịghe kini mmọ ekekwidde An̄ye lo. Eka Isio akebịb An̄ye awo, “Ochio, ntak anamde achi utọ mkpọ amo? Ọsọ-afo mme ami ikisi ikpeǝhe ekịd ifed Fi.”
49Akem Chisọs awọọnọ awo, “Nsii inam an̄yi an̄we-ipa ikidomo adifed Mi? Nte an̄yi ikwịde iwo ke ana nte Ami ntie ke ufọk nne Ọsọ-Mi?#2:49 Mme-ikọ amo, Ọsọ-Mi etan̄ eban̄a Abasi, Esọ nne Chisọs amo atieghe ke hefịn, idọghọ Yosef ke etan̄ eban̄a.” 50Ade ikin̄wan̄ake esọ mme eka Isio se An̄ye aketan̄ alo anọ mmọ.
Chisọs Akọd Ke Ifiọk Mme Mfọn
51Alo akekwre, Chisọs akekọọnọ esọ mme eka Isio an̄yọn̄ idun̄ Nasared anan̄ akaa iso akob uchio anọ mmọ. Eka Isio, Meri atoon afịd mme-mkpọ amo ke ekịd anan̄ akwak adikere mban̄a kpukpro mkpọ se ikitịbe. 52Nnien Chisọs akaiso akọd ke ifiọk, ke ilaha, mme ke mfọn amo Abasi mme-an̄we efọnde mme An̄ye.
Đang chọn:
Luk 2: IBN
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.
Luk 2
2
Meri Aman Chisọs
(Mat 1:18-25)
1Ke ikpeghe ini emana nne Yọn, adidem Akọstọs amo akedede akwuaha-adidem ke idịd Rom akenọ ikuuk ate chak kpukpro an̄we amo esịnede ke adagha ukara idịd Rom esịn achịn ke n̄kwed ukara man mmọ ekan ekpe ataksi. 2Amo akede akpa ini amo ukara Rom ekesịnde mme-an̄we achịn ke n̄kwed. Nnien usin-achịn alo akeda itie kini Kwirinius akedede ala iwuo ukara ke nkan-nkwuk a-Siria. 3Anam, ke ntak ikuuk nne adidem, kpukpro an̄we eketun̄o adikaa idun̄ amo mme-esọ-esọ nne mmọ eketoǝho man ekaa ekukwed achịn lo.
4Yosef aketo ubon nne adidem Defid, nnien an̄ye mme Meri eketo ke idun̄-in̄wan̄ a-Nasared ke nkan-nkwuk a-Ghalilii ekaa ke idun̄-in̄wan̄ Betlehem ke nkan-nkwuk a-Yudia. Sia Betlehem akede isọn̄ emana nne adidem Defid. 5Yosef akekaa lo man an̄ye mme Meri edọn̄ achịn ke n̄kwed sia ekemek Meri enịm enọ an̄ye nte nn̄wa, nnien ke ini alo, Meri akesan̄a mme idịb. 6Ke ini Yosef mme Meri esetiǝhe lo, uman atuuk Meri. 7Meri aman akpan Ochio isio. Ada mpaǝk afun̄ akwan̄ An̄ye nnien anịm An̄ye ke abete mkpọalia ufene, kolo ubed ntechi ikisughoke inọ mmọ.
Mme-Enyel Esian Mme-akpeme Ufene Ke Andin̄yaǝn̄a Amana
8Kpasuk ke nkan-nkwuk alo, mme-akpeme ufene ekese etie ke eferife in̄wan̄ ekpeme otu ufene nne mmọ ke itịdechio. 9Nnien atichie, mmọ ekwịd enyel amo Abasi akedọn̄ọ, nnien un̄wana ubọn̄ Abasi ayama akaana mmọ. Ke ntak alo ndịk akenin̄e anam mmọ. 10Anam, enyel alo awo mme-akpeme ufene alo, “Ika an̄we un̄yie ndịk. Ami ndi adisian eti mbuk se iwunam afịd an̄we ekob ataa ilaraekịd.” 11Itịdechio amo nsek-ochio amana ke isọn̄ idun̄ nne Adidem Defid amo adede Andin̄yaǝn̄a an̄yi. An̄ye ade Kraist, An̄ye anan̄ ade Abọn̄. 12Nnien dan̄a an̄yi iwusan̄a udiọn̄ọ ochio alo ade amo; an̄yi inin̄kwịd nte eda afun̄ ekwan̄ An̄ye enan̄ enịm An̄ye ke abete mkpọalia ufene.
13Etichie, ataa ukwak udịm mme-enyel eto ke hefịn efoono ediana mme akpa enyel alo nnien afịd nne mmọ etun̄o adikwo ikwọ ntoro Abasi, ete,:
14“Ekọm an̄yie Abasi amo atiede ke hefịn!,
Nnien emem atie ke isọn̄ mme mpen amo Abasi anemde ekịd mme mmọ.”
15Kini mme-enyel alo eketunode en̄yọn̄ọ hefịn, mme-akpeme ufene alo ewo ke otu ide nne mmọ. “Chak achi ikaa ke idun̄ Betlehem ataa ilaha alo inan̄ ikuchie Andin̄yaǝn̄a alo Abasi asiande achi aban̄a.”
