Nyakyusa-Ngonde: Ʉlwitɨkano Ʉlʉpya (Bible)

Ʉlwitɨkano Ʉlʉpya

<div class="version vid2326 iso6393nyy" data-vid="2326" data-iso6393="nyy">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jesu asy&#649;kile mb&#649;fwe</div><div class="r">(Matai 28:1-10; Maal&#616;ka 16:1-8; Johani 20:1-10)</div><div class="p"> 1N&#649;l&#649;b&#649;nj&#649; fiijo pi isik&#649; &#616;lya pa nd&#649;ng&#649;,#24:1 Iisik&#649; &#616;lya pa nd&#649;ng&#649; Bala k&#649; &#407;syak&#649;l&#616;ngaania. abakiik&#649;l&#649; bala bal&#616;nk&#649;b&#649;&#649;ka kwi ip&#649;mba, baatwele &#616;mikota &#616;g&#616; baatendekiisye. 2Bo bafikile bal&#616;nkwaga iibwe l&#616;bungulusiigwe &#649;k&#649;fuma pa k&#616;figo &#616;kya ip&#649;mba. 3Bal&#616;nkwing&#616;la nkat&#616;, bal&#616;nkwaga &#649;mfimba gwa Ntwa Jesu g&#649;kajamo. 4Bo bakaal&#616; bik&#649;swiga &#616;syo, nakal&#616;nga aband&#649;mi bab&#616;l&#616;, aba baafwele &#616;myenda &#616;g&#616; gik&#649;langala, bal&#616;nkw&#616;ma k&#616;fuki nabo. 5Abakiik&#649;l&#649; abo bal&#616;nk&#649;tiila, bal&#616;nkwinama paasi. Looli aband&#649;mi bala bal&#616;nk&#649;bab&#649;&#649;la bal&#616;nk&#649;t&#616;, &#8220;Fiki muk&#649;nndonda &#649;m&#649;&#649;mi mbafwe? 6Akajapo apa! Asy&#649;kile! Namuk&#649;mb&#649;kege amasy&#649; aga aabab&#649;&#649;lile, bo al&#616; na nuumwe mu Galilai, 7aatile, &#8216;Mpaka Nnyamund&#649; ab&#616;&#616;kigwe k&#649; bat&#649;lanongwa, akomeleligwe pa k&#616;kohekano, na pi isik&#649; lya b&#649;tat&#649; asy&#649;ke!&#8217;&#8239;&#8221;</div><div class="p"> 8Po abakiik&#649;l&#649; bala bal&#616;nk&#649;gak&#649;mb&#649;ka amasy&#649; gaa Jesu. 9Po bal&#616;nk&#649;sookapo pi ip&#649;mba, bal&#616;nk&#649;b&#649;&#649;ka apa baalipo abafundigwa baa Jesu bala kalongo na j&#649;mo, na bafundigwa abang&#616; boosa, bal&#616;nk&#649;bab&#649;&#649;la syosa &#616;si baasibwene. 10Abakiik&#649;l&#649; aba baabab&#649;&#649;lile abat&#649;migwa baa Jesu &#616;nongwa &#616;syo, bo baa Malija &#649;gwa k&#649; Magatala, Joana, Malija &#649;nna gwa Jaakobo, na bakiik&#649;l&#649; abang&#616; aba baal&#616; pamopeene nabo.</div><div class="p"> 11Looli abat&#649;migwa bo bap&#616;liike &#616;nongwa &#616;si baab&#649;&#649;liigwe na bakiik&#649;l&#649; bala, bakaasiitiike, bal&#616;nkwaga ngat&#616; sya mwalo. 12Looli Peeteli al&#616;nkw&#616;ma, al&#616;nk&#649;bopa &#649;k&#649;b&#649;&#649;ka kwi ip&#649;mba. Al&#616;nkwinama, al&#616;nk&#649;ling&#649;l&#616;la mwi ip&#649;mba, al&#616;nk&#649;g&#649;bona gwene &#649;mwenda &#649;g&#649; baal&#616;nsy&#616;liile Jesu. Al&#616;nk&#649;sookapo pala, k&#649;no ik&#649;swiga &#616;si syaboniike.