Sempaisi Ne Kaiwo Mirarebanai

<div class="version vid1176 iso6393amk" data-vid="1176" data-iso6393="amk">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Kaiwofoi weinontarai batang, amani Yesus Kristusi</div><div class="q1"> 1Na reantenang pari nunei kaharai mae,</div><div class="q2">Kaiwofoi niayai kawurua.</div><div class="q1">Kaiwo nani niayai kawuru ria Allai ampa,</div><div class="q2">tuti I mani Allai dine.</div><div class="q1"> 2Na reantenang pari fo niayai kontai ria Allai.</div><div class="q1"> 3Fi fuba nini kiai, Allai niariri na Kaiwofoi nani,</div><div class="q2">tuti na fi fuba niayai kiai nini,</div><div class="q3">boyari kontai wiro Allai niariri boriei weru I kaha.</div><div class="q1"> 4Kaiwofoi mani, ansengnei weneung nai,</div><div class="q2">tuti ansengfoi dohong Sambewarafo we inontarainesa.</div><div class="q1"> 5Sambewarai nani dansairai na mamantitifo,</div><div class="q2">tuti mamantitifoi wiro niariri fefe kaha.</div><div class="p"> 6Inontarai Allai demi foi manei da ma, wonong fino Yohanesi. 7I da ma we deiriri kariri fianai aino deti teri na urengfo kariri Sambewarai nani, ambori na i kaiwasanei kiai taraoai tuti yoasoai. 8Mantauni wiro Sambewarafoi dine kaha, mae manta da ma we deiriri kariri te Sambewarai nani. 9Kaiwofoi mani Sambewarai taraio sambewa inontarainesa kiai enemirorongfoi dine tuti da to nunei ma finanai.</div><div class="p"> 10I niayai na nunei, tuti andino Allai niari nunei nai ne, wape nunei deroansoi kaha. 11Da to ne kataifoi terai ma, wape ne inontaraifosa etamang wei kaha. 12Tonanai ki, wape we mandoni saino etamang wei tuti eroaso wonongfo mani, yuaisa esobu mambiriu we ahusa we Allai ne arikang disa. 13Amani arikangno wiro etaubau enumi na inontaraine eriraufo kaha tuti kariri ene etawiafo kaha, ete kariri mang manei ne dawiai we ambori sobu arikangfo kaha, mae etaubau enumi we Allai ne arikang disa na Allai mantauni terai.</div><div class="p"> 14Kaiwofoi weinontarai batang ampa tuti niayai rahang tata. Amewatio ne sambewaraio dedai fo ampa, sambewarai dedaio Allai dohonai wei we ne Kaisung Mansiari dine fo. Tuti I mani Kaisungno da na Dai Allai na ne wetaraifo tuti ne bengno dohonai arora fo.</div><div class="p"> 15Yohanesi da ma we deisaha kariri Kaiwofoi we mandoni dine fo we tata tuti sahu deyo, &#8220;Inontaraio imadu kariri yeyo, &#8216;Ambori inontarai manei datua yau aha ma ki, wape inontarai nani fiabai sewa yau, we wiro ira ma kaharai mae, I mani niayai kawuru ampa.&#8217; Inontarai imadu kariri tonana foi andinini.&#8221;</div><div class="p"> 16Weo I mani dohong ne bengfo fuba sewa ampa, tuti na ne bengno fuba sewa nanai, mioang tata pampang. 17Weo Sempaisi ne Hukumifoi tasobuai ria Musai. Wape Allai ne beng sewa fo tuti ne wetaraifo tasobuai ria Yesus Kristusi.</div><div class="p"> 18Mandoni kontaio wiro deti Allai na ea kaha rai, mae Dai ne Kaisung Mansiario ne tarai kariri I tuti weboyari riati foi terai. Meiri andino deinawi Dai Allai we tata ne.</div><div class="s">Yohanesi deisaha kaririai we i mani mandoni dine fo</div><div class="r">(Matiusi 3:1-12; Markusi 1:1-8; Lukasi 3:3-6, 15-17)</div><div class="p"> 19Nini mani, kaiwo taraio Yohanesi medu kariri mantauni tuti kariri Yesusi fo na rabuang bo mano ewenunggamiei we Yahudi fosa na Yerusalemi etemi imami manea tuti inontarai Lewi manea, era we Yohanesia we etutang berahi eteyo, &#8220;Wau mani mandoni di wau?