Chorote, Iyojwa’ja: Nuevo Testamento Chorote Iyojwa'ja 1997

Texto Nuevo Testamento: Chorote, Iyojwa’ja © Sociedad Bíblicas Unidas 1997 www.sba.org.ar/web/ Grabación de Chorote, Iyojwa’ja ℗ 2021 Hosanna

Sinia' Jlamtis 1997

<div class="version vid371 iso6393crt" data-vid="371" data-iso6393="crt">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jes&#250;s iniu kisie'e ti tajli pa a'no' (Mt 28.1-10; Mc 16.1-8; Jn 20.1-10)</div><div class="p"> 1Siojopa jloma inia'ne jana inkijmaye, k'iejli mot, ti yamat'i'nijpe siojopo asejnia, ti yapilisi pa jika a'no'. Puwak itiunis siupuwa ilisanis'ni ta'a, siupuwa jini inkask'iji'n. 2Jlampa yiyet'iyisipi pa a'no', i'yent'itiej'nijpe siojopa sisaj tip'onatajaja'm, sek k'iejliyiji pa totieje. 3Yamisieta jik'ioyi pa a'no', ti je i'winis pa t'ajwes pa Saka'niona Jes&#250;s. 4Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi. 5Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate:</div><div class="p">&#8212;&#191;Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n? 6Lajk'ipa ka ne 'neye. Iniu kisie'e, tajli niwa a'no'l. Ataj wunitiets'i siojo iyopi ti je tal Galil&#233;aja, ti iyo'ate, 7&#8220;I'nio' Jlas ja tekiajlaja napo i'nio' ti je isis ti iyoyi ni jloski'la, jank'iejwatits'i jana cruz, jlomas ja najapeja ka inoyena'a kisie'e ti jantajli ni a'no'.&#8221;#Lc 9.22; 18.31-33</div><div class="p"> 8Jiwekie'ejat'ipi ti jitiej wujwa siupa iyot'iyipi pa Jes&#250;s. 9Ti yapiliet'i'nijpe sekyi'i takajwejlanayisi siojopo itijwa'm niwa sikioye ijwienjli tom'niji injlojwajnas siupi iyo ti i'winis, je japokata siu'neje papo i'nio' t'ipi. 10-11'Yina siojopo injlojwajnas 'yakakiuyeyits'iji pet. Iyonat'iyisijpe 'ate japo asejnia ti takajwejlanistaja:</div><div class="p">&#8212;Ma 'es pi jiwoyeyi, jlajmi woyeyi.</div><div class="p">Siojopo asejnia japokajimpe japo Mar&#237;a Magdala jleliki, siu'neje jlaja Juana, siujlieja Mar&#237;a 'neje Santiago jlet. Po' 'neje papo ijia jla'yispe.</div><div class="p"> 12Pedro yamat'ipi wek ti i'yene pa a'no', je iyo ka je int'osi. Yiyi ti t'akanat'iyi'nijpe ti i'yentaja'ni jik'ioyiyi, pajata'ne jla'am pa lotakinie ti i'wine siupa tekiajlaja wita'm, sek yi'i wek. Yapiliet'ipi wuj ti jnots'ijni ti i'wina pet ti kia'iyo.</div><div class="s">Jes&#250;s ini'wenkijna'm siupapo times i'nio', ti ijioyisi siojopa isi' Ema&#250;s</div><div class="r">(Mc 16.12-13)</div><div class="p"> 13Japak siojopa jloma ti Jes&#250;s iniu kisie'e, japo times i'nio' siojopo jla'yist'i'nijpe jla'am pa Jes&#250;s, ti yamat'i'nijpe pet ti ijlias 'niji yi'i jlaja Ema&#250;s, isi' jlase' t'ipi ni'ne ka itijwa'm niwa sikioye ijwienjli tom'niji kil&#243;metroja pa k'iejliyiji yi'i pet jlaja Jerusal&#233;n. 14Jitiej ijiutisie 'najk'i siupa iyot'iyiyipi paka ti kia'iyo. 15'Yina ti takamtijniejne'n, Jes&#250;s 'yakets'iyeje'n ape'e ti t'iskiunk'iji'n sekyi'i ti jla'yisa'. 