If you would like a copy of this version please contact info@davaraudiobibles.org

The Mpoto New Testament © The Word for the World. Mpoto New Testament ℗ 2024, Davar Partners International.

Mpoto New Testament

<div class="version vid3973 iso6393mpa" data-vid="3973" data-iso6393="mpa">
   <div class="book bkMAT">
      <div class="chapter ch8" data-usfm="MAT.8">
         <div class="label">8</div><div class="s"><span class="heading">Yesu andamiha mundu joabhi na malohi</span></div><div class="r"><span class="heading">  </span><span class="heading">Mako 1:40-45</span><span class="heading">; </span><span class="heading">Luka 5:12-16</span></div><div class="p"><span class="content">  </span><span class="verse v1" data-usfm="MAT.8.1"><span class="label">1</span><span class="content">Yesu paakahelili kuhuma kuchitombi, mapogha ghamaheli gha bhandu bhakunjengalile. </span></span><span class="verse v2" data-usfm="MAT.8.2"><span class="label">2</span><span class="content">Henu akahikiki mundu jumu joabhi na malohi, akanjojabhili na kupwagha, &#8220;Bambo, ngati anaupaliki, uweza kung'olola.&#8221;</span></span></div><div class="p"><span class="verse v2" data-usfm="MAT.8.2"><span class="content">  </span></span><span class="verse v3" data-usfm="MAT.8.3"><span class="label">3</span><span class="content">Yesu akahatambwi chiwoku, akankamwili na kupwagha, &#8220;Mbala! Ugholulikaje!&#8221; Palapala mundu jola akalamiki malohi ghake. </span></span><span class="verse v4" data-usfm="MAT.8.4"><span class="label">4</span><span class="content">Yesu akumpwaghile, &#8220;Lingalya, ngawampwaghi mundu jokapi, nambu ujendaje ukalilangiya kwaka mpenganyambiku, na ukabhoha nyambiku ngati moakalaghalaki Musa, nahuli kulangi kubha utehi kulama.&#8221;</span></span></div><div class="s"><span class="heading">Yesu andamiha mtumika waka Nkolongwa wa Kiloma</span></div><div class="r"><span class="heading">  </span><span class="heading">Luka 7:1-10</span></div><div class="p"><span class="verse v4" data-usfm="MAT.8.4"><span class="content">  </span></span><span class="verse v5" data-usfm="MAT.8.5"><span class="label">5</span><span class="content">Yesu paakajingi kumbwane ku Kapelenaumu, nkolongwa jumu wa linjolinjoli wa ku Loma akanjendili, na kundobha anjangatyaje, </span></span><span class="verse v6" data-usfm="MAT.8.6"><span class="label">6</span><span class="content">akapwaghaje, &#8220;Bambo, mtumika wangu aghoni kunyumba, mtamwa wa kutenguka, na alwala namaa.&#8221;</span></span></div><div class="p"><span class="verse v6" data-usfm="MAT.8.6"><span class="content">  </span></span><span class="verse v7" data-usfm="MAT.8.7"><span class="label">7</span><span class="content">Yesu akampwaghile, &#8220;Ananhika kundamiha.&#8221;</span></span></div><div class="p"><span class="verse v7" data-usfm="MAT.8.7"><span class="content">  </span></span><span class="verse v8" data-usfm="MAT.8.8"><span class="label">8</span><span class="content">Nambu linjolinjoli nkolongwa jola akamuyangiki, &#8220;Bambo, nepani ngachembalika wehapa ujingala munyumba jangu. Nambu upwagha lilobhi pena, na mtumika wangu anaalamaje. </span></span><span class="verse v9" data-usfm="MAT.8.9"><span class="label">9</span><span class="content">Maghambu nepani nanatu nde mundu nemekakiki pahi ja ujemalelu wa bhangi, mi na manjolinjoli pahi jangu. Numpwaghila jumu, &#8216;Ujendaje!&#8217; Na jombi ajenda, na jongi, &#8216;Uhikaje!&#8217; Na jombi ahika, na muhengalihengu wangu, &#8216;Tenda chindu chenjenu,&#8217; najombi atenda.&#8221;</span></span></div><div class="p"><span class="verse v9" data-usfm="MAT.8.9"><span class="content">  </span></span><span class="verse v10" data-usfm="MAT.8.10"><span class="label">10</span><span class="content">Yesu paakajowini malobhi ghanihagha, akakangichi namaa, akabhapwaghi bhandu bhabhakunjengalile, &#8220;Chakaka numpwaghila, ngachenabhali kumbona mundu jokapi mu Izilaeli, joabhi na uhobhalelu ukolongwa ngati ghongone. </span></span><span class="verse v11" data-usfm="MAT.8.11"><span class="label">11</span><span class="content">Henu numpwaghila kubha bhandu bhamaheli anabhahikaje kuhuma kolipita lyobha na kolijibhi lyobha, na bhombi anabhatama pa uwangalalu wa chilebhe papamu na Ibulahimu, Isaka, na Yakobo mu Ukolongwa wa kunani kumahunde. </span></span><span class="verse v12" data-usfm="MAT.8.12"><span class="label">12</span><span class="content">Nambu bhala bhabhakabhi bhapalakika kubha mu Ukolongwa ghola anabhalekalikaje mu lwihi lwa kunja, konihoku anakubya kulela na kuhyagha minu.