</div><div class="s">Jesu ik&#649;baset&#649;k&#616;la abafundigwa bab&#616;l&#616; aba baab&#649;&#649;kaga k&#649; Emau</div><div class="r">(Maal&#616;ka 16:12-13)</div><div class="p"> 13&#407;liisik&#649; l&#616;lal&#616;la, abafundigwa bab&#616;l&#616; baa Jesu bendaga mu nj&#616;la &#649;k&#649;b&#649;&#649;ka nkaaja akaa mu Emau, aka kaal&#616; pab&#649;tali bwa kilomita kalongo na j&#616;mo &#649;k&#649;fuma k&#649; Jelusalemu. 14Bo bikwenda mu nj&#616;la, baajobaga &#616;nongwa syosa &#616;si syaboniike. 15Bo bik&#649;joba n&#649; k&#649;laal&#649;&#649;sania, Jesu j&#649;&#649;jo al&#616;nk&#649;segelela n&#649; kwenda pamopeene nabo. 16Looli amaaso gaabo gaakoliigwe, &#649;k&#649;t&#616; bal&#616;ngammanya.</div><div class="p"> 17Jesu al&#616;nk&#649;balaal&#649;&#649;sya al&#616;nk&#649;t&#616;, &#8220;Masy&#649; maki aga muk&#649;jobesania bo mukwenda?&#8221; Bal&#616;nkw&#616;ma, k&#649;no baasulumeenie. 18J&#649;mo &#649;j&#649; &#616;ngamu jaake aal&#616; jo Kilyopa, al&#616;nkwamula al&#616;nk&#649;t&#616;, &#8220;B&#649;le, &#649;gwe gwimwene &#649;l&#616; nheesya mu Jelusalemu, gwe &#649;kamanya &#616;si siboniike &#649;mo amasik&#649; aga?&#8221;</div><div class="p"> 19Jesu al&#616;nk&#649;balaal&#649;&#649;sya al&#616;nk&#649;t&#616;, &#8220;&#407;sya fiki?&#8221; Bal&#616;nk&#649;mmb&#649;&#649;la bal&#616;nk&#649;t&#616;, &#8220;&#407;sya Jesu &#649;gwa mu Nasaleti. &#580;mwene aal&#616; nkunguluka, &#616;si aajobaga n&#649; k&#649;bomba syal&#616; na maka nkyeni mwa Kyala na mmband&#649; boosa. 20Abapuuti abalongosi na balongosi b&#616;&#616;t&#649; baal&#616;ntwele k&#649; ndongosi gwa Balooma, &#649;k&#649;t&#616; alongigwe &#649;k&#649;gogigwa, bal&#616;nk&#649;nkomelela pa k&#616;kohekano. 21&#580;swe twas&#649;&#649;b&#616;laga &#649;k&#649;t&#616; &#649;mwene al&#616; jo gwa k&#649;twab&#649;la twe Banyaisila&#616;li. Pal&#616; syosa sisiisi, l&#616;&#616;l&#616;no isik&#649; lya b&#649;tat&#649; &#649;k&#649;fuma apa syabonekiile.</div><div class="p"> 22&#8220;Kang&#616; abakiik&#649;l&#649; bamo nk&#616;bugut&#616;la ky&#616;t&#649; &#616;kya bafundigwa, bat&#649;nyomwisye. Balaabiile n&#649;l&#649;b&#649;nj&#649; fiijo &#649;k&#649;b&#649;&#649;ka kwi ip&#649;mba, 23leelo bakagwaga &#649;mfimba gwake. Biisile k&#649;k&#649;t&#649;b&#649;&#649;la &#649;k&#649;t&#616; babaset&#649;kiile aband&#649;mi, babab&#649;&#649;lile &#649;k&#649;t&#616; Jesu m&#649;&#649;mi. 24Po bamo nk&#616;bugut&#616;la ky&#616;t&#649; bab&#649;&#649;kile kwi ip&#649;mba, baagile sil&#616; bo muno bajobiile abakiik&#649;l&#649; bala, looli &#649;mwene bakammbona.