16'Wanjliyi i'winisieta, 'yinit'iyijpe ka poye pa kanto'm ilia'm pa jlosik, it'imina ti je itiant'iejesi. 17Jes&#250;s i'yasat'ijyimpe ti iyo'ate:</div><div class="p">&#8212;&#191;Tempa ataj jlotieyi 'najk'i?</div><div class="p">Sekyi'i yajapayisk'iji'n kiu', 'yakaja'a ti je inkase'n. 18Iyo'ne 'ate siojo jle' iyo'ate Cleofas ti isiujlie:</div><div class="p">&#8212;&#191;Amkatat'e ti jlejyi jana Jerusal&#233;n ti je 'najane pa ka wone siukia iyo ki po'?</div><div class="p"> 19Jes&#250;s iyo'ne 'ate ti i'yase'n papoka:</div><div class="p">&#8212;&#191;Tepit'i iyoyiyi paka?</div><div class="p">Sekyi'i iyoyis'ne 'ate:</div><div class="p">&#8212;Siukia tiwonaja'ne kia Jes&#250;s Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis. 20Siunapo pa'yijis jika anechiyasas siu'neje napo saka anechiyasas jlam ti iwinis ka tiliana, it'imina'ne ti tik'iejwata'a jana cruz. 21Atejnisiejap'antajape ka jlama ka i'manit napo Israel jika kia'lis ka injwajiete'n. 'Nakayi najapaja kiwa jlomas yamk'i. 22-23Asejnia siojopa talts'e awak'i kaskelit siukia motk'i ti 'nesa'ni ti tajlis a'noyi, ti ijwilts'e je i'winis ka nejyi pa a'no'. Ijwilts'e ti po' papo injlojwajnas poli jlele inikajanitia'm, ti iyoyi pet jika'niyejayi japoka asejnia ti Jes&#250;s iniu kisie'e, 'wasa'n. 24Jlampet ti sa'am po' japo jitiej iniayisi pa yi'i pa a'no', ijiate ka 'wena iwo wata'a siupa iyo japo asejnia ti i'winayis pet, 'yina je i'winis pa Jes&#250;s.</div><div class="p"> 25Sekyi'i Jes&#250;s kiakt'ipa iyonayipi:</div><div class="p">&#8212;&#161;Ijiatp'aneje ti int'oniejyi'n, ti jikakiunieyi siuniwa ijwi'il papo injwejlanawos t'ipi! 26&#191;Jet'imi 'esiji ka jitiej inok'i ti wuj ti janilayiti siunie tiwonaja siunie Injwajieti ti Sinia' jijliujwanik, siuti je yijliyi'ijyi ti jawo anechiyasa'?</div><div class="p"> 27Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jes&#250;s. Iniajnat pa Mois&#233;s iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.</div><div class="p"> 28Ti yiyeyisi siupa isi' siupa ijioyisi, Jes&#250;s ijwil ka jnajyiyi siupa jajnojwi. 29It'imina'ne ti kiak iyonisi:</div><div class="p">&#8212;K'iuts'e'm ti ja ke iwina, k&#225; ajalas ka ak, no'ot majleyeyi ka ajnaja.</div><div class="p">Jes&#250;s its'iuye'ne japoka, sek 'wanjle'e'ne siupa ajnaj, yamak'i siupa ijioyits'i. 30Jlampa tejeyeyits'i ape'e japa inak totieja ape'e, Jes&#250;s isimat'iyipi japa woye, iyoye jinikanitieyejayi pa Jinia', its'isajaja'n, sekyi'i ti iwinayi. 