Iivesi zeBhayibhile ezithandwayo ezisuka یوحنا ۱۵

Share

«من درختٚ انگور ایسم و شومأن اونٚ شاخه‌یأنیدی. کسی کی در من بمأنه و منم در اون، میوه‌یٚ زیادی اَوره. چونکی بدونٚ من هیچی نتأنیدی بوکونید.

در من بمأنید، و منم در شومأن مأنم. چونکی شاخه نتأنه از خودش میوه بأوره مگر اینکه در درخت بمأنه، شومأنم نتأنید میوه بأورید اگه در من نمأنید.

اگه در من بمأنید و می کلام در شومأن بمأنه، هر چیزی کی بخوأیید و درخوأست بوکونید براَورده به.

شومأن نیبید کی مرَ اینتخاب بوکودیدی، بلکی من شمرَ اینتخاب بوکودم و قرار بنَم کی بیشید و میوه بأورید و شیمی میوه بمأنه، تا هر چی از می پئر به نامٚ من بخوأیید، شمرَ فدَه.

ویشتر از اَن محبتی وجود نأره کی کسی خو جانَ فدایٚ خو دوستأن بوکونه.

هر شاخه‌یی کی از منه و میوه نأوره، می پئر اونَ وَوینه، و هر شاخه‌یی کی میوه اَوره، اونَ هَرَس کونه، تا زیادتر میوه بأوره.

«می حکم اَنه کی همدیگرَ محبت بوکونید، هوطو کی من شمرَ محبت بوکودم.

می پئرٚ جلال در اَنه کی شومأن میوه‌یٚ زیادی بأورید و اَطویی می شاگرد بیدی.

«انگور درختٚ حقیقی من ایسم و می پئر باغبأنه.

اگه کسی در من نمأنه، مثلٚ شاخه‌یی ایسه کی اونَ دور تأودیدی و خوشکَ به. خوشکَ بوسته شاخه‌یأنَ جمَ کونیدی و آتشٚ میأن تأودیدی و سوزانیدی.

اَ حرفأنَ شمرَ بوگفتم تا می شادی در شومأن بأیه و شیمی شادی کامل ببه.

اگه می احکامَ بدأرید، در می محبت مأنیدی، هَطو کی من می پئرٚ احکامَ بدأشتم و در اونٚ محبت مأنم.

می حکم به شومأن اَنه کی همدیگرَ محبت بوکونید!

اگه متعلق به دونیا بید، دونیا شمرَ مثلٚ خو کسأن دوست دأشتی. امّا به دونیا تعلّق نأریدی، من شمرَ از دونیا اینتخاب بوکودم، بخاطرٚ اَنه کی دونیا از شومأن نیفرت دأره.