Iivesi zeBhayibhile ezithandwayo ezisuka یوحنا ۱۲

Yabelana

اونی کی بخوأیه مرَ خدمت بوکونه، بأیستی از من پیروی بوکونه، و جایی کی من ایسم، می خادمم اویه ایسه. کسی کی مرَ خدمت بوکونه، می پئر هم اونَ سربلندَ کونه.

کسی کی خو جانَ دوست بدأره، اونَ از دس دهه، امّا کسی کی در اَ دونیا از خودشٚ جان نیفرت بدأره، اونَ تا زندگی‌یٚ اَبدی حفظ کونه.

آمین، آمین، شمرَ گم، اگه دانه‌یٚ گندم خاکٚ میأن نکفه و نیمیره، تنها مأنه، امّا اگه بیمیره، بارٚ زیاد اَوره.

من ایتأ نورٚ مأنستن به جهان بموم تا هر کی به من ایمأن بأوره، تاریکی میأن نِیسه.

اگه کسی می حرفأنَ بیشنَوه ولی از اون ایطاعت نوکونه، من اونَ داوری نوکونم، چونکی نَموم تا مردومٚ دنیایَ داوری بوکونم، بلکی بموم تا اوشأنَ نجات ببخشم.

او وخت، مریم عطرٚ گیران قیمتی‌یَ کی از سنبلٚ خالص و حدوداً نیم لیتر بو، بیگیفته و عیسی پایأنَ معطره کوده و خو گیسأنٚ اَمرأ اونٚ پایَ خوشکَ کوده، تا جایی کی خانه پور از عطر بوبوسته‌بو.

نخلٚ درختٚ شاخه‌یأنَ به دس بیگیفتیدی و اونٚ پیشواز بوشوییدی. اوشأن فریادزنأن گفتیدی: «هوشیعانا! موبارکه، اونی کی به نامٚ خوداوند اَیه! موبارکه، ایسرائیلٚ پادشاه!»

عیسی اوشأنَ بوگفته: «وختٚ جلال پیدا کودنٚ اینسانٚ پسر فأرسه.