31Sekyi'i ti jiwekie'aja ti itiant'iejesi, kajeyepa ti 'yiniye ka t'eki ape'e siupa iyo ti laj jlosikiejets'i'ni. 'Yina Jes&#250;s ininetiajnata t'ipi. 32Ininekiajlayisi siupa iyo ti iyoyis 'ate:</div><div class="p">&#8212;Siuti anamak'i ni 'nayi, ti takamtijnien'ni sik'ioye, ti ijwilts'e'm niwa Sinia' jlamtis yi'i ni ji'wet, po' ni awoyi ti alate ti ts'ajkaj'ni.</div><div class="p"> 33Ta'a t'ipi ti tejeyis ji'niajk'i, ti yapilis Jerusalenne. Yiyi siojopo itijwa'm niwa sikioye ijwienjli tom'niji injlojwajnas, 34ijwilisiam'ne ti iyo'ate:</div><div class="p">&#8212;&#161;Ijiatp'aneje ti yapi pijia'm ja Saka'niona, ini'wenkijna'm ja Sim&#243;n!</div><div class="p"> 35Kiak iyoyet'iyi'ijyi pet siojopo times, ti takajwejlajna'm japo ijia, siupa i'nio' ti yisitk'iye, siu'neje ti jiwekie'aja t'ipi ti itiant'iejesi ti paka Jes&#250;s, ti its'isajaja'm japa woye.</div><div class="s">Jes&#250;s inikajanitia'm papo t'eyasajnas</div><div class="r">(Jn 20.19-23)</div><div class="p"> 36Jlam'ne je ilitajasi'iji ti jitiej ijiutisie, ti Jes&#250;s inikajanitieja'm japo t'eyasajnas jikiowe'e. Itijwil'ne jik'ioye ti iyo'ate:</div><div class="p">&#8212;'Esiji ka akamaja'.</div><div class="p"> 37'Yina ti wuj ti jnots'ijnits'i, ilianayi'ik'i ijwil'ne ka jisiak'ala pa Saka'niona pa ka in'wenis.</div><div class="p"> 38Jes&#250;s iyone'ne 'ate;</div><div class="p">&#8212;&#191;Yot'iyi'ni ti ijnots'inajyits'i? &#191;Yot'iyi'ni ti kiak jiwonayi niwa asosikis, ti askakiujnieye po'? 39'Yenajyi'n 'niwa isioye, siu'neje 'niwa isietis. Kiesak'i'm 'nakayijna'a ti ja 'najanayi pa jawonayi ti ya'am. Si'wanjli wita'm ti 'isie'n po', jla'yi ti yili po', je iyoye 'ate ni insak'al ti laj t'isiena', jla'yi ti laj jleliye.</div><div class="p"> 40Iyojlitieje ti i'winkinaja'm japo puwa jikioye, siu'neje puwa jisietis. 41Mawat 'wanjliyi siupi iyo ti 'yakakiuyis, kajeyepa ti jnots'ijnits'i, jla'yi ti wuj ti inkase'n. Jes&#250;s i'yasen'ne japo ti iyo'ate:</div><div class="p">&#8212;&#191;Lajk'i pet paka k'iejliyeyi pa ka tiujw?</div><div class="p"> 42Iwinisiam'ne pa si'yus jiwa ti tisiniana t'ipi. 43Isimat'ipi ilia'm, sekyi'i itiujw'ne jitieyi'i japo t'eyasajnas. 44Ti itimat'iyijpe sekyi'i iyonat'iyijpe 'ate:</div><div class="p">&#8212;Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, &#8220;Janeyi siojona jloma ti ja'nakaj siunie iyo ti sijwe'el ni Mois&#233;s jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa s&#225;lmojos.&#8221;</div><div class="p"> 45Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet, 46ti iyoyet'ipi 'ate:</div><div class="p">&#8212;Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e. 47Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, &#8220;Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.