Migaama, Centre - WBT - NT non Drama

Migaama, Centre - WBT - NT Drama

<div class="version vid2999 iso6393mmy" data-vid="2999" data-iso6393="mmy">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s1">Beneyti Yaaya ma batasayya giimi ammo</div><div class="r">(Ello&#331; Mark 1.1-8, Lik 3.1-18, Yaaya 1.19-28)</div><div class="p"> 1Maa gu gaari kooko &#436;iili&#599;e, gaa lekki&#599;o mii&#599;i ka&#436;i ma goo Yaaya ma batasayya giimi. Gata pa ase kayne ka Yudee. Gaa asiyyoo taasa oko giimo, 2gaa: &#171;Meelo&#331;gu gaarto&#331; ku mi&#599;&#599;a asan gi mulunniti Mellayi#3.2 Beneyyi&#331;gee kooko ma beneyco Gireknigeyyo gu ay &#8216;mulunne tee ta uwwa samaani&#8217;. Mulunne ta uwwa samaani taata pa ay mulunniti Mellayi. Yawudigee pa, mile&#331; gu karmayyiy semeetee Mellayi, gu talakkay &#599;a. Ay &#599;akko appe ga Matiye kitipiy&#599;o gaa mulunne ta uwwa samaani. aseero katta.&#187; 3Yaaya pa ay gata maa ga Mella beneyye gaartee ma nabiinice Esaya gaa:</div><div class="q1">&#171;Gimu ka&#436;i beneyya ma ra&#599;&#599;a kayni gaa:</div><div class="q1">Pano&#331;ga botol oko Miltine.</div><div class="q1">Leeneegu bottolli gu dee&#599;o cur#3.3 Ello&#331; Esaya 40.3.!&#187;</div><div class="p"> 4Yaaya pa esekke ka&#599;iyyu maa gu paree ma lawtee lukumi o abuuti ga onokkica ma haguune ka tukki. Tiyawti pa ay baggi o &#436;imbe. 5Guu giimi asaw&#599;ee min geegar ka Zerizalem o min diyargee ku ki&#599;a ta Yudee paratt&#237; o min diyargee paracco ma aaye saript&#237; &#436;iiro ta Yurden ma sorotta diiman. 6Guu beney&#599;iy zunubgeeco unco giimo, hatta gaa batisiy&#599;iy &#436;iiro ta Yurden.</div><div class="p"> 7Gaa Yaaya elel&#599;o aacco giimo Pariziyennigee o Saduseyennigee maani ma asaa wikirti maa ga batasay&#599;o giimi kaaka. Gaa beneyyiyyoo gaa: &#171;Ku&#331; ma ay ronco koykokko! Ay we ma gaarito&#331; paawo min bogorti Mellayi ma akka asa wikinne ka parlanti? 8Deyyo&#331; ale&#331; ettee ma weewa miici ku daana. Leewo&#331; gaari ku samaane ma gaara kadar ku meeliy ma seene gaarto&#331; ku mi&#599;&#599;a. 9A&#599;o&#331; lee &#599;a kuu gi arakke paa&#599;e maa ku al&#599;o ronco rontee Biraayim. Na beneyyato&#331; kadar ga Mella gederra ga lee&#599;iy dambee kooko gu dee&#599;o ronco rontee Biraayim. 10Ello&#331; &#436;a bolaa ka da&#599;&#599;iti carco etteyyo aaye appe. Kulla ettu a&#599;e ma weewa &#599;a miici ku daana gu da&#599;akkaa gu uwwiya okkati. 11Naa batasayyato&#331; ma ammi ku maa ku gaari&#599;o kadar ku a&#331;ka ku meeli&#599;iy gaarto&#331; ku mi&#599;&#599;a. A gata ma asa taartu soopa, tatta &#436;iila min oko naa. Na arakke &#599;a kulla na settiyeegu n&#816;uurtee. Gata kaaka pa akkito&#331; batisiya ma Ruuhanti Mellayi o ma okko. 12Gata pa bakamme pitti asiyaane ka booyiti, ku maa ga jagi&#599;iy kor&#436;o ma susuma. Maa ga gaami&#599;e booyo pa, gaa sawwiyya putuuriti. Gaa timmi&#599;iy kor&#436;o urditi. Susuma pa ga akkica oosa ma okko ma batakka &#599;a ta kaw.&#187;</div><div class="s1">Yaaya batasayyaa Iisa</div><div class="r">(Ello&#331; Mark 1.9-11, Lik 3.21-22, Yaaya 1.29-34)</div><div class="p"> 13Gaa wikinne paalta omma, ga Iisa asi&#599;e min ki&#599;a ta Galilee. Gaa sar&#599;e &#436;iiro ta Yurden, wikirti Yaaya ku maa ga dee&#599;iya batisiya ammo. 14Gaa Yaaya a&#331;ki&#599;e pooco. Gaa beneyyi&#599;e gaa: &#171;Ay naa ma a&#331;ka ki asinno batisiya, gaa kii asaw&#599;o oko naa kii na batisiyum?&#187; 15Gaa Iisa soopa tiiliyyee gaa: &#171;Ha&#331;ka ki oyyu ki batisiyinno. Ay go&#331;&#331;a appe ke tattipiya paratti maa ga Mella a&#331;ka.&#187; Ay kaaka appe ga Yaaya oyyi&#599;e ga batisiyiyya Iisa. 16Gaa maa ga batisiyya kaaka, ga ma ha&#331;ka keeke a&#599;e ga Iisa oomi&#599;e min ammo. Gaa oko wikinne kaaka saa ga samaane iyyi&#599;e, gaa ellicca Ruuhanti Mellayi ma beeriyee ale&#331; hamam, gii asiyyee joppa. 17Gii ur&#816;e beneyyi&#599;e min samaani gee: &#171;Gata keeke ay Runtu, na &#436;ekkaa ta kaw. Parhantu paratt&#237; aaye oko gata#3.17 Ello&#331; Soom 2.7 o Esaya 42.1..&#187;</div>
 </div>
 </div>
</div>

