Ladakhi Bible by The Love Fellowship is licensed under Creative Commons Attribution-ShareAlike 4.0 License.

یوحنّانی شوقبُوئ سکور۔
حضرت عیسیٰ مسیح رسُول یوحنّانی ای شوقبُوئ نانّگا مینگ ڈِیا مازادّا، کھونگرانّگا ”حضرت عیسیٰ سی چیسپا زادکھانّی لوبٹوگسپو“ مولتے دوگ۔ ای شوقبُوئ ڈِیتشول تانگ سنگونمے شریعتی لابکھان گون گیُودتے ایبو رسُول یوحنّانی ڈِیازادتے اینکھانبو نگاتانّگا ہاگوانوگ۔
یوحنّانی ای شوقبُو بو حضرت عیسیٰ ڈونگستے سونتیا جانگستے ستینگنے لو 50 نیکھورلا ڈِیازادتے اینوگ۔
حضرت عیسیٰ خُدے لدامّا زادکھانّی مسیحا تانگ کھونگ خُدےبوژا اینکھانبویکا نگاتانگی ایمان کھیونگچیس یانگ تے ایمان بو گیُودتے تھامیدپے میتشے تھوبچیسّی گیونتشانبوے پھیا یوحنّانی ای شوقبُو بو ڈِیازادتے اینوگ۔
یوحنّانی حضرت عیسیٰ سی معجزہ زادپا سوسو ردون تانگ لابجا ردون گُونی سکورلا ڈِیچیس تھاگچادّا زادس۔ ای لابجا تانگ معجزہ ڈیلتے اینوگ چیازیرنا لابجا ریگ زادپا زادچیسپوے جُونگستے اینوگ یانگ پارّیگا لابجا ہاگوچیسلا زادپا ستانّا زادتے اینوگ۔ ای لابجا تانگ زادپا گُونی، حضرت عیسیٰ ژوگس سوانگ مانکھان، کھونگی زادکھان گُون سوانگ چومینیانچیس یانگ کھونگ نی ای دُنیائی کھوم چُوک کھن اینکھانبو ستانّانوگ۔
لوسکھانّی سپیچھابوے نانّگا یوحنّانی حضرت عیسیٰ کھونگرانگیکا ایمان چوکھانگونلا چیگ تانگ چیگّا چامسپا چوچیسّی سکورلا لابجا سالکھانبو ماتشاد، حضرت عیسیٰ کھونگی یابّیکا نامکھا لوگستے سکیودنانگ کھونگ کھونگی لوبٹوگسگون نیامپو ہلژخمہ رُوح گیُودتے لوسشیسپویکا سنانّگا سالّا زادتے دوگ ۔

Phulaphula i یوہانان ‮یوحنّانی شوقبُوئ سکور۔‬