If you have would like a copy of this version please contact info@davarpartners.org

Revised Quechua Cuzco Old Testament

<div class="version vid2391 iso6393quz" data-vid="2391" data-iso6393="quz">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="p"> 1Diostaq Noemanta yuyarikurqan, hinallataq arcapi paywan kaq lliw animalkunamantapas, lliw uywakunamantapas. Diosmi kay pachaman wayrachimurqan, hinan unuqa pisiyayta qallarirqan. 2Chinkay-chinkay unu pukyukunataq wisq'akapurqan, hinallataq hanaq pacha phawchikunapas, mana&#241;an parampurqanchu. 3Hinaqtinmi unuqa kay pachapi ch'akiykapusharqan kayman chayman aytikuspa. Pachak phisqa chunka p'unchay qhepatan unuqa pisiyaykapurqan, 4hinan arcaqa tiyaykurqan Ararat orqo-orqopi, qanchiskaq killaq chunka qanchisniyoq p'unchayninpi. 5Unun pisiyasharqan chunkakaq killakama, chunkakaq killa qallariypitaq orqokunaq uman rikhurirqan.</div><div class="p"> 6Tawa chunka p'unchay qhepatataq, Noeqa arcapi ventana ruwasqanta kicharirqan, 7hinaspan alqamarita kacharqan, chaytaq lloqsispa muyurqan unu kay pachapi ch'akipunankama. 8Hinallataq palomatapas kacharqan kay pachapi unu ch'akipusqa&#241;achus chayta yachananpaq, 9palomataq mana tarirqanchu maypi tiyaykunanta kay pachantinpi unu kashasqanrayku. Chaymi arcaman kutimpurqan, hinaqtinmi Noeqa hap'ispa kasqan arcaman apaykurqan.</div><div class="p"> 10Ahinapin qanchis p'unchaytawanraq suyarqan, yapamantataq arcamanta palomata kacharqan. 11Hinan palomaqa payman kutipurqan llanllashaq olivo raphita chhurunanpi achuykusqa. Chaymi Noeqa yacharqan kay pachapi unu ch'akipusqanta. 12Hinan huk qanchis p'unchaytawanraq suyarqan, hinaspan palomata kachallarqantaq, mana&#241;ataq astawan palomaqa payman kutimpurqanchu.</div><div class="p"> 13Soqta pachak hukniyoq watayoq No&#233; kashaqtintaq, &#241;awpaqkaq killa qallariy p'unchayta, unuqa kay pachapi ch'akipurqan. Hinan Noeqa arcaq qatanta kicharispa qhawarirqan, hinaspan rikurqan kay pachaqa ch'akipusqanta. 14Iskaykaq killaq iskay chunka qanchisniyoq p'unchayninpitaq kay pachaqa ch'aki&#241;a kapurqan. 15Diostaq Noeta nirqan:</div><div class="p"> 16&#8211;Arcamanta warmiykipiwan lloqsiy, hinallataq churiykikunapas warmintinkama. 17Horqopuy llapa t'aqa animalkunata, phalaq animalkunata, uywakunata, pampanta llapa suchuqkunata. Ripuchunku kay pachantinman, mirachunku askhayachunkutaq, nispa.</div><div class="p"> 18Chaymi Noeqa warmintin lloqsirqan, hinallataq churinkunapas warmintinkama. 19Kaqllataq arcamanta lloqsirqan llapa animalkuna, llapa phalaq animalkunapas, pampanta llapa suchuqkunapas t'aqankuman hina. 20Noetaq Se&#241;or Diospaq huk altarta perqaspa&#241;a, hap'irqan llapa sacrificana animalmanta, llapa sacrificana phalaq animalmanta, hinaspanmi altarpi ruphachispa sacrificiokunata haywarqan.</div><div class="p"> 21Se&#241;or Diostaq sumaq q'apayta chaskispa sonqonpi nirqan:</div><div class="p">&#8211;Mana&#241;an runa hawa kay pachata &#241;akasaqchu, wayna kasqanmantapachan runaq sonqonqa mana allin yuyaykuq, mana&#241;an astawan lliw kawsaqta ch'usaqyachisaqchu kunan ruwasqayta hinaqa. 22Chaywanpas kay pacha kanankamaqa kanqaraqmi tarpuypas, cosechapas, chiripas, q'o&#241;ipas, poqoypas, chirawpas, p'unchaypas, tutapas, nispa.</div>
 </div>
 </div>
</div>

Revised Quechua Cuzco Bible © Peruvian Bible Society, 2004.