&#8221; 'Yina iyo jla'am niwa Sinia' jlamtis ka tiniajnata napo Jerusal&#233;n jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis. 48Asa'am ti askimet ti ja akinieyiji'n ti ja ajwela 'niwaka ni siuniwa ji'wena'. 49Je ijiat ka je ijliu'wase ti jane astepe'e siojona Inia' pajk'i ti ijwilt'ipi.#Hch 1.4 K&#225; atajlakiunie'e 'ne yi'i jla'a Jerusal&#233;n, ijiatjliyijna'a jla'am ka atajatiejna'a siunie asjweyeja' ti jantal poliyi.</div><div class="s">Jes&#250;s tikinieje poliyi</div><div class="p"> 50Jes&#250;s yamat'iyijpe japo t'eyasajnas, ti ijioyi kisie'e ti tajla'm jlaja isi', je tojwape'n jlaja Betania siojo ijioyi'i. Yiyisi siojo ijioyits'i, Jes&#250;s jikioye t'ipa ijieyet'ik'ipe pijia'm, ti iwijna'm pa 'es japo t'eyasajnas. 51'Yina je iliyi ti jikioye yink'i ape'e ti iwijna'm pa 'es japo t'eyasajnas, ti tikiniejayi pijia'm ti toki poliyi.#Mc 16.19; Hch 1.9-11</div><div class="p"> 52Itimisi ti iyunitis ti yapiliet'iyispe Jerusalenne, wuj ti inkase'n pa ijioyisk'i'ni. 53'Yina je iliyisi ti ijioyisi'ni japa 'najla'wet ti iyunitis pa Sinia'.</div>
 </div>
 </div>
</div>

Siojopa jloma inia'ne jana inkijmaye, k'iejli mot, ti yamat'i'nijpe siojopo asejnia, ti yapilisi pa jika a'no'. Puwak itiunis siupuwa ilisanis'ni ta'a, siupuwa jini inkask'iji'n. Jlampa yiyet'iyisipi pa a'no', i'yent'itiej'nijpe siojopa sisaj tip'onatajaja'm, sek k'iejliyiji pa totieje. Yamisieta jik'ioyi pa a'no', ti je i'winis pa t'ajwes pa Saka'niona Jesús. Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi. Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate:
—¿Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n? Lajk'ipa ka ne 'neye. Iniu kisie'e, tajli niwa a'no'l. Ataj wunitiets'i siojo iyopi ti je tal Galiléaja, ti iyo'ate, “I'nio' Jlas ja tekiajlaja napo i'nio' ti je isis ti iyoyi ni jloski'la, jank'iejwatits'i jana cruz, jlomas ja najapeja ka inoyena'a kisie'e ti jantajli ni a'no'.”
Jiwekie'ejat'ipi ti jitiej wujwa siupa iyot'iyipi pa Jesús. Ti yapiliet'i'nijpe sekyi'i takajwejlanayisi siojopo itijwa'm niwa sikioye ijwienjli tom'niji injlojwajnas siupi iyo ti i'winis, je japokata siu'neje papo i'nio' t'ipi. 'Yina siojopo injlojwajnas 'yakakiuyeyits'iji pet. Iyonat'iyisijpe 'ate japo asejnia ti takajwejlanistaja:
—Ma 'es pi jiwoyeyi, jlajmi woyeyi.
Siojopo asejnia japokajimpe japo María Magdala jleliki, siu'neje jlaja Juana, siujlieja María 'neje Santiago jlet. Po' 'neje papo ijia jla'yispe.
Pedro yamat'ipi wek ti i'yene pa a'no', je iyo ka je int'osi. Yiyi ti t'akanat'iyi'nijpe ti i'yentaja'ni jik'ioyiyi, pajata'ne jla'am pa lotakinie ti i'wine siupa tekiajlaja wita'm, sek yi'i wek. Yapiliet'ipi wuj ti jnots'ijni ti i'wina pet ti kia'iyo.