&#8221; </span></span><span class="verse v13" data-usfm="MAT.8.13"><span class="label">13</span><span class="content">Yesu akampwaghi nkolongwa wa manjolinjoli wa ku Loma jola, &#8220;Ujendaje kunyumba jaku, na kubyaji ngati mouhobhalile.&#8221;</span></span></div><div class="p"><span class="verse v13" data-usfm="MAT.8.13"><span class="content">Mtumika waka nkolongwa wa manjolinjoli jola akalamiki lisaa lelalela.</span></span></div><div class="s"><span class="heading">Yesu abhalamiha bhandu bhamahele</span></div><div class="r"><span class="heading">  </span><span class="heading">Mako 1:29-34</span><span class="heading">; </span><span class="heading">Luka 4:38-41</span></div><div class="p"><span class="verse v13" data-usfm="MAT.8.13"><span class="content">  </span></span><span class="verse v14" data-usfm="MAT.8.14"><span class="label">14</span><span class="content">Yesu akapiti kunyumba jaka Petulu, akanhimanili nkowanu wa chimbomba waka Petulu aghonili pachitala, abhi na chitamu chikolongwa. </span></span><span class="verse v15" data-usfm="MAT.8.15"><span class="label">15</span><span class="content">Henu Yesu akankamwi mabhu jola chiwoku, na chitamu chikandekakili, na mabhu jola akajumwiki na kutumbula kubhatumakila.</span></span></div><div class="p"><span class="verse v15" data-usfm="MAT.8.15"><span class="content">  </span></span><span class="verse v16" data-usfm="MAT.8.16"><span class="label">16</span><span class="content">Pakwahiki pakamihi, bhakundeti Yesu bhandu bhamaheli bhabhakabhi na majobhi, najombi akaghapihiki majobhi kwa malobhi ghaki. Akabhalamihi bhokapi bhabhakabhi na hitamu. </span></span><span class="verse v17" data-usfm="MAT.8.17"><span class="label">17</span><span class="content">Atendika bhenibhela nahuli ghatimilaje malobhi ghaapwaghaki na mlota Isaya, &#8220;Jombi mweni akutoliki kulagha kwitu, na atotwili hitamu yitu.&#8221;</span></span></div><div class="s"><span class="heading">Bhabhibya bhahemba bhaka Yesu</span></div><div class="r"><span class="heading">  </span><span class="heading">Luka 9:57-62</span></div><div class="p"><span class="verse v17" data-usfm="MAT.8.17"><span class="content">  </span></span><span class="verse v18" data-usfm="MAT.8.18"><span class="label">18</span><span class="content">Yesu paakaliweni lipogha la bhandu limuyongalwiti, akabhalaghalaki bhabhulwa bhaki bhalombukaje bhajenda kwihi ja nhwanga. </span></span><span class="verse v19" data-usfm="MAT.8.19"><span class="label">19</span><span class="content">Mbola jumu wa Shelia akanjendi Yesu, na kumpwaghila, &#8220;Mbola, nepanu ananukujengalya kwokapi kowijendaje.&#8221;</span></span></div><div class="p"><span class="verse v19" data-usfm="MAT.8.19"><span class="content">  </span></span><span class="verse v20" data-usfm="MAT.8.20"><span class="label">20</span><span class="content">Yesu akamyangiki, &#8220;Mabweha ghabhi na makolu, na ijuni ibhi na mihuwi, nambu Mwana waka Mundu ngacheabhi na pandu pa kupomulela.&#8221;</span></span></div><div class="p"><span class="verse v20" data-usfm="MAT.8.20"><span class="content">  </span></span><span class="verse v21" data-usfm="MAT.8.21"><span class="label">21</span><span class="content">Mbulwa jongi akumpwaghi Yesu, &#8220;Bambo, nobha nyendi hoti kuntagha atati wangu.&#8221;</span></span></div><div class="p"><span class="verse v21" data-usfm="MAT.8.21"><span class="content">  </span></span><span class="verse v22" data-usfm="MAT.8.22"><span class="label">22</span><span class="content">Nambu Yesu akampwaghile, &#8220;Unyengalyaje! Waleka bhakuwa bhabhataghaje bhakuwa bhabhu.