Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">I tchorweli romni an o Debleskro baro kheer</div><div class="p"> 1Un o Jesus dikas pre un dikas, har i brawele pengre lowe an i lowengri piri an o Debleskro baro kheer dren tchiwan. 2Un job dikas kote ninna i tchorweli romni, kai hi lat buder kek romes. Joi das dui tikne kotja lowe o Debleste.</div><div class="p"> 3Koi penas o Jesus: &#8220;Me penau tumenge: Koi romni das budeder har kol tsele wawar, kai brawelo hi. 4Kol wawar dan lowe dran pengro brawlepen. Kai tchorweli romni das halauter, hoi lat hi djipaske.&#8221;</div><div class="s1">O Debleskro baro kheer wella paash dino</div><div class="p"> 5Un i menshe, kai trul leste tardo his, penan: &#8220;Dik, o Debleskro baro kheer! Hawe shukar barra un kutch koowa jon o Debleske anan.&#8221;</div><div class="p">Koi penas o Jesus: 6&#8220;Ko tsiro wella, kai halauter, hoi tumer kate dikenna, paash djala. Kek bar atchell ap i wawareste.&#8221;</div><div class="s1">I tchilatcho tsiro wella</div><div class="p"> 7Koi putchan jon lestar: &#8220;Sikepaskro, kaana#21:7 kaanaap gadjkenes: wann? wella kowa? Har nai dikas mer, kai hi ko tsiro kai?&#8221;</div><div class="p"> 8Penas lo: &#8220;Denn jak! Mukenn tumen kekestar o Debleskro dromestar tele te anell! Koi wenna bud mursha, kai penenna: Me hom o Kristo, ko baro rai, kolestar o Dewel penas, te well job! Un jon penenn ninna: O tsiro hi kai!</div><div class="p">Me penau tumenge: Ma nashenn lenge palla! 9An ko tsiro della bud baro kurepen, un i menshe hadenn pen pral pengre themeskre rajende. Ma trashenn! Ko hunte well jaake. Ko tsiro, kai i phub paash djala, well gar jaake sik.&#8221;</div><div class="p"> 10Palle penas lo ap lende: &#8220;Ko tsiro wella, kai kurenn pen i pralstune pral bare themma wawar pralstunentsa. Un i menshe dran jek them marenn kolen an i wawar them. 11Un kai te koi well i phub soreles trisslemen#21:11 soreles trisslemen, ap gadjkenes: stark gesch&#252;ttelt . An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.</div><div class="p"> 12Glan ko tsiro, kai kowa lauter wella, lenn jon tumen palla, un taprenn tumen. Jon anenn tumen glan i tchatchepangre an i biboldengre kangria un witsrenn tumen an o stilepen. Tumer patsenn ap mande. Doleske anenn le tumen glan i bare rajende un glan i pralstunende, te rakrenn jon i phagi win pral tumende. 13Jon te krenn kowa lauter tumentsa, palle rakrenn nai mandar. 14Ma mukenn kowa an tumaro shero trujel te djal, hoi tumer hunte penenn kol rajenge! 15Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le. 16Un tumaro dad un tumari dai, tumare phrala un phenja, un tumare wawar menshe phukrenn ap tumende, ninna tumare mala. Un mank tumende hi sawe, kai wenn maredo. 17Hakeno hi chojedo ap tumende doleske, kai patsenn tumer ap mande. 18Tchatchepah, me penau tumenge: Kek bal ap tumaro shero djal nashedo. 19Atchenn soreles an o patsepen, un tumer lenn ko tchatcho djipen!&#8221;</div><div class="s1">O foro Jerusalem wella paash dino</div><div class="p"> 20&#8220;Te dikenn tumer, kai bud lurde trul o foro Jerusalem tardo hi, palle djinenn tumer, kai jon ko foro paash krenna.</div><div class="p"> 21Palle hunte nashenn i tsele menshe dran o them Judea pral an i berge. Un koon an o foro hi, hunte djal jaake sik har djala dran win. Un koon win ap o them hi, hunte djal gar an o foro dren. 22An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi. 23Koi bibacht hi bari kol djuwjenge, kai hi an wawar koowa, ninna kolenge, kai hi len i ternepen. O Debleskri choli well pral i tsele menshende an kau them. Un len hi i pharo tsiro. 24Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.&#8221;</div><div class="s1">O Mensheskro Tchawo well pale</div><div class="p"> 25&#8220;Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole. 26I tsele menshe ap i phub hi paash-mulo i trashatar pral kowa, hoi lauter ap lende wella. I bolepaskri soor perell khetne. 27Un palle dikenn i tsele menshe o Menshengro Tchawes, har well lo ap i wolka bari sorjah un railepen.</div><div class="p"> 28Te dikenn tumer, har kowa lauter wella, awenn soreles un trashenn gar! I tsiro hi palle koi, kai o Dewel lell tumen dran o tchilatchepen un dran o merepen win.&#8221;</div><div class="s1">O faigetikro ruk</div><div class="p"> 29Un o Jesus penas lenge sawe laba, kai i khatedo tchatchepen dren hi, un penas: &#8220;Dikenn ap o faigetikro ruk un ap i wawar ruka! 30Te wenn i ruka senelo, palle djinenn tumer, te well sik o nijal. 31Jaake hi kowa ninna koleha, pral kowa rakrom. Te dikenn tumer, har kowa lauter wella, palle djinenn, te well ko tsiro sik, kai o Dewel peskre menshen dran o tchilatchepen win lella, un job o rai pral i tseli phub hi.</div><div class="p"> 32Tchatchepah, me penau tumenge: Kol menshe, kai an ko tsiro djiwenna, dikenn kowa lauter pengre jakentsa.</div><div class="p"> 33O bolepen un i phub atchenna gar. Mire laba atchenn hako tsiro.&#8221;</div><div class="s1">Ma sowenn an tumaro dji!</div><div class="p"> 34&#8220;Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo! 35Djinenn! Ko diwes well pral lauterende, kai djiwenna ap i phub. 36Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.&#8221;</div><div class="p"> 37Hako diwes rakras o Jesus an o Debleskro baro kheer. I rati djas job pash koi berga, hoi kharella djeteskri berga, un atchas koi.</div><div class="p"> 38Taissarlake wan bud menshe an o Debleskro baro kheer, te shunenn jon, hoi o Jesus penella.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Un o Jesus dikas pre un dikas, har i brawele pengre lowe an i lowengri piri an o Debleskro baro kheer dren tchiwan. Un job dikas kote ninna i tchorweli romni, kai hi lat buder kek romes. Joi das dui tikne kotja lowe o Debleste.
Koi penas o Jesus: “Me penau tumenge: Koi romni das budeder har kol tsele wawar, kai brawelo hi. Kol wawar dan lowe dran pengro brawlepen. Kai tchorweli romni das halauter, hoi lat hi djipaske.”