16Nnien mmọ esọb ediuka idun̄ Betlehem ekukwịd Meri, Yosef, mme nsek-ochio alo dan̄a ana ke abete mkpọalia ufene. 17Akem, kini mmọ ekwịdde An̄ye, mmọ esuan etob se mme mme-enyel ekedọǝhọ mmọ eban̄a ochio alo. 18Kpukpro an̄we se ikikob se mme-akpeme ufene alo etan̄ enọ mmọ eketie ke mkpaide. 19Ade Meri atoon aban̄a afịd mme-mkpọ se ikida itie alo, anan̄ akaiso akere aban̄a se mme-mkpọ alo akwuọ. 20Afịd mkpọ se mme-akpeme ufene ekekob enan̄ ekwịd ekede kpa dan̄a enyel alo akedọǝhọ mmọ. Anam, mmọ ekpono enan̄ etoro Abasi nnien etuno en̄yọn̄ọ ebịne mme-ufene nne mmọ.
Adinam Mbobi Nne Chisọs
21Kini nsek-ochio alo achọhọde usen itaeta, mmọ ekenịm An̄ye mbobi nte iped nne Mosis atemede, nnien esọ mme eka Isio ekesiene An̄ye achịn Chisọs. Enyel aketatan̄ anọ Meri kiso an̄ye achime idịb ate esiene nsek-ochio alo achịn alo.
Nsek Ochio Chisọs Ke Tempịl
22Nnien mme-usen adinam Meri asana ekedi ukwre nte etemede ke iped nne Mosis, Yosef mme Meri ekepen nsek-ochio Chisọs ekama ekaa tempịl ke idun̄ Yeruselem adinọ Abasi#2:22 Nte ufa eka-ochio, ekekwịd Meri nte an̄we amo adeghede, anam, akena nte an̄ye awa uwa ke tempịl ke usen aba, tun̄o an̄ye akeman ochio amaake. Kpun̄, adinam ide isio asana man an̄ye amekeme adimaana mkpono Abasi mme mpen afee.. 23Mmọ ekenam amo ke nkop-uchio kaban̄a se ekwed ke iped Abasi, “Kpukpro akpa ochio-enien̄we ana nte echak enọ Abasi man anam mkpọ anọ Abasi.” 24Mmọ n̄ko ekeka adiwa uwa nte iped Abasi atemede awo, “Wa ibiom ipa mee nnitọ a-biomo n̄kuku ipa.”
Simiọn Akwịd Andin̄yaǝn̄a Se Abasi Adọn̄
25Ke ini alo, adinen an̄we chi aketie ke idun̄ Yeruselem amo akekọọde Simiọn. An̄ye akenen anan̄ anam akpanikọ kiso Abasi, nnien an̄ye aketie aped an̄we amo awohoude ndọn̄ekịd unọ mpen Isrel, Adisana Spirid akenan̄ atie mme an̄ye. 26Nnien Adisana Spirid akeyara akwad an̄ye ate ke an̄ye imaha ukpa ke an̄ye miikwịde Kraist amo Abasi aken̄wun̄ode adinọ. 27Usen alo Adisana Spirid akeda Simiọn ayed akaa ke akwere tempịl kini Meri mme Yosef ekedade nsek-ochio Chisọs alo ekaa adikuchak nnọ Abasi nte iped Abasi atemede mmọ adinam. 28Simiọn akekwịd nsek-ochio Chisọs anan̄ awọ An̄ye akama, nnien anọ Abasi ekọm awo:
29“Abọn̄, ami nde ochio-ufọk Afo, komo, chak ami mkpa ke emem,
Kolo Afo anam se aken̄wun̄o anọ mi akwuọ asu.
30An̄yie ami akwịd Andin̄yaǝn̄a amo Afo anọde esọk afịd an̄we.
31Afịd mme-idịd ekukwịd An̄ye amo Afo adọn̄de.
32An̄ye awutie nte un̄wana man ada mpen miideǝhe Yu ayed akwad Abasi,
Nnien An̄ye aninda ukpono asọk mpen Isrel amo edede ake nne Afo.”
33Kini esọ mme eka nne Chisọs ekobde se Simiọn atan̄ aban̄a An̄ye, ide akpa mmọ. 34Alo akekwre, Simiọn adiọn̄ eka mme esọ nne Chisọs ma awo eka Isio amo adede Meri ate, “Chie, Abasi amek Ochio amo anịm man anam adiwak an̄we echobo anan̄ anam adiwak mpen afee ewọ adin̄yaǝn̄a ke isọn̄ Isrel. An̄ye awutie nte idiọn̄ọ amo atode Abasi ade adiwak an̄we ekusua An̄ye. 35Ke ntolo, An̄ye akuyara mme-akikere adiwak an̄we. Nnien afo Meri akunin̄e ufugho.”
