<div class="version vid2723 iso6393hbb" data-vid="2723" data-iso6393="hbb">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">D&#601;lahimi</span></div><div class="ip"><span class="content">Matta nda njo nga Levi ng&#601; t&#601; ts&#601;f&#601; likat&#601;kat&#601; na, zhang cha ku hu&#599;a shawa kwab&#601;m&#601;tl&#601; inda, nd&#601;r ts&#601;m tsachi cha t&#601;vi Yesu nga nyi. Ku ts&#601;f&#601; nyi cha &#595;wanya t&#601;k&#601;ra Nd&#601;r dl&#601;uya nda nja m&#601;r alkawal t&#601;k&#601;ri, nd&#601; nda t&#601;wa nyi Hyel t&#601; nyabiya alkawal nda cha m&#601;r n&#601; n&#601;nyi na Nji ku &#394;&#601;&#599;&#601;m&#601;r Alkawal. Mafak&#601; M&#601;nak&#601; na a da k&#601;l n&#601; njir Yahuda tanyi wa, nji'inda nja yah Yesu ku pama nda ya ng&#601; cha ngya k&#601;'i nda wa, k&#601;l nda a n&#601; njir dun&#601;ya d&#601;h&#601;u.</span></div><div class="ip"><span class="content">Nja b&#601;rdliya Mafak&#601; M&#601;nak&#601; n&#601; Matta ana s&#601;nam. T&#601; gh&#601;ya na yar Yesu, ng&#601; cha d&#601;kar &#601;nda nja m&#601;rt&#601; nyi ba&#595;tisma n&#601; Yesu ana &#601;nda nja dz&#601; nyi, ana &#601;nda cha gh&#601;ya tl&#601;r b&#601;z&#601; mafak&#601; nyi, dl&#601;dl&#601;&#595;&#601; n&#601; nji ana mband&#601; nji vu Galili. Ahir ng&#601; ja, Mafak&#601; M&#601;nak&#601; na t&#601; chabiya &#601;nda Yesu t&#601; hya'ati vu Galili ga t&#601;ra yi Urshalima ana s&#601;'inda t&#601; &#599;a ku bat&#601;bat&#601;r tl&#601;r nyi, ga udiya na &#601;nda nja kukwanda nyi ana hya'at&#601;nyi ku hwa.</span></div><div class="ip"><span class="content">Mafak&#601; M&#601;nak&#601; na t&#601; chabiya Yesu &#601;nda Mal&#601;m D&#601;gal cha, nd&#601; nda na gyalkur d&#601;k&#601;biya Gadlagadla Hyel, nd&#601; nda kwa dl&#601;dl&#601;&#595;a t&#601;k&#601;ra t&#601;lkur Hyel. Bad&#601;gal dl&#601;dl&#601;&#595;&#601; nyi nja b&#601;rdliya t&#601; ki&#599;a k&#601;ra &#595;wanya tufu: (1) B&#601;z&#601; Mafak&#601; kyat&#601; D&#601;g&#601;l t&#601;k&#601;ra ngyak&#601;ngyar nd&#601;u, tl&#601;r nda njo kina m&#601;ra, zhar nda njo uya, ana mbwa nda njir gwa ku T&#601;lkur Hu&#599;am&#601;l&#601;m kwa ngya ti (s&#601;lirma 5&#8211;7); (2) Tsaubar i'i n&#601; shawa kwab&#601;m&#601;tl&#601; t&#601;k&#601;ra tl&#601;r nda biyaman nda (s&#601;lirma 10); (3) Ba'ada i'i t&#601;k&#601;ra T&#601;lkur hu&#599;am&#601;l&#601;m (s&#601;lirma 13); (4) Dl&#601;dl&#601;&#595;&#601; t&#601;k&#601;ra ngyar shawakur (s&#601;lirma 18); (5) Dl&#601;dl&#601;&#595;&#601; t&#601;k&#601;ra bat&#601;bat&#601;r b&#601;ji ana T&#601;lkur Hu&#599;am&#601;l&#601;m nda kwa shili (s&#601;lirma 24-25).</span></div>
      </div>
   </div>
</div>

Dəlahimi
Matta nda njo nga Levi ngə tə tsəfə likatəkatə na, zhang cha ku huɗa shawa kwabəmətlə inda, ndər tsəm tsachi cha təvi Yesu nga nyi. Ku tsəfə nyi cha ɓwanya təkəra Ndər dləuya nda nja mər alkawal təkəri, ndə nda təwa nyi Hyel tə nyabiya alkawal nda cha mər nə nənyi na Nji ku Ɗəɗəmər Alkawal. Mafakə Mənakə na a da kəl nə njir Yahuda tanyi wa, nji'inda nja yah Yesu ku pama nda ya ngə cha ngya kə'i nda wa, kəl nda a nə njir dunəya dəhəu.
Nja bərdliya Mafakə Mənakə nə Matta ana sənam. Tə ghəya na yar Yesu, ngə cha dəkar ənda nja mərtə nyi baɓtisma nə Yesu ana ənda nja dzə nyi, ana ənda cha ghəya tlər bəzə mafakə nyi, dlədləɓə nə nji ana mbandə nji vu Galili. Ahir ngə ja, Mafakə Mənakə na tə chabiya ənda Yesu tə hya'ati vu Galili ga təra yi Urshalima ana sə'inda tə ɗa ku batəbatər tlər nyi, ga udiya na ənda nja kukwanda nyi ana hya'atənyi ku hwa.
Mafakə Mənakə na tə chabiya Yesu ənda Maləm Dəgal cha, ndə nda na gyalkur dəkəbiya Gadlagadla Hyel, ndə nda kwa dlədləɓa təkəra təlkur Hyel. Badəgal dlədləɓə nyi nja bərdliya tə kiɗa kəra ɓwanya tufu: (1) Bəzə Mafakə kyatə Dəgəl təkəra ngyakəngyar ndəu, tlər nda njo kina məra, zhar nda njo uya, ana mbwa nda njir gwa ku Təlkur Huɗamələm kwa ngya ti (səlirma 5–7); (2) Tsaubar i'i nə shawa kwabəmətlə təkəra tlər nda biyaman nda (səlirma 10); (3) Ba'ada i'i təkəra Təlkur huɗamələm (səlirma 13); (4) Dlədləɓə təkəra ngyar shawakur (səlirma 18); (5) Dlədləɓə təkəra batəbatər bəji ana Təlkur Huɗamələm nda kwa shili (səlirma 24-25).

Phulaphula i Matta Dəlahimi