रोमीकु 9
9
परमेसर आउर जाहुदीकु
1ख्रीस्त रे ईङ सच कंहड़ीः दिंग। ईङ झुठ काईंग कंहड़ीः दा आउर ईङ आला भितरी मन होः पबितर आतमा रे गोवाही एमेआय। 2ची ईङ आला मन मुरुक उदास आउर जामा बेरा पीड़ा रे ताहिनोआ। 3एता लःअय ची ईङ नुमिन जगुत चहाअ किनिङ ची अपन बोकोकु लःअय जे होड़ो रेनअः भेस रे ईङ आलकु कुटुमकु हेके, खुदे सापित केते ख्रीस्त तरअः आलगे जुनोईंग। 4#उइठ 4:22हुंकू इसराइली हेके, आउर बलपोंस एदान कुआ। आउर महिमा, ढेर करार, कनहुन, अराधना आउर ढेर वादा हिंकु आला हेके। 5पुरखाकु होः हिंकु आलकु हेके आउर ख्रीस्त होः होड़ो रअः भाव रे हिंकु आला बंसवाईर रिनी हेके, जे जामेकु आली परमेसर आउर जुग-जुग हुनी आला स्तुति हुयाअः! आमीन।
6सेरे होः नोःआँ कोवान समझाअ चाही ची परमेसर आला वचन टलाव ना, एता लःअय ची जे इसराइल आला बंसवाईर रिनकु हेके, हुंकू मेसे जामा असली इसराइली नलागे। 7#एहेः 21:12आउर ना अब्राहम आलकु बंसवाईर हुयाअः रेनअः चलते जामा हुनी आलकु बंसवाईर ठहराव नाकु, बकिर लिखा लअः एदनाआ ची “इसाहक तरअः गी आम आला बंसवाईर चलाव कोआ।” 8माने कि होड़ो रेनअः भेस रे जनमाव उनकु परमेसर आलकु होपोन नालगे, बकिर जेकर जनम वादा रेनअः मोताबिक हुयाआ, हिंकुगी बंसवाईर कहलाआकु। 9#एहेः 18:10एता लःअय ची वादा रअः बचन नोःआँ लकान ताहिना, “ईङ दराअ बरीस निआँ बेरा फिन हिजोईंग आउर सारा तरअः मियांड कोड़ा चेंगा हुयाव कोआय।”
10निमने भाईर कोवान बकिर रिबिका होः मियांड होड़ तरअः, आबु आली पुरखा इसाहक तरअः भारी होड़ो नेनाय। 11-12#एहेः 25:23आउर ना नहाअः जगुत चेंगा जनमाव ताहिनाकिन, आउर ना हुनी बेस-बेकार कामी ताही लःअय, परमेसर रिबिका के बेता लियाय, “बड़े होपोन छोटेई आला सेवा-सुसार केआय।” जेकर से परमेसर आला निनिबाड़ रेनअः जोजना बनाल ताहिन। आउर नोःआँ काम रे का टिकाव ताना बकिर होना रा-राअः वाला परमेसर तेंग रे टिकाव ताना। 13#मला 1:2,3हिना लःअय धरम पुथी रे लिखा लअः एदनाआ “ईङ याकुब के दुलार लियींङ आउर एसाव के घिंड़ओ लियींङ।”
14नोःआँ रअः बारे रे आबु एतान मेन गेआबु? परमेसर अधरमी हेके एतान? हिरगीस कोवान! 15#उइठ 33:19हुनी मुसा के बेता लियाय,
“ईङ जेकर रे म-माया चहाईङ, हुनी रे दया यिङ आउर जेकर रे तरस जोम नामीङ, हिनी रे तरस जोमेईङ।”
16हिना लःअय नोःआँ मनवा आला मरजी चाहे हुनी आला मेहनाईत रे कोवान, बकिर ददया वाला परमेसर आला बात हेके। 17#उइठ 9:16एता लःअय ची धरम पुथी रे मिसर रिनी राजा फिरौन के कंहड़ी लअः थिना, “ईङ आम के निआँ लःअय उंचाव थिलमिईंग ची अपन सवांग आम रे देखाव सकायिंग आउर गोटा धरती रे ईङ आला नुमू रेनअः परचार हुयाअः।” 18हिना लःअय परमेसर जेके चहाआय दया कुआय, आउर जेके चहाआय निठुर बनाव कुआय।
परमेसर आला खीस आउर हुनी आला दया
19दो आपे ईङ के बेता किङापे, “परमेसर सेरे होः एता लःअय दोस लगाव कुआय? एता लःअय ची परमेसर आला मरजी रेनअः ओके बिरोध दाड़ी केआय?” 20#जसा 29:16; 45:9मनवा आम ओके हुयाआम जे परमेसर के उलटाव केते उतारा एमाई-याम? एतान जाहान गड़हाव लआ जिनीस ग-गड़हावी के कुली सकाईयाय, “आम ईङ के नोकान एता लःअय बनाव लिङाम?” 21एतान कुंभरा के हास रे नोःआँ हक कनोआँ ची हुनी हास रअः मियांड गुलिया तरअः मियांड बसान खास काम लःअय आउर मियांड नेकान काम लःअय बनाय?