&#8221;</div><div class="p"> 25Jesu al&#616;nk&#649;bab&#649;&#649;la al&#616;nk&#649;t&#616;, &#8220;Mwe bakonyofu &#649;mwe! Mul&#616; basito &#649;k&#649;siit&#616;ka syosa &#616;si baajobile abakunguluka! 26B&#649;le, akaalondigwaga Meesija mpaka ak&#649;b&#616;lwe bo &#649;lo, po ing&#616;le mb&#649;sisya bwake?&#8221; 27Po Jesu al&#616;nkwanda &#649;k&#649;bal&#616;ngaania &#616;si sisimbiigwe mwa Kalata &#649;Mwikemo, &#616;si sik&#649;nnjoba &#649;mwene, &#649;kwand&#616;la &#616;si aasimbile Moose na bakunguluka boosa.</div><div class="p"> 28Bo bal&#616; k&#616;fuki &#649;k&#649;fika nkaaja aka baab&#649;&#649;kaga, Jesu al&#616;nk&#649;fwana ik&#649;k&#616;&#616;sania. 29Looli abeene bal&#616;nk&#649;pyelesya fiijo bal&#616;nk&#649;t&#616;, &#8220;&#580;syale apa pamopeene na nuuswe. Keeta bwilile, &#616;ngiisi j&#616;l&#616; k&#616;fuki.&#8221;</div><div class="p">Po Jesu al&#616;nkwing&#616;la nnyumba, al&#616;nk&#649;t&#649;&#649;gala nabo. 30Bo at&#649;&#649;geele pak&#649;lya &#616;find&#649; pamopeene nabo, al&#616;nkwega &#616;k&#616;syesye, al&#616;nk&#649;gwa &#649;l&#649;pi kwa Kyala, al&#616;nk&#649;k&#616;menyania, al&#616;nk&#649;bapa. 31Po Kyala al&#616;nk&#649;biig&#649;la, bal&#616;nk&#649;mmwagania &#649;k&#649;t&#616; jo Jesu, po &#649;mwene al&#616;nk&#649;soba nkyeni mmyabo. 32Bal&#616;nk&#649;laal&#649;&#649;sania bal&#616;nk&#649;t&#616;, &#8220;B&#649;le, g&#649;kaafwanaga mooto gukwaka mu ndumbula sy&#616;t&#649;, bo ik&#649;joba na nuuswe mu nj&#616;la n&#649; k&#649;t&#649;l&#616;ngaania amasy&#649; agaa Kalata &#649;Mwikemo?&#8221;</div><div class="p"> 33Akabal&#616;lo kalakala bal&#616;nk&#649;sookapo, bal&#616;nk&#649;gomokelako k&#649; Jelusalemu. Bal&#616;nk&#649;baaga abat&#649;migwa bala kalongo na j&#649;mo, na bafundigwa abang&#616; aba baal&#616; pamopeene nabo, bab&#649;ngeene. 34Boosa baajobaga baat&#616;g&#616;, &#8220;Nalooli &#649;Ntwa asy&#649;kile! Ammbonekiile Simoni!&#8221;</div><div class="p"> 35Po boope abafundigwa bab&#616;l&#616; bala, bal&#616;nk&#649;bapang&#616;la syosa &#616;si sibabonekiile mu nj&#616;la, na muno bammanyiile Jesu bo ik&#649;menyania &#616;k&#616;syesye.</div><div class="s">Jesu ik&#649;baset&#649;k&#616;la abafundigwa baake</div><div class="r">(Matai 28:16-20; Maal&#616;ka 16:14-18; Johani 20:19-23; &#407;mbombo sya Bat&#649;migwa 1:6-8)</div><div class="p"> 36Bo bal&#616; pak&#649;bapang&#616;la &#616;nongwa &#616;syo, &#649;mwene Jesu al&#616;nkw&#616;ma pakat&#616; pamyabo, al&#616;nk&#649;baponia al&#616;nk&#649;t&#616;, &#8220;Mugonile, &#649;l&#649;tengaano l&#649;jege na nuumwe!