<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s1">I Dios kusik'ij ma Abram</div><div class="p"> 1Jun ij, i Ajwal xub'ij che ma Abram: &#8220;Chawo'taj kan awulew, awachalal, xaq i kachoch aqajaw achuch, man kat-e che ulew chi kink'ut ni Yin chawe. 2Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq. 3Kinya ni utzil chomal pkiwi i winaq chi kkitz'onoj utzil chomal pawi, xaq keink'oqoj ni jub'an chi kkitz'onoj i k'oqb'al pawi; xaq awumal yet kinya ni utzil chomal pkiwi konojel i alk'uwal chwach i jyub' ta'aj.&#8221;</div><div class="p"> 4X-e uri ma Abram chrij pacha xb'ix che rumal i Ajwal xaq x-e ma Lot ru' chi rika'; ma Abram le o jo'lajuj oxwinaq (75) junab' che are xel chila pa Har&#225;n. 5Ma Abram xuk'am b'i rixoqil ru', chi ati Sarai, xaq i rika' chi ma Lot, xaq ronojel ub'itaq ke chi kich'akom, xaq i winaq chi kich'akom chila pa Har&#225;n, junam xe'el chila che ulew Har&#225;n le xaq junam xeupon k'a che ulew Cana&#225;n, 6i mam Abram xeik'aw chupam ronojel ulew Cana&#225;n xeupon k'a che ulew Siquem, chila ipa o wi i sik'al More. Che taq i ij le je are aj Cana&#225;n je o chwach ulew le. 7I Ajwal chila xuk'ut wi rib' che ma Abram xaq xub'ij che: &#8220;Chke amuq axikin kinya wi ulewi.&#8221; Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.</div><div class="p"> 8Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal. 9Te'uri xel ma Abram chila, kok'ilal xupon k'a pa Neguev.</div><div class="s1">Ma Abram pa Egipto</div><div class="p"> 10Che taq i ij le xpe jun nim laj wa'jal chila ipa jeqel wi te'eq ma Abram; rumali x-e jeqi pa Egipto. 11Are okik chik ke pa Egipto, xub'ij che i rixoqil chi ati Sarai: &#8220;Yin weta'am chi lik at chom laj ixoq; 12saq laj tzij are katkil achiyab' aj Egipto, kkib'ij na: I ixoq le rixoqil i achi le; kecha na. Rumal ile kinkikamsaj na, xwiri yet katkik'asb'a. 13Rumali kab'ij ni chke chi at wanab', keje ile kinkikamsaj taj xaq lik utz inwach uri kin-ek, man yet kinato.&#8221;</div><div class="p"> 14Are xeupon pa Egipto, i achiyab' chi je aj chila xkilo chi ati Sarai lik chom laj ixoq. 15Xaq x-iltaj uwach kumal i je uwi ujolom re ma fara&#243;n, are uri ike le xe'e la chub'ixkil che chi ati Sarai lik chom laj ixoq, rumali xk'am b'i ati Sarai pa nim laj ja re i ajawinel ma fara&#243;n.</div><div class="p"> 16Rumali lik utz rilik ma Abram x-anik man xsipax uchij, uchikop, u'axna, ukamey#12.16 Kamey. Jun chikop keje pacha unimal jun kaway, lik kya' eqan, xaq ke'an chrij pacha kqa'an yoj chke i kaway. I kamey le lik kkich'ij k'atik k'iyal ij chi kkitij ti ya. xaq i winaq chi je o pa k'ax. 17Xwiri i Ajwal xuk'ajsaj uwach ma fara&#243;n ru' nimaq taq yob'il, rumal ati Sarai chi rixoqil ma Abram, xaq keje xu'an chke ni'pa je o prachoch. 18Are uri ma fara&#243;n xutaq usik'ixik ma Abram, xutz'onoj che: &#8220;&#191;B'uchak xinat'oro? &#191;B'uchak xab'ij ti chwe we awixoqil? 19&#191;B'uchak xab'ij chwe chi xa awanab'? Rumali, yin laj xin-an te wixoqil che. Wo'or chak'ama b'i awixoqil i jat.&#8221; 20Are uri ma fara&#243;n xeutaq uwinaq che chi kekito ma Abram ru' rixoqil chrelsaxik b'i ub'itaq ke.</div>
 </div>
 </div>
</div>

Jun ij, i Ajwal xub'ij che ma Abram: “Chawo'taj kan awulew, awachalal, xaq i kachoch aqajaw achuch, man kat-e che ulew chi kink'ut ni Yin chawe. Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq. Kinya ni utzil chomal pkiwi i winaq chi kkitz'onoj utzil chomal pawi, xaq keink'oqoj ni jub'an chi kkitz'onoj i k'oqb'al pawi; xaq awumal yet kinya ni utzil chomal pkiwi konojel i alk'uwal chwach i jyub' ta'aj.”
X-e uri ma Abram chrij pacha xb'ix che rumal i Ajwal xaq x-e ma Lot ru' chi rika'; ma Abram le o jo'lajuj oxwinaq (75) junab' che are xel chila pa Harán. Ma Abram xuk'am b'i rixoqil ru', chi ati Sarai, xaq i rika' chi ma Lot, xaq ronojel ub'itaq ke chi kich'akom, xaq i winaq chi kich'akom chila pa Harán, junam xe'el chila che ulew Harán le xaq junam xeupon k'a che ulew Canaán, i mam Abram xeik'aw chupam ronojel ulew Canaán xeupon k'a che ulew Siquem, chila ipa o wi i sik'al More. Che taq i ij le je are aj Canaán je o chwach ulew le. I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.
Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal. Te'uri xel ma Abram chila, kok'ilal xupon k'a pa Neguev.

Che taq i ij le xpe jun nim laj wa'jal chila ipa jeqel wi te'eq ma Abram; rumali x-e jeqi pa Egipto. Are okik chik ke pa Egipto, xub'ij che i rixoqil chi ati Sarai: “Yin weta'am chi lik at chom laj ixoq; saq laj tzij are katkil achiyab' aj Egipto, kkib'ij na: I ixoq le rixoqil i achi le; kecha na. Rumal ile kinkikamsaj na, xwiri yet katkik'asb'a. Rumali kab'ij ni chke chi at wanab', keje ile kinkikamsaj taj xaq lik utz inwach uri kin-ek, man yet kinato.”
Are xeupon pa Egipto, i achiyab' chi je aj chila xkilo chi ati Sarai lik chom laj ixoq. Xaq x-iltaj uwach kumal i je uwi ujolom re ma faraón, are uri ike le xe'e la chub'ixkil che chi ati Sarai lik chom laj ixoq, rumali xk'am b'i ati Sarai pa nim laj ja re i ajawinel ma faraón.
Rumali lik utz rilik ma Abram x-anik man xsipax uchij, uchikop, u'axna, ukamey xaq i winaq chi je o pa k'ax. Xwiri i Ajwal xuk'ajsaj uwach ma faraón ru' nimaq taq yob'il, rumal ati Sarai chi rixoqil ma Abram, xaq keje xu'an chke ni'pa je o prachoch. Are uri ma faraón xutaq usik'ixik ma Abram, xutz'onoj che: “¿B'uchak xinat'oro? ¿B'uchak xab'ij ti chwe we awixoqil? ¿B'uchak xab'ij chwe chi xa awanab'? Rumali, yin laj xin-an te wixoqil che. Wo'or chak'ama b'i awixoqil i jat.” Are uri ma faraón xeutaq uwinaq che chi kekito ma Abram ru' rixoqil chrelsaxik b'i ub'itaq ke.

Phulaphula i G%E9nesis 12