Diostaq Noemanta yuyarikurqan, hinallataq arcapi paywan kaq lliw animalkunamantapas, lliw uywakunamantapas. Diosmi kay pachaman wayrachimurqan, hinan unuqa pisiyayta qallarirqan. Chinkay-chinkay unu pukyukunataq wisq'akapurqan, hinallataq hanaq pacha phawchikunapas, manañan parampurqanchu. Hinaqtinmi unuqa kay pachapi ch'akiykapusharqan kayman chayman aytikuspa. Pachak phisqa chunka p'unchay qhepatan unuqa pisiyaykapurqan, hinan arcaqa tiyaykurqan Ararat orqo-orqopi, qanchiskaq killaq chunka qanchisniyoq p'unchayninpi. Unun pisiyasharqan chunkakaq killakama, chunkakaq killa qallariypitaq orqokunaq uman rikhurirqan.
Tawa chunka p'unchay qhepatataq, Noeqa arcapi ventana ruwasqanta kicharirqan, hinaspan alqamarita kacharqan, chaytaq lloqsispa muyurqan unu kay pachapi ch'akipunankama. Hinallataq palomatapas kacharqan kay pachapi unu ch'akipusqañachus chayta yachananpaq, palomataq mana tarirqanchu maypi tiyaykunanta kay pachantinpi unu kashasqanrayku. Chaymi arcaman kutimpurqan, hinaqtinmi Noeqa hap'ispa kasqan arcaman apaykurqan.
Ahinapin qanchis p'unchaytawanraq suyarqan, yapamantataq arcamanta palomata kacharqan. Hinan palomaqa payman kutipurqan llanllashaq olivo raphita chhurunanpi achuykusqa. Chaymi Noeqa yacharqan kay pachapi unu ch'akipusqanta. Hinan huk qanchis p'unchaytawanraq suyarqan, hinaspan palomata kachallarqantaq, manañataq astawan palomaqa payman kutimpurqanchu.
Soqta pachak hukniyoq watayoq Noé kashaqtintaq, ñawpaqkaq killa qallariy p'unchayta, unuqa kay pachapi ch'akipurqan. Hinan Noeqa arcaq qatanta kicharispa qhawarirqan, hinaspan rikurqan kay pachaqa ch'akipusqanta. Iskaykaq killaq iskay chunka qanchisniyoq p'unchayninpitaq kay pachaqa ch'akiña kapurqan. Diostaq Noeta nirqan:
–Arcamanta warmiykipiwan lloqsiy, hinallataq churiykikunapas warmintinkama. Horqopuy llapa t'aqa animalkunata, phalaq animalkunata, uywakunata, pampanta llapa suchuqkunata. Ripuchunku kay pachantinman, mirachunku askhayachunkutaq, nispa.
Chaymi Noeqa warmintin lloqsirqan, hinallataq churinkunapas warmintinkama. Kaqllataq arcamanta lloqsirqan llapa animalkuna, llapa phalaq animalkunapas, pampanta llapa suchuqkunapas t'aqankuman hina. Noetaq Señor Diospaq huk altarta perqaspaña, hap'irqan llapa sacrificana animalmanta, llapa sacrificana phalaq animalmanta, hinaspanmi altarpi ruphachispa sacrificiokunata haywarqan.
Señor Diostaq sumaq q'apayta chaskispa sonqonpi nirqan:
–Manañan runa hawa kay pachata ñakasaqchu, wayna kasqanmantapachan runaq sonqonqa mana allin yuyaykuq, manañan astawan lliw kawsaqta ch'usaqyachisaqchu kunan ruwasqayta hinaqa. Chaywanpas kay pacha kanankamaqa kanqaraqmi tarpuypas, cosechapas, chiripas, q'oñipas, poqoypas, chirawpas, p'unchaypas, tutapas, nispa.

Phulaphula i GÉNESIS 8