&#8221;</span></span></div><div class="s"><span class="heading">Yesu aulakalila mbelu ukolongwa</span></div><div class="r"><span class="heading">  </span><span class="heading">Mako 4:35-41</span><span class="heading">; </span><span class="heading">Luka 8:22-25</span></div><div class="p"><span class="verse v22" data-usfm="MAT.8.22"><span class="content">  </span></span><span class="verse v23" data-usfm="MAT.8.23"><span class="label">23</span><span class="content">Yesu akajingi mu ngalawa, na bhabhulwa bhaki bhakunjengalile. </span></span><span class="verse v24" data-usfm="MAT.8.24"><span class="label">24</span><span class="content">Kukabhi na mbelu ukolongwa munhwanga mola, na majegha ghakatumbwi kutwelakela ngalawa jela na lakatumbwi kujibhila. Nambu Yesu akabhi aghochi lughonu. </span></span><span class="verse v25" data-usfm="MAT.8.25"><span class="label">25</span><span class="content">Bhabhulwa bhaki bhakunjendili na kunjumuha, bhakapwaghaje, &#8220;Bambo, tukengalyaje! Tuyonangeka!&#8221;</span></span></div><div class="p"><span class="verse v25" data-usfm="MAT.8.25"><span class="content">  </span></span><span class="verse v26" data-usfm="MAT.8.26"><span class="label">26</span><span class="content">Yesu akabhayangiki, &#8220;Mwenga mabhandu mwenbi na uhobhalelu uchoku, bho, mbona njoghopa?&#8221; Akajumwiki, akaulakali mpongu na majegha, palapala mpongu na majegha ghakatelwiki chinunu.</span></span></div><div class="p"><span class="verse v26" data-usfm="MAT.8.26"><span class="content">  </span></span><span class="verse v27" data-usfm="MAT.8.27"><span class="label">27</span><span class="content">Bhabhulwa bhaki bhakakangichi, na bhakapwaghike, &#8220;Bho, jonihoju mundu wa ntundu bhole? Hata mpongu na majegha yuntii!&#8221;</span></span></div><div class="s"><span class="heading">Yesu abhalamiha bhandu bhabheli bhabhabhi na majobhi</span></div><div class="r"><span class="heading">  </span><span class="heading">Mako 5:1-20</span><span class="heading">; </span><span class="heading">Luka 8:26-39</span></div><div class="p"><span class="verse v27" data-usfm="MAT.8.27"><span class="content">  </span></span><span class="verse v28" data-usfm="MAT.8.28"><span class="label">28</span><span class="content">Yesu paakahikiki ku inchi ja Bhagelasi kwihi ja nhwanga, akahimangini na bhandu bhabheli bhabhabhi na majobhi. Bhandu bhanihabha bhatamika kumatengeli na bhakabhi bhakujoghupeka, na ngacheakabhi mundu joawezikaye kupeta indela jenijela. </span></span><span class="verse v29" data-usfm="MAT.8.29"><span class="label">29</span><span class="content">Bhombi bhakatumbwi kujamalila, bhakapwaghaje, &#8220;Bho, upala kututenda kiki tepanu, Yesu, wa Mwana waka Chapanga? Bho, uhikiki kutung'aha mangani ja chikahi chake?&#8221;</span></span></div><div class="p"><span class="verse v29" data-usfm="MAT.8.29"><span class="content">  </span></span><span class="verse v30" data-usfm="MAT.8.30"><span class="label">30</span><span class="content">Pambipi na pandu pala kukabhi na lipogha likolongwa la magholobhi bhakadimaye. </span></span><span class="verse v31" data-usfm="MAT.8.31"><span class="label">31</span><span class="content">Henu majobhi ghala ghakundobhiki Yesu ghakapwagha, &#8220;Ngati utubhenga, utulekakyaje tukajingala mu magholobhi ghala.&#8221;</span></span></div><div class="p"><span class="verse v31" data-usfm="MAT.8.31"><span class="content">  </span></span><span class="verse v32" data-usfm="MAT.8.32"><span class="label">32</span><span class="content">Yesu akaghapwaghile, &#8220;Njendaje.&#8221; Palapala majobhi ghala ghakabhapitiki bhandu bhala, na kughajingila magholobhi. Lipogha lokapi la magholobhi lakaheli palikemba likolongwa, lakajibhili munhwanga, na magholobhi ghokapi ghakapotile.</span></span></div><div class="p"><span class="verse v32" data-usfm="MAT.8.32"><span class="content">  </span></span><span class="verse v33" data-usfm="MAT.8.33"><span class="label">33</span><span class="content">Bhadima bha magholobhi bhala bhakakembili, kujenda kumbwane. Konihoku bhakabhapwaghi bhandu mambu ghokapi ghaghapitalile, na mambu ghaghapitalile kwa bhandu bhala bhabhakabhili na majobhi. </span></span><span class="verse v34" data-usfm="MAT.8.34"><span class="label">34</span><span class="content">Bhandu bhokapi bha muchi ghola bhakapiti kuhimangana na Yesu, na pabhakumbweni, bhakundobhiki abhokaje pa inchi jabhu.</span></span></div>
      </div>
   </div>
</div>