&#8221; 20Yohanesi feforawa kahai, mae deikariri parai wesa deyo, &#8220;Yau mani Mananu Mampariri foi#1:20 Na kaiwo Yunani mani &#8216;Kristusi&#8217;, tuti ne maksuti mani Mananu Mampariri na Allai dine. di yau kaha.&#8221; 21Ainanaya etutang berahi aha eteyo, &#8220;Tonana mani, mandoni di wau? Eliai di wau e?&#8221; Manamo medu wesa deyo, &#8220;Bereri.&#8221; Mayeai etutani aha eteyo, &#8220;Ampafe mandoni di wau? Nabio ambori da ma foi#Ulangan 18:15 di wau e?&#8221; Yohanesi yoa wesa aha deyo, &#8220;Bereri.&#8221; 22Ampafe etutang berahi nariai aha eteyo, &#8220;Tonana mani boikaririai we amea we mandoni di wau. Weo todoni kontaio ameteisaharai we mano etemi amea amera ma fosa, we wau mani mandoni di wau fo. Fianai aino modurai kariri mantaung wau ne?&#8221;</div><div class="p"> 23Ampafe Yohanesi yoa wesa na kaiwo nabi Yesayai fafongfa medura fo deyo, &#8220;Yau mani, mano isahu pampang na katai wekamamiei minano foi yeyo,</div><div class="q1">&#8216;Memainenang rang beng feai we Sempaisi,</div><div class="q2">Tuti menaria mimoya wei.&#8217; &#8221;#Yesayai 40:3</div><div class="p"> 24Inontarai mano era ma nanisa mani, inontarai eweFarisi maneiru teai kontai ampafe etutani eteyo, 25&#8220;Masino wau mani Mananu Mampariri foi di wau kaha, Eliai di wau kaha, tuti Nabifoi di wau kaha, tonana mani webaptisi inontarai we fiani?&#8221;</div><div class="p"> 26Yohanesi yoa deyo, &#8220;Iwebaptisi na mereha, wape manei doa rahang mea wa, inontarai nani wiro metaroani kaha. 27Andino da tua yau ma, wape we irehu ne wai sapatu fo terai ki, wiro imai we inari finana kaha.&#8221;</div><div class="p"> 28Finani kai kawariai na Betania, waya Yardeni eneung dowaruai, katai Yohanesi webaptisi nai foi.</div><div class="s">Yohanesi deinawi kariri Yesusi, Allai ne Domba Antungno feriri kaiwasa foi</div><div class="p"> 29Kameaia mani, Yohanesi deti Yesusi da weia. Ainanaya Yohanesi medu deyo, &#8220;Mewati, Allai ne Domba Antungno ohonai wekorbani we yiwang inontarainesa ambori feriri sasari nunei fi di wani. 30Andino imadu kariri yeyo, &#8216;Ambori manei da tua yau ma ki, tuti fiabai sewa yau, weo itaubau nuhu kaharai mae, I mani niayai fitawa kawurua.&#8217; 31Yau kontaio reantenangne mani wiro yeroansoi weMananu Mamparirio imadu kariria fo dine kaha. Wape ira ma we iwebaptisi inontarainesa na mereha ambori inontarai Israeli nesa kiai ewatioi tuti etaroansoi.&#8221;</div><div class="p"> 32Yohanesi medu kontai tonina kariri fi deti teri foi, deyo, &#8220;Iwati Nuaninu Mirarebana foi ne tarai toyari muntung manei, biari na rorafaisi meu minohi sauwi pampang. 33Rabuang bonani yau kontaio yeroansoi weMananu Mampariri foi dine kaha, wape Allai mano demi yau iwebaptisi na mereha foi medu kawuru we yaua deyo, &#8216;Masino boti Nuaninu Mirarebana foi biari meu tuti minohi sau manei mani, wenani dino ambori webaptisi na Nuaninu Mirarebana foi ne.&#8217; 34Iwati teri ampa, tuti yeisaha kariri yeyo, I mani Allai ne Kaisung dine.&#8221;</div><div class="s">Yesusi ne inontarai dirisa reantenang fo</div><div class="p"> 35Rahida sua aha foi mani Yohanesi doari na katai nani aha, doa tuti ne inontarai erariati fo uwemandu. 36Tuti na kutu detia Yesusi we da nana fo medu we suru deyo, &#8220;Muwatia! Allai ne Domba Antungfi diwani.&#8221;</div><div class="p"> 37Yohanesi ne inontarai mandu fo suru utarami medu tonana fo, uroari ahang kahai mae ura ria Yesusia. 38Yesusi fiobera ureng deti afui mani, deti suru we ura riati fo, ainanaya dutang suru deyo, &#8220;Fianang dino musera wei ne?&#8221; Manamo umadu wei aha ureyo, &#8220;Rabie, munohi maidoni?