<div class="version vid1324 iso6393suc" data-vid="1324" data-iso6393="suc">
   <div class="book bkMRK">
      <div class="chapter chINTRO1" data-usfm="MRK.INTRO1">
         <div class="imt1"><span class="content">Og Piuna Talu&#42892; pa&#42892;ali sog Gomba&#42892;is nog Guksugan nog Sinulat ni Mark</span></div><div class="ip"><span class="content">Og libru koni nog sinulat ni Mark, og mikposun nog si Isukristu, ion og Bata&#42892; nog Mikpongon. Og guksugan pa&#42892;ali dianon iningolanan og Gomba&#42892;is nog Guksugan. Si Isus pitongow nog ion motugos bu motas og baya&#42892; non. Og baya&#42892; non motongow dia sog kopokpanad non, sog baya&#42892; non momugow nog glatdiwataanan, bu sog kopongampun non nog dusaanan nog gotowanan. Iningolanan ni Isus og dili glawas non nog ion og Binata&#42892; sog Kilawan, nog minangoy dini mogbogoy nog dili kotubu&#42892; non bagun da molokat og gotowanan tidu sog kouliponan nog dusaanan nilan.</span></div><div class="ip"><span class="content">Pilogdong tokodoy ni Mark sumulat og guksugan koni pa&#42892;ali dia ni Isus. Bu migustal ion nog ain og ininang ni Isus kitu&#42892; gaba&#42892; nog piktalu&#42892; non bu og pikpanad non. Mitubus ni Mark uksugoy nog ompolok pa&#42892;ali dia ni Jan nog Polomunyag bu og kobunyag bu kopongyuba&#42892; dia ni Isus, pigdoyunan non sumulat pa&#42892;ali sog kopokpanad ni Isus bu kopokpokodag non dia sog ain di&#42892; mokokodag. Bu ain og sulanggu&#42892;anan ni Isus, mongmaya&#42892;maya&#42892; mogdungag og sabut nilan pa&#42892;ali dianon. Tibua, ain og sinumusi kitu&#42892; dianon, migdungag og kangit nilan dianon.</span></div><div class="ip"><span class="content">Og doksu&#42892;an nog sulat ni Mark koni, og guksugan pa&#42892;ali sog kibianbianan ni Isus sog gimpusan nog simana non dini sog dunya, labi na og kokudus bu kopotubu&#42892; dianon.</span></div><div class="io1"><span class="content">1. Og tolipunan nog Guksugan koni, 1:1-13.</span></div><div class="io1"><span class="content">2. Og piginang ni Isus dia sog kodokolan nog gotowanan ditu&#42892; sog Galili, 1:14&#8211;9:50.</span></div><div class="io1"><span class="content">3. Og piginang ni Isus sog kopanow non kitu&#42892; tidu sog Galili mangoy sog Jerusalem, 10:1-52.</span></div><div class="io1"><span class="content">4. Og gimpusan nog simana non ditu&#42892; sog Jerusalem bu sog glumibut nog gimbolayan koyon dion, 11:1&#8211;15:47.</span></div><div class="io1"><span class="content">5. Og kopokpotubu&#42892; dia ni Isus tidu sog patoy, 16:1-8.</span></div><div class="io1"><span class="content">6. Og kopokpotongow bu og kiknat non tidu ion potubu&#42892;on tidu sog patoy, 16:9-20.</span></div>
      </div>
   </div>
</div>

Og Piuna Taluꞌ paꞌali sog Gombaꞌis nog Guksugan nog Sinulat ni Mark
Og libru koni nog sinulat ni Mark, og mikposun nog si Isukristu, ion og Bataꞌ nog Mikpongon. Og guksugan paꞌali dianon iningolanan og Gombaꞌis nog Guksugan. Si Isus pitongow nog ion motugos bu motas og bayaꞌ non. Og bayaꞌ non motongow dia sog kopokpanad non, sog bayaꞌ non momugow nog glatdiwataanan, bu sog kopongampun non nog dusaanan nog gotowanan. Iningolanan ni Isus og dili glawas non nog ion og Binataꞌ sog Kilawan, nog minangoy dini mogbogoy nog dili kotubuꞌ non bagun da molokat og gotowanan tidu sog kouliponan nog dusaanan nilan.
Pilogdong tokodoy ni Mark sumulat og guksugan koni paꞌali dia ni Isus. Bu migustal ion nog ain og ininang ni Isus kituꞌ gabaꞌ nog piktaluꞌ non bu og pikpanad non. Mitubus ni Mark uksugoy nog ompolok paꞌali dia ni Jan nog Polomunyag bu og kobunyag bu kopongyubaꞌ dia ni Isus, pigdoyunan non sumulat paꞌali sog kopokpanad ni Isus bu kopokpokodag non dia sog ain diꞌ mokokodag. Bu ain og sulangguꞌanan ni Isus, mongmayaꞌmayaꞌ mogdungag og sabut nilan paꞌali dianon. Tibua, ain og sinumusi kituꞌ dianon, migdungag og kangit nilan dianon.
Og doksuꞌan nog sulat ni Mark koni, og guksugan paꞌali sog kibianbianan ni Isus sog gimpusan nog simana non dini sog dunya, labi na og kokudus bu kopotubuꞌ dianon.
1. Og tolipunan nog Guksugan koni, 1:1-13.
2. Og piginang ni Isus dia sog kodokolan nog gotowanan dituꞌ sog Galili, 1:14–9:50.
3. Og piginang ni Isus sog kopanow non kituꞌ tidu sog Galili mangoy sog Jerusalem, 10:1-52.
4. Og gimpusan nog simana non dituꞌ sog Jerusalem bu sog glumibut nog gimbolayan koyon dion, 11:1–15:47.
5. Og kopokpotubuꞌ dia ni Isus tidu sog patoy, 16:1-8.
6. Og kopokpotongow bu og kiknat non tidu ion potubuꞌon tidu sog patoy, 16:9-20.

Phulaphula i Mark Og Piuna Taluꞌ paꞌali sog Gombaꞌis nog Guksugan nog Sinulat ni Mark