Un i menshe, kai trul leste tardo his, penan: “Dik, o Debleskro baro kheer! Hawe shukar barra un kutch koowa jon o Debleske anan.”
Koi penas o Jesus: “Ko tsiro wella, kai halauter, hoi tumer kate dikenna, paash djala. Kek bar atchell ap i wawareste.”

Koi putchan jon lestar: “Sikepaskro, kaana wella kowa? Har nai dikas mer, kai hi ko tsiro kai?”
Penas lo: “Denn jak! Mukenn tumen kekestar o Debleskro dromestar tele te anell! Koi wenna bud mursha, kai penenna: Me hom o Kristo, ko baro rai, kolestar o Dewel penas, te well job! Un jon penenn ninna: O tsiro hi kai!
Me penau tumenge: Ma nashenn lenge palla! An ko tsiro della bud baro kurepen, un i menshe hadenn pen pral pengre themeskre rajende. Ma trashenn! Ko hunte well jaake. Ko tsiro, kai i phub paash djala, well gar jaake sik.”
Palle penas lo ap lende: “Ko tsiro wella, kai kurenn pen i pralstune pral bare themma wawar pralstunentsa. Un i menshe dran jek them marenn kolen an i wawar them. Un kai te koi well i phub soreles trisslemen. An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.
Glan ko tsiro, kai kowa lauter wella, lenn jon tumen palla, un taprenn tumen. Jon anenn tumen glan i tchatchepangre an i biboldengre kangria un witsrenn tumen an o stilepen. Tumer patsenn ap mande. Doleske anenn le tumen glan i bare rajende un glan i pralstunende, te rakrenn jon i phagi win pral tumende. Jon te krenn kowa lauter tumentsa, palle rakrenn nai mandar. Ma mukenn kowa an tumaro shero trujel te djal, hoi tumer hunte penenn kol rajenge! Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le. Un tumaro dad un tumari dai, tumare phrala un phenja, un tumare wawar menshe phukrenn ap tumende, ninna tumare mala. Un mank tumende hi sawe, kai wenn maredo. Hakeno hi chojedo ap tumende doleske, kai patsenn tumer ap mande. Tchatchepah, me penau tumenge: Kek bal ap tumaro shero djal nashedo. Atchenn soreles an o patsepen, un tumer lenn ko tchatcho djipen!”

“Te dikenn tumer, kai bud lurde trul o foro Jerusalem tardo hi, palle djinenn tumer, kai jon ko foro paash krenna.
Palle hunte nashenn i tsele menshe dran o them Judea pral an i berge. Un koon an o foro hi, hunte djal jaake sik har djala dran win. Un koon win ap o them hi, hunte djal gar an o foro dren. An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi. Koi bibacht hi bari kol djuwjenge, kai hi an wawar koowa, ninna kolenge, kai hi len i ternepen. O Debleskri choli well pral i tsele menshende an kau them. Un len hi i pharo tsiro. Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole. I tsele menshe ap i phub hi paash-mulo i trashatar pral kowa, hoi lauter ap lende wella. I bolepaskri soor perell khetne. Un palle dikenn i tsele menshe o Menshengro Tchawes, har well lo ap i wolka bari sorjah un railepen.
Te dikenn tumer, har kowa lauter wella, awenn soreles un trashenn gar! I tsiro hi palle koi, kai o Dewel lell tumen dran o tchilatchepen un dran o merepen win.”

Un o Jesus penas lenge sawe laba, kai i khatedo tchatchepen dren hi, un penas: “Dikenn ap o faigetikro ruk un ap i wawar ruka! Te wenn i ruka senelo, palle djinenn tumer, te well sik o nijal. Jaake hi kowa ninna koleha, pral kowa rakrom. Te dikenn tumer, har kowa lauter wella, palle djinenn, te well ko tsiro sik, kai o Dewel peskre menshen dran o tchilatchepen win lella, un job o rai pral i tseli phub hi.
Tchatchepah, me penau tumenge: Kol menshe, kai an ko tsiro djiwenna, dikenn kowa lauter pengre jakentsa.
O bolepen un i phub atchenna gar. Mire laba atchenn hako tsiro.”

“Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo! Djinenn! Ko diwes well pral lauterende, kai djiwenna ap i phub. Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”
Hako diwes rakras o Jesus an o Debleskro baro kheer. I rati djas job pash koi berga, hoi kharella djeteskri berga, un atchas koi.
Taissarlake wan bud menshe an o Debleskro baro kheer, te shunenn jon, hoi o Jesus penella.

Phulaphula i Luka 21