Yesu paakahelili kuhuma kuchitombi, mapogha ghamaheli gha bhandu bhakunjengalile. Henu akahikiki mundu jumu joabhi na malohi, akanjojabhili na kupwagha, “Bambo, ngati anaupaliki, uweza kung'olola.”
Yesu akahatambwi chiwoku, akankamwili na kupwagha, “Mbala! Ugholulikaje!” Palapala mundu jola akalamiki malohi ghake. Yesu akumpwaghile, “Lingalya, ngawampwaghi mundu jokapi, nambu ujendaje ukalilangiya kwaka mpenganyambiku, na ukabhoha nyambiku ngati moakalaghalaki Musa, nahuli kulangi kubha utehi kulama.”


Yesu paakajingi kumbwane ku Kapelenaumu, nkolongwa jumu wa linjolinjoli wa ku Loma akanjendili, na kundobha anjangatyaje, akapwaghaje, “Bambo, mtumika wangu aghoni kunyumba, mtamwa wa kutenguka, na alwala namaa.”
Yesu akampwaghile, “Ananhika kundamiha.”
Nambu linjolinjoli nkolongwa jola akamuyangiki, “Bambo, nepani ngachembalika wehapa ujingala munyumba jangu. Nambu upwagha lilobhi pena, na mtumika wangu anaalamaje. Maghambu nepani nanatu nde mundu nemekakiki pahi ja ujemalelu wa bhangi, mi na manjolinjoli pahi jangu. Numpwaghila jumu, ‘Ujendaje!’ Na jombi ajenda, na jongi, ‘Uhikaje!’ Na jombi ahika, na muhengalihengu wangu, ‘Tenda chindu chenjenu,’ najombi atenda.”
Yesu paakajowini malobhi ghanihagha, akakangichi namaa, akabhapwaghi bhandu bhabhakunjengalile, “Chakaka numpwaghila, ngachenabhali kumbona mundu jokapi mu Izilaeli, joabhi na uhobhalelu ukolongwa ngati ghongone. Henu numpwaghila kubha bhandu bhamaheli anabhahikaje kuhuma kolipita lyobha na kolijibhi lyobha, na bhombi anabhatama pa uwangalalu wa chilebhe papamu na Ibulahimu, Isaka, na Yakobo mu Ukolongwa wa kunani kumahunde. Nambu bhala bhabhakabhi bhapalakika kubha mu Ukolongwa ghola anabhalekalikaje mu lwihi lwa kunja, konihoku anakubya kulela na kuhyagha minu.” Yesu akampwaghi nkolongwa wa manjolinjoli wa ku Loma jola, “Ujendaje kunyumba jaku, na kubyaji ngati mouhobhalile.”
Mtumika waka nkolongwa wa manjolinjoli jola akalamiki lisaa lelalela.