&#8221; 37Bal&#616;nk&#649;nyomoka n&#649; k&#649;tiila, bal&#616;nkwinogona &#649;k&#649;t&#616; bik&#649;mmbona &#649;nsy&#649;ka.</div><div class="p"> 38Looli Jesu al&#616;nk&#649;bab&#649;&#649;la al&#616;nk&#649;t&#616;, &#8220;Fiki muk&#649;tiila? Fiki mukwilaamwa mu ndumbula sy&#616;nu? 39Amukeete amaboko na mal&#649;nd&#616; gang&#649;, jo &#649;ne. Namumbalamaasye, mukeete, paapo &#649;nsy&#649;ka akaja n&#649; mb&#616;l&#616; n&#616; fifupa, bo &#649;l&#649; muk&#649;&#649;mbona &#649;ne nd&#616; nafyo.&#8221;</div><div class="p"> 40Jesu bo ajobile &#616;syo, al&#616;nk&#649;banang&#616;sya amakoko agaa mmaboko na mmal&#649;nd&#616; gaake. 41K&#649;nongwa jaa l&#649;sekelo n&#649; k&#649;swiga &#616;si siboniike, baatoliigwe &#649;kwit&#616;ka &#616;si. Jesu al&#616;nk&#649;balaal&#649;&#649;sya al&#616;nk&#649;t&#616;, &#8220;Mul&#616; n&#616; find&#649; fimo apa?&#8221; 42Bal&#616;nk&#649;mpapo &#616;k&#616;balali &#616;kya &#616;sw&#616; &#616;nyookye, 43al&#616;nkwamb&#616;l&#616;la n&#649; k&#649;lya nkyeni mmyabo. 44Po al&#616;nk&#649;bab&#649;&#649;la al&#616;nk&#649;t&#616;, &#8220;&#407;si syo &#616;si naabab&#649;&#649;lile, bo ngaal&#616; nd&#616; na nuumwe, &#649;k&#649;t&#616; syosa &#616;si sisimbiigwe &#649;k&#649;&#649;njoba &#649;ne, mu ndag&#616;lo sya Moose, mwa baakalata baa bakunguluka na mwa kalata gwa &#407;sab&#649;li, mpaka siboneke.&#8221;</div><div class="p"> 45Po al&#616;nkwig&#649;la amahala gaabo, &#649;k&#649;t&#616; basyaganiege &#616;si sisimbiigwe mwa Kalata &#649;Mwikemo. 46Al&#616;nk&#649;bab&#649;&#649;la al&#616;nk&#649;t&#616;, &#8220;&#407;syo syo &#616;si sisimbiigwe, &#649;k&#649;t&#616; Meesija ikwisa k&#649;k&#649;b&#616;lwa, pi isik&#649; lya b&#649;tat&#649;, ikwisa k&#649;sy&#649;ka &#649;k&#649;fuma mbafwe. 47Kang&#616; mu ngamu jaake aband&#649; baa mfikolo fyosa, &#649;kwand&#616;la mu Jelusalemu, bikwisa k&#649;l&#649;mb&#616;l&#616;ligwa &#649;k&#649;t&#616; bas&#649;&#649;me &#649;l&#649;hobokelo lwa b&#649;t&#649;lanongwa bwabo. 48&#580;mwe mul&#616; bakeeti baa nongwa &#616;si sibombiigwe.</div><div class="p"> 49&#8220;P&#616;l&#616;k&#616;sya! Ng&#649;nt&#649;ma k&#649;my&#616;nu &#649;j&#649; Taata aafingile &#649;k&#649;t&#616; ik&#649;bat&#649;m&#616;la &#649;mwe. Looli mut&#649;&#649;gale nkaaja aka,#24:49 Nkaaja aka Kok&#649;t&#616; mu Jelusalemu. mpaka bo mwamb&#616;liile amaka aga gik&#649;fuma kwa Kyala.