Japak siojopa jloma ti Jesús iniu kisie'e, japo times i'nio' siojopo jla'yist'i'nijpe jla'am pa Jesús, ti yamat'i'nijpe pet ti ijlias 'niji yi'i jlaja Emaús, isi' jlase' t'ipi ni'ne ka itijwa'm niwa sikioye ijwienjli tom'niji kilómetroja pa k'iejliyiji yi'i pet jlaja Jerusalén. Jitiej ijiutisie 'najk'i siupa iyot'iyiyipi paka ti kia'iyo. 'Yina ti takamtijniejne'n, Jesús 'yakets'iyeje'n ape'e ti t'iskiunk'iji'n sekyi'i ti jla'yisa'. 'Wanjliyi i'winisieta, 'yinit'iyijpe ka poye pa kanto'm ilia'm pa jlosik, it'imina ti je itiant'iejesi. Jesús i'yasat'ijyimpe ti iyo'ate:
—¿Tempa ataj jlotieyi 'najk'i?
Sekyi'i yajapayisk'iji'n kiu', 'yakaja'a ti je inkase'n. Iyo'ne 'ate siojo jle' iyo'ate Cleofas ti isiujlie:
—¿Amkatat'e ti jlejyi jana Jerusalén ti je 'najane pa ka wone siukia iyo ki po'?
Jesús iyo'ne 'ate ti i'yase'n papoka:
—¿Tepit'i iyoyiyi paka?
Sekyi'i iyoyis'ne 'ate:
—Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis. Siunapo pa'yijis jika anechiyasas siu'neje napo saka anechiyasas jlam ti iwinis ka tiliana, it'imina'ne ti tik'iejwata'a jana cruz. Atejnisiejap'antajape ka jlama ka i'manit napo Israel jika kia'lis ka injwajiete'n. 'Nakayi najapaja kiwa jlomas yamk'i. Asejnia siojopa talts'e awak'i kaskelit siukia motk'i ti 'nesa'ni ti tajlis a'noyi, ti ijwilts'e je i'winis ka nejyi pa a'no'. Ijwilts'e ti po' papo injlojwajnas poli jlele inikajanitia'm, ti iyoyi pet jika'niyejayi japoka asejnia ti Jesús iniu kisie'e, 'wasa'n. Jlampet ti sa'am po' japo jitiej iniayisi pa yi'i pa a'no', ijiate ka 'wena iwo wata'a siupa iyo japo asejnia ti i'winayis pet, 'yina je i'winis pa Jesús.
Sekyi'i Jesús kiakt'ipa iyonayipi:
—¡Ijiatp'aneje ti int'oniejyi'n, ti jikakiunieyi siuniwa ijwi'il papo injwejlanawos t'ipi! ¿Jet'imi 'esiji ka jitiej inok'i ti wuj ti janilayiti siunie tiwonaja siunie Injwajieti ti Sinia' jijliujwanik, siuti je yijliyi'ijyi ti jawo anechiyasa'?
Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.
Ti yiyeyisi siupa isi' siupa ijioyisi, Jesús ijwil ka jnajyiyi siupa jajnojwi. It'imina'ne ti kiak iyonisi:
—K'iuts'e'm ti ja ke iwina, ká ajalas ka ak, no'ot majleyeyi ka ajnaja.
Jesús its'iuye'ne japoka, sek 'wanjle'e'ne siupa ajnaj, yamak'i siupa ijioyits'i. Jlampa tejeyeyits'i ape'e japa inak totieja ape'e, Jesús isimat'iyipi japa woye, iyoye jinikanitieyejayi pa Jinia', its'isajaja'n, sekyi'i ti iwinayi. Sekyi'i ti jiwekie'aja ti itiant'iejesi, kajeyepa ti 'yiniye ka t'eki ape'e siupa iyo ti laj jlosikiejets'i'ni. 'Yina Jesús ininetiajnata t'ipi. Ininekiajlayisi siupa iyo ti iyoyis 'ate:
—Siuti anamak'i ni 'nayi, ti takamtijnien'ni sik'ioye, ti ijwilts'e'm niwa Sinia' jlamtis yi'i ni ji'wet, po' ni awoyi ti alate ti ts'ajkaj'ni.
