Matayo 13
13
Cikozhano ca Shikuminza
(Maako 4:1-9; Luka 8:4-8)
1Mbubona bobo buzuba Jeso wakamuhwa muŋanda waya kukala kumbali kwizhiba. 2#Lk 5:1-3Inkamu inkando ya bantu yakamubunganina cakuti limwi wakanjila mu bwato, bantu bakashaala a muuma.
3Wakabaambila shintu shinji shinji mushikozhano ati, “Umwi muntu wakaya ukuminza imbuto. 4Inzho naakaakuminza, imbuto shimwi shakawila munzhila, ngoonaawo bazuni bakeza bashilya. 5Imbuto shimwi shakawila amabwe akaakwiina ihwu linji linji, ca kufwambaana shakamena nkaambo kakuceya ihwu. 6Pele izuba nilyakabala shanyana shakazuma nkaambo mizanda keetakonzha kusakana anshi. 7Shimwi imbuto shakawila mu meya, naakakomena akashiyasa u kushifwundilizha. 8Shimwi imbuto shakawila mwihwu ibotu u kuzhala micelo. Shimwi shakaba mwaanda shimwi makumi ali cisambomwi, shimwi shakaba makumi otatwe.” 9Kumaninzha Jeso wakaamba ati, “Wezo uuli matwi naateelele!”
Muzeezo wa Shikozhanyo
(Maako 4:10-12; Luka 8:9-10)
10Kuhwaawo ba shiciiya bakeza kwakwe u kumubuzha ati, “Nkamboonzhi ulabaambila mushikozhano?” 11Ngoonaawo wakabaingula ati, “Umwe mulipelwe luzhibo lwamaseseke a bwami bwa kwizeulu ndubatapelwe balo. 12#Mat 25:29; Mk 4:25; Lk 8:18; 19:26Nkaambo wezo ukwete ulakazunjililwa ubobo shilakaba shinji shinji, pele wezo ukwete shishoonto ulakanangwa uceco ncaakwete. 13Nciceco ncimbaambilila mushikozhano nkaambo nikuba ati balabona tababonesha, nikuba ati balateelela, tabateelelesha ulimwi tabapupulalisha.” 14#Aiz 6:9, 10Umbona mbwaakabashinshima Aizaya naakaamba ati,
“‘Baba bantu balapupulala pele tabateelelesha.
Balabona pele tababonesha,
15nkaambo maanu abo mafwaafwi,
u matwi abo alikatele tabakonzha kuteelelela,
u menso abo alihululete,
cakuti tabakonzha kubona u menso abo,
u kuteelela u matwi abo, u kuzhingashila mu myonzo yabo, u kucindulucila kwangu ndi Leza,
kwaamba mbaponye.’
16 #
Lk 10:23, 24 “Umwe mulilongelwe nkaambo menso enu alabona u matwi enu alateelela! 17Cini cini ndamwaambila ati, bashinshimi banji banji u bantu balulami bakaakuzandisha kubona sheshi nshimubona pele bayina kushibona pe. Ulimwi bakaakuzandisha kuteelela aza ngumuteelela pele bayina kwaateelela.”
Jeso Wapandulula Cikozhano ca Shikuminza
(Maako 4:13-20; 8:11-15)
18“Inzho amuteelele bupanduluzhi bwacikozhano ca shikuminza. 19Ciindi bantu nibateelela mazwi aamba sha bwami bwa Leza, bamana tabashiteeleli, mubiyabi ulashika ukukusha ceco cashangwa mu myonzo yabo. Shesho nshiimbuto shakawila munzhila. 20Inzho shesho shakawila mwihwu lya mu mabwe, mbubabo bacita ati, baateelela mazwi a Leza baatambula ca kufwambaana u kubotelwa. 21Pele ukaambo kakuti bayina mizanda mulimbabo, makatazho u mapenzhi abashicila ukaambo kakucita shaamba aza mazwi balalebwa ndilyona. 22Inzho imbuto shakawila mu meya, mbubabo bateelela izwi, pele ukaambo kukuzandisha shintu shaanshi u buhubi, shilaashanicizha mazwi ubobo taazhali micelo. 23Pele shesho shakawila mwihwu ibotu mbubabo bacita ati, baateelela mazwi a Leza baabamba. Ubobo balazhala micelo cakuhuzhanya ukuba mwaanda, bamwi makumi ali cisambomwi bamwi makumi otatwe.”
Cikozhano Camaila Iinsaku
24Ulimwi Jeso wakabaambila ucimwi cikozhano waamba ati, “Bwami bwa kwizeulu buli ukoya muntu wakashanga maila mu muunda. 25Pele ciindi bantu nibakakoona, ushinkondonina wakashika ukushanga insaku mu maila amane waya. 26Ubobo shishango nishakakula u kuzhala insece, ayo insaku yakalibonya. 27Inzho basebezhi bakwe mukamwini muunda bakeza kumushimwina ati, ‘Mwami Inta kayi twakashanga maila mu muunda mwako, no inzho insaku yahwa kwi?’ 28Wakabaambila ati, ‘Shinkondoma nguwacita ceci!’ Ngoonaawo basebezhi bakamwaambila ati, ‘Sa ulazanda ati tuye tukeezhule?’ 29Walo wakaingula ati, ‘Pe pe mulaba nimukakaazhulilizha u maila. 30Amushileke shikulile antoomwi mpaka kushicila ku ciindi ca kutebula. Ndilelyo ninkaabaambila bashikutebula ati, amutaangune kubunjika insaku mwiiange mile kwaamba itentwe mwamana maila mwaabike mubutala bwangu.’ ”
Cikozhano ca Kasece Kamasitadi
(Maako 4:30-32; Luka 13:18-19)
31Ulimwi Jeso wakaamba ucimwi cikozhano cakuti, “Bwami bwa kwizeulu buli ukoya kasece ka masitadi#13:31 kasece ka masitadi: kali ukoya insece she bondwe na sha tombwe. kako nkaashanga muntu mu muunda wakwe. 32Nkasece kashoonto kafwumbi kakomena lilaba isamu. Ubobo bazuni baleza kuzaka shitaanto kumitabi yalyo.”