&#8221;</div><div class="s">Jesu ik&#649;fy&#649;ka k&#649;mwanya</div><div class="r">(Maal&#616;ka 16:19-20; &#407;mbombo sya Bat&#649;migwa 1:9-11)</div><div class="p"> 50Po Jesu al&#616;nk&#649;balongosya &#649;k&#649;sookamo mu Jelusalemu, al&#616;nk&#649;fika nabo k&#649; Betanija, al&#616;nkwin&#649;la amaboko gaake, al&#616;nk&#649;basaja. 51Bo ik&#649;basaja, al&#616;nk&#649;baleka, al&#616;nkwegigwa &#649;k&#649;fy&#649;ka k&#649;mwanya. 52Abeene bal&#616;nk&#649;mmwipuuta, po bal&#616;nk&#649;sookapo pala, bal&#616;nk&#649;b&#649;&#649;ka mu Jelusalemu n&#649; l&#649;sekelo &#649;l&#649;nywamu. 53Bwila baajaga nd&#649;paso lwa tempeli, nk&#649;ntuufya Kyala.</div>
 </div>
 </div>
</div>

Nʉlʉbʉnjʉ fiijo pi isikʉ ɨlya pa ndʉngʉ, abakiikʉlʉ bala balɨnkʉbʉʉka kwi ipʉmba, baatwele ɨmikota ɨgɨ baatendekiisye. Bo bafikile balɨnkwaga iibwe lɨbungulusiigwe ʉkʉfuma pa kɨfigo ɨkya ipʉmba. Balɨnkwingɨla nkatɨ, balɨnkwaga ʉmfimba gwa Ntwa Jesu gʉkajamo. Bo bakaalɨ bikʉswiga ɨsyo, nakalɨnga abandʉmi babɨlɨ, aba baafwele ɨmyenda ɨgɨ gikʉlangala, balɨnkwɨma kɨfuki nabo. Abakiikʉlʉ abo balɨnkʉtiila, balɨnkwinama paasi. Looli abandʉmi bala balɨnkʉbabʉʉla balɨnkʉtɨ, “Fiki mukʉnndonda ʉmʉʉmi mbafwe? Akajapo apa! Asyʉkile! Namukʉmbʉkege amasyʉ aga aababʉʉlile, bo alɨ na nuumwe mu Galilai, aatile, ‘Mpaka Nnyamundʉ abɨɨkigwe kʉ batʉlanongwa, akomeleligwe pa kɨkohekano, na pi isikʉ lya bʉtatʉ asyʉke!’ ”
Po abakiikʉlʉ bala balɨnkʉgakʉmbʉka amasyʉ gaa Jesu. Po balɨnkʉsookapo pi ipʉmba, balɨnkʉbʉʉka apa baalipo abafundigwa baa Jesu bala kalongo na jʉmo, na bafundigwa abangɨ boosa, balɨnkʉbabʉʉla syosa ɨsi baasibwene. Abakiikʉlʉ aba baababʉʉlile abatʉmigwa baa Jesu ɨnongwa ɨsyo, bo baa Malija ʉgwa kʉ Magatala, Joana, Malija ʉnna gwa Jaakobo, na bakiikʉlʉ abangɨ aba baalɨ pamopeene nabo.
Looli abatʉmigwa bo bapɨliike ɨnongwa ɨsi baabʉʉliigwe na bakiikʉlʉ bala, bakaasiitiike, balɨnkwaga ngatɨ sya mwalo. Looli Peeteli alɨnkwɨma, alɨnkʉbopa ʉkʉbʉʉka kwi ipʉmba. Alɨnkwinama, alɨnkʉlingʉlɨla mwi ipʉmba, alɨnkʉgʉbona gwene ʉmwenda ʉgʉ baalɨnsyɨliile Jesu. Alɨnkʉsookapo pala, kʉno ikʉswiga ɨsi syaboniike.


Ɨliisikʉ lɨlalɨla, abafundigwa babɨlɨ baa Jesu bendaga mu njɨla ʉkʉbʉʉka nkaaja akaa mu Emau, aka kaalɨ pabʉtali bwa kilomita kalongo na jɨmo ʉkʉfuma kʉ Jelusalemu. Bo bikwenda mu njɨla, baajobaga ɨnongwa syosa ɨsi syaboniike. Bo bikʉjoba nʉ kʉlaalʉʉsania, Jesu jʉʉjo alɨnkʉsegelela nʉ kwenda pamopeene nabo. Looli amaaso gaabo gaakoliigwe, ʉkʉtɨ balɨngammanya.
Jesu alɨnkʉbalaalʉʉsya alɨnkʉtɨ, “Masyʉ maki aga mukʉjobesania bo mukwenda?” Balɨnkwɨma, kʉno baasulumeenie. Jʉmo ʉjʉ ɨngamu jaake aalɨ jo Kilyopa, alɨnkwamula alɨnkʉtɨ, “Bʉle, ʉgwe gwimwene ʉlɨ nheesya mu Jelusalemu, gwe ʉkamanya ɨsi siboniike ʉmo amasikʉ aga?”