&#8221; (Kaiwo Rabi fo mani neta we Mantaunau.) 39Ainanaya Yesus medu we suru nariai aha deyo, &#8220;Mura ma, ambori muwati katai iminohi naya fo ki.&#8221; Ampafe ura wa ura riati tuti uwati kataio minohi naya fo. Rabuang bonani mani araha ureng boa tuti uminohi riati na nanai paria rahida bonani kiaia.</div><div class="p"> 40Na inontarai manduo utarami Yohanesi ne kaiwofo tuti ura ria Yesusi nani suru mani, manei wonong fino Andareasi, i mani Simon Petrusi ne tahatui dine. 41Andareasi nini sikera paria da sera we ne tafuaio Simonia tuti medu wei deyo, &#8220;Ausobu Mesiasi ampa!&#8221; (Mesiasi mani wang we Kristusi dine, amani Mananu Mamparirio Allai demi ma we yu fi kiai ne.) 42Ampafe kia Simoni we Yesusia.</div><div class="p">Yesusi seite Simoni mayeai medua wei deyo, &#8220;Simoni, Yonai antung di wau. Wau ambori esahu wau we Kefasi ki.&#8221; (Kefasi na kaiwo Iberani mani, masi we Petrusi na kaiwo Yunani, amani: Kamiei.)</div><div class="s">Yesusi sahu Pilipusi tuti Natanieli urariati</div><div class="p"> 43Kameai roainai aha mani, Yesusi kiutuai we da to Galileara. Da wa kaharai mae sobu Pilipusi tuti medu wei deyo, &#8220;Ro ria yau!&#8221; 44Pilipusi nini ne munue na Betsaida, katai Andareasi tuti Petrusi unayai nai foi kontai.</div><div class="p"> 45Pilipusi da wa sobu inontarai manei aha, amani Natanieli tuti medu wei deyo, &#8220;Amesobui ampa, amani mano Musai deikariri na ne Kaiwo soi fo nani, tuti nabifosa etoi kariri foia fo. I mani Yesusi na Nazareti, Yusupi antungfoi.&#8221; 46Wape Natanieli medu deyo, &#8220;O! Fi bengfo da na Nazareti mae?&#8221; Ampafe Pilipusi medu wei deyo, &#8220;Ro ma boti teri.&#8221;</div><div class="p"> 47Yesusi deti Natanieli da weia nanai, medu deyo, &#8220;Inontarai Israeli tarai fi diwani, inontaraio tatofane kuteai tataha nai kaha dine.&#8221; 48Ampafe Natanieli medu we Yesusi aha deyo, &#8220;Na todonie boyo boroanso yau tonanai nina.&#8221; Yesusi yoa wei deyo, &#8220;Pilipusi sahu wau kaharai mae, iwati wau we munohi na ai urung neungfo.&#8221;</div><div class="p"> 49Ainanaya Natanieli medu deyo, &#8220;Dai Rabio Mantaunaune waune, boroang yau tonana mani Allai ne Kaisung di wau! Israeli amene Mananu di wau!&#8221;</div><div class="p"> 50Yesusi medu wei aha deyo, &#8220;Roasoai weo fitantumao yeyoai we iwati wau kawuru na ai urung arowawahi foi fo ne? Fi fuba sewa weru ninai ambori botioai ki!&#8221; 51Ainanaya medu aha deyo, &#8220;Tarai antu! Imadurai we mea mau yeyo, ambori mewati rorafaisi tifai tuti Allai ne wewaifosa etautai ebia we Kaisung Inontarai nei ki.&#8221;</div>
 </div>
 </div>
</div>

Na reantenang pari nunei kaharai mae,
Kaiwofoi niayai kawurua.
Kaiwo nani niayai kawuru ria Allai ampa,
tuti I mani Allai dine.
Na reantenang pari fo niayai kontai ria Allai.
Fi fuba nini kiai, Allai niariri na Kaiwofoi nani,
tuti na fi fuba niayai kiai nini,
boyari kontai wiro Allai niariri boriei weru I kaha.
Kaiwofoi mani, ansengnei weneung nai,
tuti ansengfoi dohong Sambewarafo we inontarainesa.
Sambewarai nani dansairai na mamantitifo,
tuti mamantitifoi wiro niariri fefe kaha.
Inontarai Allai demi foi manei da ma, wonong fino Yohanesi. I da ma we deiriri kariri fianai aino deti teri na urengfo kariri Sambewarai nani, ambori na i kaiwasanei kiai taraoai tuti yoasoai. Mantauni wiro Sambewarafoi dine kaha, mae manta da ma we deiriri kariri te Sambewarai nani. Kaiwofoi mani Sambewarai taraio sambewa inontarainesa kiai enemirorongfoi dine tuti da to nunei ma finanai.