Cikozhano Cabumena
(Luka 13:20-21)
33Amane wakabaambila ucimwi cikozhano cakuti, “Bwami bwa kwizeulu buli ukoya bumena, mukaintu mbwaahwela muntundu shotatwe shabufwu bwa maila ukubuseseka mpaka mulwi woonse wafwuta.”
Jeso Mbwasebezha Shikozhano
(Maako 4:33-34)
34Sheshi shoonse wakabaambila mushikozhano. Kwiina nakaabayisha bulyo cita mushikozhano. 35#Inte 78:2Sheshi wakashicita kwiingainya ubwakaamba mushinshimi ati,
“Ndakayiisha mushikozhano.
Ndakapandulula shakasesekwa kuhwa kumalengelo anshi.”
Jeso Waupandulula Cikozhano ca Nsaku
36Inzho Jeso wakaashiya makamu makamu abantu u kunjila muŋanda. Ba shiciiya bakwe bakeza kwakwe bamwaambila ati, “Tupandululile cikozhano ca nsaku yamumuunda.” 37Wakabaingula ati, “Uushanga ngu Mwanaa Muntu. 38Muunda nduundu, maila alaamba bantu ba mu bwami bwa Leza. Insaku mbantu ba mubiyabi. 39Wakeeshanga ngushinkondoma Shaatani. Kutebula nciindi cakumana kwanshi. Batebuzhi mbaanjelo. 40Umbona insaku mbwiibunganyiwa ukutentwa, mbukukaaba ku mamanino anshi. 41Mwanaa Muntu ulakatuma banjelo bakwe, kwaamba bakakushe bantu balebya bamwi uba shishibi boonse mu bwami bwakwe, 42u kuya kubasowela mwizhiba lya mulilo. Mwalo momo mubakaalila ukuluma inkwino. 43Balo baluleme balakamweka mweka ukoya izuba mu bwami bwa Ushabo. Wezo ukwete matwi ateelele.”
Cikozhano ca Lubono Luseseke
44“Ulimwi bwami bwa kwizeulu buli ukoya muntu umwi ukwete lubono lwakaakusosekelwe mu muunda, mucoolwe muntu wakalubulicila amane waaluseseka aanji, ngoonaawo waya kuuzha shoonse nshaakaakukwete amane wakawula muunda wezo.”
Cikozhano ca Mpande
45“Ulimwi bwami bwa kwizeulu buli ukoya musambazhi uulanga impande imbotu. 46Ubobo naakeeyana wakashuuzha shoonse nshaakakukwete waya kuula impande yezho.”
Cikozhano ca Kanyandi
47“Ulimwi bwami bwa kwizeulu buli ukoya kanyandi kakawaalwa mu lwaatele kamane kakwasha inswi shamishobo mishobo. 48Inzho kanyandi nikakezula, bakakakwelela kumuuma bamane bakala anshi u kusala inswi. Imbotu bakashibika mu shinzuma shabo, imbiyabi bakashisowa. 49Umbona bobo mbukukaaba ku mamanino anshi. Baanjelo balakaandaanya ba shishibi kuhwa ku bantu baluleme, 50ba shishibi balakabasowela mwizhiba lya mulilo. Momo bantu mubakaalila ukuluma inkwino.” 51Amane Jeso wakababuzha ba shiciiya ati, “Sa alo mulashiteelela sheshi nshiŋamba?” Bakamwiingula ati, “Ee!” 52Amane walo wakabaambila ati, “Ubobo woonse mulembi, wakayiishiwa makani a bwami bwa kwizeulu uli ukoya mukamwini iŋanda ukusha shintu mucizobwelo cakwe shipiya u shikulukulu.”
Jeso Bamukaka ku Nanzaleta
(Maako 6:1-6; Luka 4:16-30)
53Jeso naakamana kukanana mushikozhano sheshi wakakuhwa koko kubusena 54wakaya ku cishi ca kwabo, koko nkwaakabaisha mu cikombelo caba Juda cakuti bakazhingwa u kwaamba ati, “Anu wezu muntu wakabuyana kwi busongo u maleele aza ngaacita? 55Sa wezu ingwe mwanaa mubezhi? Ulimwi sa baina tali Maliya? Inta banina mbuba Jemusi, Jozefu, Simoni u Judasi? 56Inta u banina bakaintu tulakala abo kono? Wakashiyana kwi insana sheshi?” 57#Joh 4:44Ubobo bakamukaka.
Jeso wakabaambila ati, “Mushinshimi ulalemekwa inshi yoonse cita bulyo kwabo uku mukowa wakwe.” 58Ukaambo kakubula lushomo kwabo, wiina naakacita maleele manji manji koko.
Đang chọn:
Matayo 13: ILL
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ila New Testament © Bible Society of Zambia, 2015.