Jesu alɨnkʉbalaalʉʉsya alɨnkʉtɨ, “Ɨsya fiki?” Balɨnkʉmmbʉʉla balɨnkʉtɨ, “Ɨsya Jesu ʉgwa mu Nasaleti. Ʉmwene aalɨ nkunguluka, ɨsi aajobaga nʉ kʉbomba syalɨ na maka nkyeni mwa Kyala na mmbandʉ boosa. Abapuuti abalongosi na balongosi bɨɨtʉ baalɨntwele kʉ ndongosi gwa Balooma, ʉkʉtɨ alongigwe ʉkʉgogigwa, balɨnkʉnkomelela pa kɨkohekano. Ʉswe twasʉʉbɨlaga ʉkʉtɨ ʉmwene alɨ jo gwa kʉtwabʉla twe Banyaisilaɨli. Palɨ syosa sisiisi, lɨɨlɨno isikʉ lya bʉtatʉ ʉkʉfuma apa syabonekiile.
“Kangɨ abakiikʉlʉ bamo nkɨbugutɨla kyɨtʉ ɨkya bafundigwa, batʉnyomwisye. Balaabiile nʉlʉbʉnjʉ fiijo ʉkʉbʉʉka kwi ipʉmba, leelo bakagwaga ʉmfimba gwake. Biisile kʉkʉtʉbʉʉla ʉkʉtɨ babasetʉkiile abandʉmi, bababʉʉlile ʉkʉtɨ Jesu mʉʉmi. Po bamo nkɨbugutɨla kyɨtʉ babʉʉkile kwi ipʉmba, baagile silɨ bo muno bajobiile abakiikʉlʉ bala, looli ʉmwene bakammbona.”
Jesu alɨnkʉbabʉʉla alɨnkʉtɨ, “Mwe bakonyofu ʉmwe! Mulɨ basito ʉkʉsiitɨka syosa ɨsi baajobile abakunguluka! Bʉle, akaalondigwaga Meesija mpaka akʉbɨlwe bo ʉlo, po ingɨle mbʉsisya bwake?” Po Jesu alɨnkwanda ʉkʉbalɨngaania ɨsi sisimbiigwe mwa Kalata ʉMwikemo, ɨsi sikʉnnjoba ʉmwene, ʉkwandɨla ɨsi aasimbile Moose na bakunguluka boosa.
Bo balɨ kɨfuki ʉkʉfika nkaaja aka baabʉʉkaga, Jesu alɨnkʉfwana ikʉkɨɨsania. Looli abeene balɨnkʉpyelesya fiijo balɨnkʉtɨ, “Ʉsyale apa pamopeene na nuuswe. Keeta bwilile, ɨngiisi jɨlɨ kɨfuki.”
Po Jesu alɨnkwingɨla nnyumba, alɨnkʉtʉʉgala nabo. Bo atʉʉgeele pakʉlya ɨfindʉ pamopeene nabo, alɨnkwega ɨkɨsyesye, alɨnkʉgwa ʉlʉpi kwa Kyala, alɨnkʉkɨmenyania, alɨnkʉbapa. Po Kyala alɨnkʉbiigʉla, balɨnkʉmmwagania ʉkʉtɨ jo Jesu, po ʉmwene alɨnkʉsoba nkyeni mmyabo. Balɨnkʉlaalʉʉsania balɨnkʉtɨ, “Bʉle, gʉkaafwanaga mooto gukwaka mu ndumbula syɨtʉ, bo ikʉjoba na nuuswe mu njɨla nʉ kʉtʉlɨngaania amasyʉ agaa Kalata ʉMwikemo?”
Akabalɨlo kalakala balɨnkʉsookapo, balɨnkʉgomokelako kʉ Jelusalemu. Balɨnkʉbaaga abatʉmigwa bala kalongo na jʉmo, na bafundigwa abangɨ aba baalɨ pamopeene nabo, babʉngeene. Boosa baajobaga baatɨgɨ, “Nalooli ʉNtwa asyʉkile! Ammbonekiile Simoni!”