Ta'a t'ipi ti tejeyis ji'niajk'i, ti yapilis Jerusalenne. Yiyi siojopo itijwa'm niwa sikioye ijwienjli tom'niji injlojwajnas, ijwilisiam'ne ti iyo'ate:
—¡Ijiatp'aneje ti yapi pijia'm ja Saka'niona, ini'wenkijna'm ja Simón!
Kiak iyoyet'iyi'ijyi pet siojopo times, ti takajwejlajna'm japo ijia, siupa i'nio' ti yisitk'iye, siu'neje ti jiwekie'aja t'ipi ti itiant'iejesi ti paka Jesús, ti its'isajaja'm japa woye.


Jlam'ne je ilitajasi'iji ti jitiej ijiutisie, ti Jesús inikajanitieja'm japo t'eyasajnas jikiowe'e. Itijwil'ne jik'ioye ti iyo'ate:
—'Esiji ka akamaja'.
'Yina ti wuj ti jnots'ijnits'i, ilianayi'ik'i ijwil'ne ka jisiak'ala pa Saka'niona pa ka in'wenis.
Jesús iyone'ne 'ate;
—¿Yot'iyi'ni ti ijnots'inajyits'i? ¿Yot'iyi'ni ti kiak jiwonayi niwa asosikis, ti askakiujnieye po'? 'Yenajyi'n 'niwa isioye, siu'neje 'niwa isietis. Kiesak'i'm 'nakayijna'a ti ja 'najanayi pa jawonayi ti ya'am. Si'wanjli wita'm ti 'isie'n po', jla'yi ti yili po', je iyoye 'ate ni insak'al ti laj t'isiena', jla'yi ti laj jleliye.
Iyojlitieje ti i'winkinaja'm japo puwa jikioye, siu'neje puwa jisietis. Mawat 'wanjliyi siupi iyo ti 'yakakiuyis, kajeyepa ti jnots'ijnits'i, jla'yi ti wuj ti inkase'n. Jesús i'yasen'ne japo ti iyo'ate:
—¿Lajk'i pet paka k'iejliyeyi pa ka tiujw?
Iwinisiam'ne pa si'yus jiwa ti tisiniana t'ipi. Isimat'ipi ilia'm, sekyi'i itiujw'ne jitieyi'i japo t'eyasajnas. Ti itimat'iyijpe sekyi'i iyonat'iyijpe 'ate:
—Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”
Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet, ti iyoyet'ipi 'ate:
—Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e. Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis. Asa'am ti askimet ti ja akinieyiji'n ti ja ajwela 'niwaka ni siuniwa ji'wena'. Je ijiat ka je ijliu'wase ti jane astepe'e siojona Inia' pajk'i ti ijwilt'ipi. Ká atajlakiunie'e 'ne yi'i jla'a Jerusalén, ijiatjliyijna'a jla'am ka atajatiejna'a siunie asjweyeja' ti jantal poliyi.

Jesús yamat'iyijpe japo t'eyasajnas, ti ijioyi kisie'e ti tajla'm jlaja isi', je tojwape'n jlaja Betania siojo ijioyi'i. Yiyisi siojo ijioyits'i, Jesús jikioye t'ipa ijieyet'ik'ipe pijia'm, ti iwijna'm pa 'es japo t'eyasajnas. 'Yina je iliyi ti jikioye yink'i ape'e ti iwijna'm pa 'es japo t'eyasajnas, ti tikiniejayi pijia'm ti toki poliyi.
Itimisi ti iyunitis ti yapiliet'iyispe Jerusalenne, wuj ti inkase'n pa ijioyisk'i'ni. 'Yina je iliyisi ti ijioyisi'ni japa 'najla'wet ti iyunitis pa Sinia'.

Phulaphula i Lucas 24