Anna Atoro Abasi Aban̄a Nsek-Ochio Chisọs
36Kini alo n̄ko, ayara uchio Abasi an̄wa amo akekọọde Anna aketie lo n̄ko ke tempịl. An̄ye akede ochio-an̄wan̄wa nne Fanuel amo aketoǝho ubon nne Acha nnien An̄ye akenin̄e achọn̄. Anna akedun̄ mme epe isio ke esua itaepa nnien epe isio adiukpa. 37N̄ko, an̄ye akede nn̄waekpa anan̄ ade an̄we esua anaan̄ mme inaan̄ amo akedaǝha ukwak ini isio atuak iwuo anọ Abasi ke akam mme ke utreulia, itịd mme utịn ke tempịl. 38Kini Simiọn asetan̄a ikọ mme Meri mme Yosef, an̄ye akeluk adi anan̄ atun̄o adinọ Abasi ekọm anan̄ atan̄ ikọ aban̄a nsek-ochio alo Chisọs anọ afịd mpen amo ekedodde an̄yie eped Abasi adinọ Kraist adiufak mpen a-Yeruselem.
Eka Mme Esọ Nne Chisọs Etuno En̄yọn̄ọ Nasared
39Yosef mme Meri ekekwre adinam kpukpro mkpọ se iped nne Mosis aketeme mmọ ate enam, mmọ etuno en̄yọn̄ọ isọn̄ idun̄ nne mmọ amo adede Nasared ke idun̄ Ghalilii. 40Nte nsek-ochio Chisọs akekade iso akọd, An̄ye akechọn̄ ide anan an̄yie ifiọk, nnien Abasi akefọn mfọn mme An̄ye.
Akeme Ochio Chisọs Akaa Ke Tempịl
41Kpukpro esua, esọ mme eka nne Chisọs eketie ekọọnọ adiwak mpen afee ekaa ke idun̄ Yeruselem adilia usọrọ “N̄kaǝn̄a mkpun̄#2:41 N̄kaǝn̄a mkpun̄ Usọrọ mme Yu adida ntoon dan̄a Abasi aken̄yan̄a mme esọ-esọ nne mmọ asiene ke ufịn ke isọn̄ Egypt.” 42Anam, kini Chisọs akedede an̄we esua luob mme ipa, An̄ye mme esọ mme eka Isio ekekaa usọrọ alo ke idun̄ Yeruselem nte amo etiedak ekaǝha. 43Usọrọ udua chi alo akewre, Meri mme Yosef ekekpun̄ Yeruselem adituno nn̄yọn̄ọ ufọk. Ade akeme ochio Chisọs asetie ke idun̄ Yeruselem nnien esọ mme eka isio ikidiọn̄ọke iban̄a. 44Esọ mme eka Isio ekekere ewo ke An̄ye asan̄a mme mpen se ikikọọnọ mmọ ikaa isan̄. Anam, mmọ ekesan̄a ke afịd aporo usen chi, ke utịd usen alo mmọ etun̄o adifed An̄ye ke otu imaan mme iloon Isio. 45Kini esọ mme eka Isio miikikwịde An̄ye, mmọ eketuno adam ekaa ke idun̄ Yeruselem enan̄ etun̄o adifed An̄ye lo. 46Ke achọhọ usen ita, mmọ ekwịd An̄ye ke akwere tempịl. An̄ye aketie ke otu mme-akpeb iped nne Mosis, akpan̄utọn̄ akob se mmọ ekpeb anan̄ abịb mmọ mme-mbime. 47Afịd mpen se ikikob se Chisọs aketan̄ ekekpaide ke ilaha mkpọ se An̄ye adiọn̄ọ mme dan̄a An̄ye akenan̄ awọọnọ mme-mbime se mme-akpeb iped ekebịb An̄ye. 48Esọ mme eka Isio ekedịghe kini mmọ ekekwidde An̄ye lo. Eka Isio akebịb An̄ye awo, “Ochio, ntak anamde achi utọ mkpọ amo? Ọsọ-afo mme ami ikisi ikpeǝhe ekịd ifed Fi.”
49Akem Chisọs awọọnọ awo, “Nsii inam an̄yi an̄we-ipa ikidomo adifed Mi? Nte an̄yi ikwịde iwo ke ana nte Ami ntie ke ufọk nne Ọsọ-Mi?#2:49 Mme-ikọ amo, Ọsọ-Mi etan̄ eban̄a Abasi, Esọ nne Chisọs amo atieghe ke hefịn, idọghọ Yosef ke etan̄ eban̄a.” 50Ade ikin̄wan̄ake esọ mme eka Isio se An̄ye aketan̄ alo anọ mmọ.
Chisọs Akọd Ke Ifiọk Mme Mfọn
51Alo akekwre, Chisọs akekọọnọ esọ mme eka Isio an̄yọn̄ idun̄ Nasared anan̄ akaa iso akob uchio anọ mmọ. Eka Isio, Meri atoon afịd mme-mkpọ amo ke ekịd anan̄ akwak adikere mban̄a kpukpro mkpọ se ikitịbe. 52Nnien Chisọs akaiso akọd ke ifiọk, ke ilaha, mme ke mfọn amo Abasi mme-an̄we efọnde mme An̄ye.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.