Iivesi zeBhayibhile ezithandwayo ezisuka Genesis 15

Share

Nanalig si Abram sa PANGINOON. At dahil dito, itinuring siyang matuwid.

Pagkatapos noon, nagsalita ang PANGINOON kay Abram sa pamamagitan ng isang pangitain. Sinabi niya, “Abram, huwag kang matakot dahil ako ang magiging kalasag mo at gagantimpalaan kita.”

Pagkatapos, dinala siya ng PANGINOON sa labas at sinabi, “Masdan mo ang mga bituin sa langit, bilangin mo kung makakaya mo. Magiging ganyan din karami ang lahi mo.”

Sinabi sa kanya ng PANGINOON, “Hindi siya ang magmamana ng mga ari-arian mo kundi ang sarili mong anak.”

Pagkatapos, sinabi sa kanya ng PANGINOON, “Siguradong ang iyong mga lahi ay maninirahan sa ibang bansa, at gagawin silang mga alipin doon at pagmamalupitan sa loob ng 400 taon.

Pero sinabi ni Abram, “O Panginoong DIOS, ano po ang halaga ng gantimpala nʼyo sa akin dahil hanggang ngayon ay wala pa po akong anak. Ang magiging tagapagmana ko po ay si Eliezer na taga-Damascus.

Sa araw na iyon, gumawa ng kasunduan ang PANGINOON kay Abram. Sinabi niya, “Ibibigay ko sa mga lahi mo ang lupaing ito mula sa dulo ng ilog na hangganan ng Egipto hanggang sa malaking ilog na Eufrates.

Lilipas muna ang apat na henerasyon bago makabalik dito ang mga lahi mo, dahil hindi pa umaabot sa sukdulan ang pagkakasala ng mga Amoreo para parusahan sila at paalisin sa lupaing ito.”