MARIKUS Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ

Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ

Syeesyee à Ɓɔlɛ ànɛ yɛɛ ri ǹsɛ̀ɛ̀ ri ɓɛmbog, nnyɛɛ ki pɔ̀ɔ̀zii kì ɓaà kìden.

Lɔŋ ɓi rìtumɛ̀n ɗi kaàtà wìì, Marikus a kpaa lɛ Yeesus àrì Man à Bɛ̀ll (1:1; 9:7; 3:11; 5:7). Yeesus nyimiɗ à kɔ̀ngà ɓi lɛ ɓɛɛ gboŋzi kìɓan ki lɛ àrì Man à Bɛ̀ll (5:43; 8:30) ɓisuulɛ ɓum ɓɛ ri ɓiì yiì rìkuu ɗi mum ɗi àrì di ɓɛ siŋii roànɛ à wughà ɓi kɔrɔs aɗyoo fɛlɛ yɛ̀ɛ ǹkɔ̀mɛ̀n-ɓɛ̀sujàà à kìghà.

Tì yii lɛ i Bɛ̀ll à romiì rìkuu ɗi mum yɛ̀ɛ ɗiǹ ki ghɛɛ̀sɛɛ lɛ mum bimiɗ a ghaɓ nyi lɛ syeesyee rì ɓɔgsɛ̀n. Kìsay ki Zyaŋ Bàɓtis ki ɓaghà lɛ a ki lɛ kìlɔ̀ŋ kɛɛ ɓa kì ɓùŋɛn lɛ kɛɛ teɗ Yeesus yɛ̀ɛ ki ghɛɛ̀sɛɛ, (Mk. 1:2-8). Zyaŋ àncèm yɛɛ ɓaɓtìghà Yeesus (Mk. 1:9-11).

Marikus à rèsii min lɛ Yeesus à ɓaghà lɛ à mɛ yag Satàn ɓi-reɓ, jàŋ inɛ à lalà zày mɛ̀ru mɛ̀tin mɛɓɛɛ̀, fɔɔnnɛ à tumɛɛ min kisay kii. Marikus lɛ Yeesus à ɓaghà rì bwaɓ yi rilàmì nsoò cààmɛ̀n ki à reŋìghà ɓum ɓɛdɛŋ lɛ ɓɛɛ nɔɔ̀ti nyi, nsoò cààmɛ̀n ki àa nti à rèsàg ɓìtuu ɓi ɓum, nsoò cààmɛ̀n ki àa mɓoghì ɓum (Mk. 1:14-8:30).

Ɓi ɓɛ̀syàpiìtɛ̀rɛ̀ 8:31 à kpaŋ 10:52, Marikus à rèsii yɛ̀ɛ Yeesus à kɛ̀ɛ à Yorisalɛm jàŋ inɛ àrì ɓiì woògh rìkɛŋ, à wu, à ki ghèmɓɛn. Yeesus à rèsii ɓɛ̀yilàg ɓii ɓiɓan ɓiǹ gɛ̀n yiraa, kìɓan kifog ɓɛ̀ kɛɛ̀ wog com ki à kpaghà ɓɔ. Ɓyààmɛ̀n lɛɛ̀gwey Yeesus àa nti à kpaghi kìɓan kii ki nyimiɗ di a reereŋɗɛ̀n lɛ Man à mum. Wɔ̀lɛ ki yeesɛ̀ngà lɛ ɓum ɓɛɛ tɔɔnɛn kì yiì rìkuu ɗi mum ɗi à ɓaghà a tààkaà.

Yɛ̀ɛ à ɗiŋìghà a Yorisalɛm rì gɓalì, à nàɓ ɓɛ̀kìì-dune ɓɛ ɓɛ ɓaghà ɓi naà-Bɛ̀ll. Ɓɛ̀rɛlì-asu ɓɛ (ɓi naà-Bɛ̀ll) a Isirayɛl ɓɛ fa nyi kìɓan. Yeesus à ghɛn kìrɔŋiɗ ki lɛ a wongɛn ki faà mɛ̀rèsàg ɓisuu ɓɛ̀bènàbena ɓii, rì gùl ì ɓum, rì ɓisuu ɓɛyilàg (Mk. 11--13).

Ɓɛ̀syàpiìtɛ̀rɛ̀ 14 rì 15 ɓɛ resii mɛ̀ru mɛ kiɓɛ̀ɛ̀ mɛ siitòn mɛ Yeesus à ghagsìghà di ɓɛ ka wey ɓi nyi. Ɓi ɓɛ̀syàpiìtɛ̀rɛ̀ ɓɛǹ innɛ Marikus à kalii kìɓan ki ɓiɗilàg ɓi Yeesus à siitɛ̀ngà kì ɗiì rì ɓɛ̀yilàg, à fa ɓɔ bìrɛs rì waǹ yɛ̀ɛ ɓìrèmzɛnà ɓi nyoo yìì rì bwaɓ yii; à kalì tì bɔ̀ŋzɛ̀n inɛ a Gɛsemane, ɗì rìɓan ɗi ɓɛ ɓangà Yeesus ɓɛ yɔm̀ nyi ɓɛ ki kpaǹ nyi ɓi kɔrɔs à wu ɓɛ ɓom̀ ɓi zɔ̀ŋ.

Ɓi mɛ̀ru mɛɓɛɛ̀, ɓɛ̀yiɓ ɓɛ pon a zɔ̀ŋ ɓɛ tanɛ̀n yɔ̀ kìkpaŋ kɛ̀ɛ̀ mum miì. Fɔɔnnɛ ɓɛ kpaghà ɓɛ̀yiɓ ɓɛǹ lɛ Yeesus àa ghèmɓɛɛ (16:1-8). Yeesus à rèsɛ̀n Marii Madelɛn, à rèsɛ̀n girig ɓɛ̀yilàg ɓɛɓɛɛ̀ ɓi beegwey, à ki rèsɛn ɓɛ̀yilàg ɓii ntɛ̀ɗ rìbog (16:9-18).

Ɓi rìlègsì ɗi Syeesyee wìì a Ɓɔlɛ, Marikus à kpaa yɛ̀ɛ Yeesus à ɓɔkà aɗyoo, ɓɛ̀yilàg ɓɛ kɛǹ kì kakalii ɓɔlɛ wìì.

Ùrì nya lɛ ù kì lɛ, i ù lègsii kì ɓàli Syeesyee à Ɓɔlɛ ànɛ Marikus à kàngà ànɛ, ù ghɛn lɛ Yeesus ànɛ a Naazarɛt à ɓaghà lɔŋ Man à Bɛ̀ll a tààka, fɛlɛ yɛ̀ɛ ǹkɔ̀mɛ̀n-ɓɛ̀sujàà à ghɛngà ŋwos anɛ ɓɛ wolà Yeesus?

Đang chọn:

MARIKUS Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ: BAFNT

Tô màu

Chia sẻ

Sao chép

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Tìm hiểu thêm về Bafia Nouveau Testament

MARIKUS Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ

Những câu Kinh Thánh phổ biến từ
MARIKUS Ɓìɓan ɓi ɓi ghɛɓsii lɛ ɓɛɛ konag kì woògh Syeesyee à Ɓɔlɛ ànɛ

Kinh Thánh:

Bafia

Bản dịch: Bafia Nouveau Testament - BAFNT