Po boope abafundigwa babɨlɨ bala, balɨnkʉbapangɨla syosa ɨsi sibabonekiile mu njɨla, na muno bammanyiile Jesu bo ikʉmenyania ɨkɨsyesye.


Bo balɨ pakʉbapangɨla ɨnongwa ɨsyo, ʉmwene Jesu alɨnkwɨma pakatɨ pamyabo, alɨnkʉbaponia alɨnkʉtɨ, “Mugonile, ʉlʉtengaano lʉjege na nuumwe!” Balɨnkʉnyomoka nʉ kʉtiila, balɨnkwinogona ʉkʉtɨ bikʉmmbona ʉnsyʉka.
Looli Jesu alɨnkʉbabʉʉla alɨnkʉtɨ, “Fiki mukʉtiila? Fiki mukwilaamwa mu ndumbula syɨnu? Amukeete amaboko na malʉndɨ gangʉ, jo ʉne. Namumbalamaasye, mukeete, paapo ʉnsyʉka akaja nʉ mbɨlɨ nɨ fifupa, bo ʉlʉ mukʉʉmbona ʉne ndɨ nafyo.”
Jesu bo ajobile ɨsyo, alɨnkʉbanangɨsya amakoko agaa mmaboko na mmalʉndɨ gaake. Kʉnongwa jaa lʉsekelo nʉ kʉswiga ɨsi siboniike, baatoliigwe ʉkwitɨka ɨsi. Jesu alɨnkʉbalaalʉʉsya alɨnkʉtɨ, “Mulɨ nɨ findʉ fimo apa?” Balɨnkʉmpapo ɨkɨbalali ɨkya ɨswɨ ɨnyookye, alɨnkwambɨlɨla nʉ kʉlya nkyeni mmyabo. Po alɨnkʉbabʉʉla alɨnkʉtɨ, “Ɨsi syo ɨsi naababʉʉlile, bo ngaalɨ ndɨ na nuumwe, ʉkʉtɨ syosa ɨsi sisimbiigwe ʉkʉʉnjoba ʉne, mu ndagɨlo sya Moose, mwa baakalata baa bakunguluka na mwa kalata gwa Ɨsabʉli, mpaka siboneke.”
Po alɨnkwigʉla amahala gaabo, ʉkʉtɨ basyaganiege ɨsi sisimbiigwe mwa Kalata ʉMwikemo. Alɨnkʉbabʉʉla alɨnkʉtɨ, “Ɨsyo syo ɨsi sisimbiigwe, ʉkʉtɨ Meesija ikwisa kʉkʉbɨlwa, pi isikʉ lya bʉtatʉ, ikwisa kʉsyʉka ʉkʉfuma mbafwe. Kangɨ mu ngamu jaake abandʉ baa mfikolo fyosa, ʉkwandɨla mu Jelusalemu, bikwisa kʉlʉmbɨlɨligwa ʉkʉtɨ basʉʉme ʉlʉhobokelo lwa bʉtʉlanongwa bwabo. Ʉmwe mulɨ bakeeti baa nongwa ɨsi sibombiigwe.
“Pɨlɨkɨsya! Ngʉntʉma kʉmyɨnu ʉjʉ Taata aafingile ʉkʉtɨ ikʉbatʉmɨla ʉmwe. Looli mutʉʉgale nkaaja aka, mpaka bo mwambɨliile amaka aga gikʉfuma kwa Kyala.”


Po Jesu alɨnkʉbalongosya ʉkʉsookamo mu Jelusalemu, alɨnkʉfika nabo kʉ Betanija, alɨnkwinʉla amaboko gaake, alɨnkʉbasaja. Bo ikʉbasaja, alɨnkʉbaleka, alɨnkwegigwa ʉkʉfyʉka kʉmwanya. Abeene balɨnkʉmmwipuuta, po balɨnkʉsookapo pala, balɨnkʉbʉʉka mu Jelusalemu nʉ lʉsekelo ʉlʉnywamu. Bwila baajaga ndʉpaso lwa tempeli, nkʉntuufya Kyala.

Phulaphula i Lʉʉka 24