Maa gu gaari kooko ƴiiliɗe, gaa lekkiɗo miiɗi kaƴi ma goo Yaaya ma batasayya giimi. Gata pa ase kayne ka Yudee. Gaa asiyyoo taasa oko giimo, gaa: «Meeloŋgu gaartoŋ ku miɗɗa asan gi mulunniti Mellayi aseero katta.» Yaaya pa ay gata maa ga Mella beneyye gaartee ma nabiinice Esaya gaa:
«Gimu kaƴi beneyya ma raɗɗa kayni gaa:
Panoŋga botol oko Miltine.
Leeneegu bottolli gu deeɗo cur!»
Yaaya pa esekke kaɗiyyu maa gu paree ma lawtee lukumi o abuuti ga onokkica ma haguune ka tukki. Tiyawti pa ay baggi o ƴimbe. Guu giimi asawɗee min geegar ka Zerizalem o min diyargee ku kiɗa ta Yudee parattí o min diyargee paracco ma aaye sariptí ƴiiro ta Yurden ma sorotta diiman. Guu beneyɗiy zunubgeeco unco giimo, hatta gaa batisiyɗiy ƴiiro ta Yurden.
Gaa Yaaya elelɗo aacco giimo Pariziyennigee o Saduseyennigee maani ma asaa wikirti maa ga batasayɗo giimi kaaka. Gaa beneyyiyyoo gaa: «Kuŋ ma ay ronco koykokko! Ay we ma gaaritoŋ paawo min bogorti Mellayi ma akka asa wikinne ka parlanti? Deyyoŋ aleŋ ettee ma weewa miici ku daana. Leewoŋ gaari ku samaane ma gaara kadar ku meeliy ma seene gaartoŋ ku miɗɗa. Aɗoŋ lee ɗa kuu gi arakke paaɗe maa ku alɗo ronco rontee Biraayim. Na beneyyatoŋ kadar ga Mella gederra ga leeɗiy dambee kooko gu deeɗo ronco rontee Biraayim. Elloŋ ƴa bolaa ka daɗɗiti carco etteyyo aaye appe. Kulla ettu aɗe ma weewa ɗa miici ku daana gu daɗakkaa gu uwwiya okkati. Naa batasayyatoŋ ma ammi ku maa ku gaariɗo kadar ku aŋka ku meeliɗiy gaartoŋ ku miɗɗa. A gata ma asa taartu soopa, tatta ƴiila min oko naa. Na arakke ɗa kulla na settiyeegu n̰uurtee. Gata kaaka pa akkitoŋ batisiya ma Ruuhanti Mellayi o ma okko. Gata pa bakamme pitti asiyaane ka booyiti, ku maa ga jagiɗiy korƴo ma susuma. Maa ga gaamiɗe booyo pa, gaa sawwiyya putuuriti. Gaa timmiɗiy korƴo urditi. Susuma pa ga akkica oosa ma okko ma batakka ɗa ta kaw.»


Gaa wikinne paalta omma, ga Iisa asiɗe min kiɗa ta Galilee. Gaa sarɗe ƴiiro ta Yurden, wikirti Yaaya ku maa ga deeɗiya batisiya ammo. Gaa Yaaya aŋkiɗe pooco. Gaa beneyyiɗe gaa: «Ay naa ma aŋka ki asinno batisiya, gaa kii asawɗo oko naa kii na batisiyum?» Gaa Iisa soopa tiiliyyee gaa: «Haŋka ki oyyu ki batisiyinno. Ay goŋŋa appe ke tattipiya paratti maa ga Mella aŋka.» Ay kaaka appe ga Yaaya oyyiɗe ga batisiyiyya Iisa. Gaa maa ga batisiyya kaaka, ga ma haŋka keeke aɗe ga Iisa oomiɗe min ammo. Gaa oko wikinne kaaka saa ga samaane iyyiɗe, gaa ellicca Ruuhanti Mellayi ma beeriyee aleŋ hamam, gii asiyyee joppa. Gii ur̰e beneyyiɗe min samaani gee: «Gata keeke ay Runtu, na ƴekkaa ta kaw. Parhantu parattí aaye oko gata.»

Phulaphula i Matiye 3