22दो नोःआँ रे एतान अचरज रेनअः बात हेके ची परमेसर अपन खीस देदेखाव लःअय आउर अपन समरथ दि-दिसतार रेनअः मरजी तरअः खीस रेनअः बसान रअः, नसोअ लःअय तेयार लअः थिना होना के मुरुक धीरज ते सहाव लःअय। 23जेकर से दया रिनकु बसान रे, जेके हुनी अपन महिमा लःअय पहिल तरअः तेयार लिकुआय, जेकर रे अपन महिमा रेनअः धन दिसतारोः। 24हुंकू दया नाम लिनकु आबु हेके, जेके जाहुदीकु मेसे भाईर कोवान, बकिर एटाअ जाईतकु मेसे होः राअः लिकुआय। 25#होसे 2:23जे लकान ची होसे आगमजानी आला पुथी रे होः कंहड़ी तदाय,
“जे होड़ ईङ आलकु काकु थिना
हुंकू के ‘ईङ अपन मेनगेईंग।’
आउर जे हुनी आउराईत दुलार काय ताहिना
ईङ हुनी के ‘दुलाराय’ बेतायींग।
26 #
होसे 1:10
आउर, जे ठाँव रे हुंकू के कंहड़ी लअः थिना, ‘आपे ईङ आलकु होड़ नलागे,’
हिना ठाँव रे हुंकू जिवीःड परमेसर आलकु होपोन कहलाव कोआकु।”
27 #
जसा 10:22,23 आउर इसायस आगमजानी इसराइल रअः बारे रे हकाव केते कंहड़ीआय
“ची चाहे इसराइल आलकु होपोन समुदर रेनअः बितील रअः बराबईर ताहिनोअकु,
सेरे होः हुंकू मेसे थोड़ेक गी बंचाव कोआकु।
28एता लःअय ची परभु अपन बचन धरती रे पूरा केआय, बेगर देरीते पुरा केआय।”
29 #
जसा 1:9
आउर जे लकान ची इसायस आगमजानी पहिल कंहड़ी ताही लःअय,
“जदि सवांगिया परभु आबु लःअय,
बंसवाईर एरे बाई ताकेआ
दो आबु सोदोम
आउर गोमोरा रिनकु होड़ लकान गी नास ताही कोआबु।”
इसराइलीकु आला का-बिसवास
30आबु एतान कंहड़ीयाबु? नोःआँ ची एटाअ जाईत धारमिकता के काकु नामेकेना, धारमिकता के नाम लअकु, माने कि होना धरमिकता के जे बिसवास तरअः एदनाआ। 31बकिर इसराइल रिनकु होड़ जे नोकान कनहुन रे चलाअ नाम केनाकु, जे हुंकू के धरमी ठहराव तकुकेआय, होना रेनअः मोताबिक काकु जिवी:ड दाड़ीनेना। 32एता लःअय? नोःआँ लःअय ची इसराइली बिसवास रे कोवान बकिर अपन काम तरअः होना के नानम लःअय कुरनीसे केनाकु, हुंकू होना टुकू रे तोहोःड नेनाकु, जे ठोकोर चिकुआय। 33#जसा 28:16जे लकान पुथी रे लिखा लअः एदनाआ,
“नेलेपे, ईङ सियोन रे मियांड टुकू दोहोअ दिंग, जे ठोकोर एमेआय
आउर मियांड हांड़ुःब सेरेंग दोहोअ दिंग, जे दाअः चिकुआय।
बकिर हुंकू, जे हुनी रे बिसवासेआकु, हुंकू कहियो इरकु लाजोआ।”
Đang chọn:
रोमीकु 9: ASR
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2023 NLCI CC BY-NC-ND 4.0