I niayai na nunei, tuti andino Allai niari nunei nai ne, wape nunei deroansoi kaha. Da to ne kataifoi terai ma, wape ne inontaraifosa etamang wei kaha. Tonanai ki, wape we mandoni saino etamang wei tuti eroaso wonongfo mani, yuaisa esobu mambiriu we ahusa we Allai ne arikang disa. Amani arikangno wiro etaubau enumi na inontaraine eriraufo kaha tuti kariri ene etawiafo kaha, ete kariri mang manei ne dawiai we ambori sobu arikangfo kaha, mae etaubau enumi we Allai ne arikang disa na Allai mantauni terai.
Kaiwofoi weinontarai batang ampa tuti niayai rahang tata. Amewatio ne sambewaraio dedai fo ampa, sambewarai dedaio Allai dohonai wei we ne Kaisung Mansiari dine fo. Tuti I mani Kaisungno da na Dai Allai na ne wetaraifo tuti ne bengno dohonai arora fo.
Yohanesi da ma we deisaha kariri Kaiwofoi we mandoni dine fo we tata tuti sahu deyo, “Inontaraio imadu kariri yeyo, ‘Ambori inontarai manei datua yau aha ma ki, wape inontarai nani fiabai sewa yau, we wiro ira ma kaharai mae, I mani niayai kawuru ampa.’ Inontarai imadu kariri tonana foi andinini.”
Weo I mani dohong ne bengfo fuba sewa ampa, tuti na ne bengno fuba sewa nanai, mioang tata pampang. Weo Sempaisi ne Hukumifoi tasobuai ria Musai. Wape Allai ne beng sewa fo tuti ne wetaraifo tasobuai ria Yesus Kristusi.
Mandoni kontaio wiro deti Allai na ea kaha rai, mae Dai ne Kaisung Mansiario ne tarai kariri I tuti weboyari riati foi terai. Meiri andino deinawi Dai Allai we tata ne.


Nini mani, kaiwo taraio Yohanesi medu kariri mantauni tuti kariri Yesusi fo na rabuang bo mano ewenunggamiei we Yahudi fosa na Yerusalemi etemi imami manea tuti inontarai Lewi manea, era we Yohanesia we etutang berahi eteyo, “Wau mani mandoni di wau?” Yohanesi feforawa kahai, mae deikariri parai wesa deyo, “Yau mani Mananu Mampariri foi di yau kaha.” Ainanaya etutang berahi aha eteyo, “Tonana mani, mandoni di wau? Eliai di wau e?” Manamo medu wesa deyo, “Bereri.” Mayeai etutani aha eteyo, “Ampafe mandoni di wau? Nabio ambori da ma foi di wau e?” Yohanesi yoa wesa aha deyo, “Bereri.” Ampafe etutang berahi nariai aha eteyo, “Tonana mani boikaririai we amea we mandoni di wau. Weo todoni kontaio ameteisaharai we mano etemi amea amera ma fosa, we wau mani mandoni di wau fo. Fianai aino modurai kariri mantaung wau ne?”
Ampafe Yohanesi yoa wesa na kaiwo nabi Yesayai fafongfa medura fo deyo, “Yau mani, mano isahu pampang na katai wekamamiei minano foi yeyo,
‘Memainenang rang beng feai we Sempaisi,
Tuti menaria mimoya wei.’ ”
Inontarai mano era ma nanisa mani, inontarai eweFarisi maneiru teai kontai ampafe etutani eteyo, “Masino wau mani Mananu Mampariri foi di wau kaha, Eliai di wau kaha, tuti Nabifoi di wau kaha, tonana mani webaptisi inontarai we fiani?”
Yohanesi yoa deyo, “Iwebaptisi na mereha, wape manei doa rahang mea wa, inontarai nani wiro metaroani kaha. Andino da tua yau ma, wape we irehu ne wai sapatu fo terai ki, wiro imai we inari finana kaha.”
Finani kai kawariai na Betania, waya Yardeni eneung dowaruai, katai Yohanesi webaptisi nai foi.

Kameaia mani, Yohanesi deti Yesusi da weia. Ainanaya Yohanesi medu deyo, “Mewati, Allai ne Domba Antungno ohonai wekorbani we yiwang inontarainesa ambori feriri sasari nunei fi di wani. Andino imadu kariri yeyo, ‘Ambori manei da tua yau ma ki, tuti fiabai sewa yau, weo itaubau nuhu kaharai mae, I mani niayai fitawa kawurua.’ Yau kontaio reantenangne mani wiro yeroansoi weMananu Mamparirio imadu kariria fo dine kaha. Wape ira ma we iwebaptisi inontarainesa na mereha ambori inontarai Israeli nesa kiai ewatioi tuti etaroansoi.”