Yesu akapiti kunyumba jaka Petulu, akanhimanili nkowanu wa chimbomba waka Petulu aghonili pachitala, abhi na chitamu chikolongwa. Henu Yesu akankamwi mabhu jola chiwoku, na chitamu chikandekakili, na mabhu jola akajumwiki na kutumbula kubhatumakila.
Pakwahiki pakamihi, bhakundeti Yesu bhandu bhamaheli bhabhakabhi na majobhi, najombi akaghapihiki majobhi kwa malobhi ghaki. Akabhalamihi bhokapi bhabhakabhi na hitamu. Atendika bhenibhela nahuli ghatimilaje malobhi ghaapwaghaki na mlota Isaya, “Jombi mweni akutoliki kulagha kwitu, na atotwili hitamu yitu.”


Yesu paakaliweni lipogha la bhandu limuyongalwiti, akabhalaghalaki bhabhulwa bhaki bhalombukaje bhajenda kwihi ja nhwanga. Mbola jumu wa Shelia akanjendi Yesu, na kumpwaghila, “Mbola, nepanu ananukujengalya kwokapi kowijendaje.”
Yesu akamyangiki, “Mabweha ghabhi na makolu, na ijuni ibhi na mihuwi, nambu Mwana waka Mundu ngacheabhi na pandu pa kupomulela.”
Mbulwa jongi akumpwaghi Yesu, “Bambo, nobha nyendi hoti kuntagha atati wangu.”
Nambu Yesu akampwaghile, “Unyengalyaje! Waleka bhakuwa bhabhataghaje bhakuwa bhabhu.”


Yesu akajingi mu ngalawa, na bhabhulwa bhaki bhakunjengalile. Kukabhi na mbelu ukolongwa munhwanga mola, na majegha ghakatumbwi kutwelakela ngalawa jela na lakatumbwi kujibhila. Nambu Yesu akabhi aghochi lughonu. Bhabhulwa bhaki bhakunjendili na kunjumuha, bhakapwaghaje, “Bambo, tukengalyaje! Tuyonangeka!”
Yesu akabhayangiki, “Mwenga mabhandu mwenbi na uhobhalelu uchoku, bho, mbona njoghopa?” Akajumwiki, akaulakali mpongu na majegha, palapala mpongu na majegha ghakatelwiki chinunu.
Bhabhulwa bhaki bhakakangichi, na bhakapwaghike, “Bho, jonihoju mundu wa ntundu bhole? Hata mpongu na majegha yuntii!”


Yesu paakahikiki ku inchi ja Bhagelasi kwihi ja nhwanga, akahimangini na bhandu bhabheli bhabhabhi na majobhi. Bhandu bhanihabha bhatamika kumatengeli na bhakabhi bhakujoghupeka, na ngacheakabhi mundu joawezikaye kupeta indela jenijela. Bhombi bhakatumbwi kujamalila, bhakapwaghaje, “Bho, upala kututenda kiki tepanu, Yesu, wa Mwana waka Chapanga? Bho, uhikiki kutung'aha mangani ja chikahi chake?”
Pambipi na pandu pala kukabhi na lipogha likolongwa la magholobhi bhakadimaye. Henu majobhi ghala ghakundobhiki Yesu ghakapwagha, “Ngati utubhenga, utulekakyaje tukajingala mu magholobhi ghala.”
Yesu akaghapwaghile, “Njendaje.” Palapala majobhi ghala ghakabhapitiki bhandu bhala, na kughajingila magholobhi. Lipogha lokapi la magholobhi lakaheli palikemba likolongwa, lakajibhili munhwanga, na magholobhi ghokapi ghakapotile.
Bhadima bha magholobhi bhala bhakakembili, kujenda kumbwane. Konihoku bhakabhapwaghi bhandu mambu ghokapi ghaghapitalile, na mambu ghaghapitalile kwa bhandu bhala bhabhakabhili na majobhi. Bhandu bhokapi bha muchi ghola bhakapiti kuhimangana na Yesu, na pabhakumbweni, bhakundobhiki abhokaje pa inchi jabhu.

Phulaphula i Matayo 8