Yohanesi medu kontai tonina kariri fi deti teri foi, deyo, “Iwati Nuaninu Mirarebana foi ne tarai toyari muntung manei, biari na rorafaisi meu minohi sauwi pampang. Rabuang bonani yau kontaio yeroansoi weMananu Mampariri foi dine kaha, wape Allai mano demi yau iwebaptisi na mereha foi medu kawuru we yaua deyo, ‘Masino boti Nuaninu Mirarebana foi biari meu tuti minohi sau manei mani, wenani dino ambori webaptisi na Nuaninu Mirarebana foi ne.’ Iwati teri ampa, tuti yeisaha kariri yeyo, I mani Allai ne Kaisung dine.”

Rahida sua aha foi mani Yohanesi doari na katai nani aha, doa tuti ne inontarai erariati fo uwemandu. Tuti na kutu detia Yesusi we da nana fo medu we suru deyo, “Muwatia! Allai ne Domba Antungfi diwani.”
Yohanesi ne inontarai mandu fo suru utarami medu tonana fo, uroari ahang kahai mae ura ria Yesusia. Yesusi fiobera ureng deti afui mani, deti suru we ura riati fo, ainanaya dutang suru deyo, “Fianang dino musera wei ne?” Manamo umadu wei aha ureyo, “Rabie, munohi maidoni?” (Kaiwo Rabi fo mani neta we Mantaunau.) Ainanaya Yesus medu we suru nariai aha deyo, “Mura ma, ambori muwati katai iminohi naya fo ki.” Ampafe ura wa ura riati tuti uwati kataio minohi naya fo. Rabuang bonani mani araha ureng boa tuti uminohi riati na nanai paria rahida bonani kiaia.
Na inontarai manduo utarami Yohanesi ne kaiwofo tuti ura ria Yesusi nani suru mani, manei wonong fino Andareasi, i mani Simon Petrusi ne tahatui dine. Andareasi nini sikera paria da sera we ne tafuaio Simonia tuti medu wei deyo, “Ausobu Mesiasi ampa!” (Mesiasi mani wang we Kristusi dine, amani Mananu Mamparirio Allai demi ma we yu fi kiai ne.) Ampafe kia Simoni we Yesusia.
Yesusi seite Simoni mayeai medua wei deyo, “Simoni, Yonai antung di wau. Wau ambori esahu wau we Kefasi ki.” (Kefasi na kaiwo Iberani mani, masi we Petrusi na kaiwo Yunani, amani: Kamiei.)

Kameai roainai aha mani, Yesusi kiutuai we da to Galileara. Da wa kaharai mae sobu Pilipusi tuti medu wei deyo, “Ro ria yau!” Pilipusi nini ne munue na Betsaida, katai Andareasi tuti Petrusi unayai nai foi kontai.
Pilipusi da wa sobu inontarai manei aha, amani Natanieli tuti medu wei deyo, “Amesobui ampa, amani mano Musai deikariri na ne Kaiwo soi fo nani, tuti nabifosa etoi kariri foia fo. I mani Yesusi na Nazareti, Yusupi antungfoi.” Wape Natanieli medu deyo, “O! Fi bengfo da na Nazareti mae?” Ampafe Pilipusi medu wei deyo, “Ro ma boti teri.”
Yesusi deti Natanieli da weia nanai, medu deyo, “Inontarai Israeli tarai fi diwani, inontaraio tatofane kuteai tataha nai kaha dine.” Ampafe Natanieli medu we Yesusi aha deyo, “Na todonie boyo boroanso yau tonanai nina.” Yesusi yoa wei deyo, “Pilipusi sahu wau kaharai mae, iwati wau we munohi na ai urung neungfo.”
Ainanaya Natanieli medu deyo, “Dai Rabio Mantaunaune waune, boroang yau tonana mani Allai ne Kaisung di wau! Israeli amene Mananu di wau!”
Yesusi medu wei aha deyo, “Roasoai weo fitantumao yeyoai we iwati wau kawuru na ai urung arowawahi foi fo ne? Fi fuba sewa weru ninai ambori botioai ki!” Ainanaya medu aha deyo, “Tarai antu! Imadurai we mea mau yeyo, ambori mewati rorafaisi tifai tuti Allai ne wewaifosa etautai ebia we Kaisung Inontarai nei ki.”

Phulaphula i Yohanesi 1