Iivesi zeBhayibhile ezithandwayo ezisuka Juan 15

Share

ʼMɨda aji, uva kꞌarrakꞌa bɨ. Jõdee parã chi jɨ̃kꞌarákꞌata pꞌanɨ. Uva jɨ̃kꞌara pia chauparikꞌa araa bakꞌãri chi kꞌarra ome, mãga pɨkꞌa parã mɨ ome araa pꞌanapataadakꞌãri, ne–inaa chokꞌara mɨa oopi bɨkꞌa oopataadaitꞌee. Mamĩda mɨ wẽe parãpa maarepida ooda–e pai mɨa oopi bɨkꞌa.

Mɨ ome araa pꞌanapatáatɨ mɨ parã ome araa baparikꞌa. Uva jɨ̃kꞌara ichi itu chaukꞌaa chi kꞌarra ome araa ba–e pɨrã. Mãga pɨkꞌa pãchi kꞌĩradoopa mɨa oopi bɨkꞌa pꞌoyaa ooda–e, mɨ ome araa pꞌanapataada–e pɨrã.

ʼMamĩda parã araa pꞌanaruta pɨrã mɨ ome mãikꞌaapa mɨ ũraade jara bɨkꞌa ooruta pɨrã, ɨtꞌaa iidipatáatɨ pãchia iidi kꞌiniata. Mɨ Akꞌõrepa ooitꞌee parãpa iidi pꞌanɨkꞌa.

Parãpa mɨ jɨrɨtꞌerada–e paji. Mɨata parã jɨrɨtꞌeraji mãikꞌaapa awara bɨji mɨ ũraa jarateenadamerã. Mãgá parã kꞌaurepa eperãarãpa ma ũraa ũridapꞌeda, mɨde ijãadai mãikꞌaapa ichita pꞌanapataadai mɨ ome. Ma awara ma jarateenadapꞌedaa kꞌaurepa parãpa mɨ tꞌɨ̃de ne–inaa iididakꞌãri mɨ Akꞌõremaa mɨchideerã perã, irua ooitꞌee parãpa iidi pꞌanɨkꞌa.

Eperãpa chi kꞌõpꞌãyo audú kꞌinia iru bakꞌãri, iru kꞌaripapari ma kꞌaurepa piuru pɨjida. Ma kꞌãyaara apidaapa awaraa eperã audupɨara kꞌinia iru pꞌanada–e pai.

Mɨ kꞌarradepema jɨ̃kꞌara chau–e bɨ pɨrã, irua mãgɨ́ jɨ̃kꞌara tꞌɨapꞌetꞌaapari. Jõdee chi jɨ̃kꞌara chauparidepema jua chakꞌeerã jaritꞌaapari mãgɨ́ jɨ̃kꞌara waapɨara chaumerã.

Mɨa nãga jara bɨ: Chikꞌinia pꞌanapatáatɨ, mɨa parã kꞌinia iru baparikꞌa.

Parãpa ne–inaa chokꞌara mɨa oopi bɨkꞌa oodakꞌãri, akꞌɨpipata wãara mɨ kꞌõpꞌãyoorã. Mãga unudakꞌãri, awaraarãpa “Tachi Akꞌõre jõmaarã kꞌãyaara waibɨara bɨda” adaitꞌee.

Uchiadai naaweda, Jesupa mãgaji: —Mɨ uva kꞌarrakꞌa pipɨara bɨda aji. Jõdee mɨ Akꞌõre chi uva uuda akꞌɨparikꞌa bɨ.

Uva jɨ̃kꞌara chaukꞌaa bakꞌãri, tꞌɨapꞌekꞌoodapꞌeda, pꞌe nɨ̃bɨpata akꞌõrejĩrumaa pꞌookꞌoodaimerã. Maapꞌeda tꞌɨpɨtaude batꞌakꞌoopata paakꞌoodaimerã. Mãga pɨkꞌa paitꞌee chi mɨ wẽe beerã ome.

ʼMɨa mãga jaraji mɨkꞌa parã tꞌãri o–ĩa pꞌanapataadamerã. Kꞌinia bɨ parã tꞌãri o–ĩa pꞌanapataadamerã.

Mɨ, mɨ Akꞌõre ome chikꞌinia bapari, mɨa oopari perã irua jara bɨkꞌa. Mãgá parã mɨ ome chikꞌinia pꞌanapataadaitꞌee, mɨa jara bɨkꞌa ooruta pɨrã.

Waya mɨa jara bɨ: chikꞌinia pꞌanapatáatɨ.

Parã pꞌanadapꞌedaa paara ãchi pꞌanapatakꞌa, ãchia parã kꞌinia iru pꞌanakꞌajida ãchideerãkꞌa. Mamĩda parã ãchideerã–e. Mɨata parã jɨrɨtꞌeraji ãchi kꞌãyaara awara pꞌanapataadamerã. Maperãpɨ ãchia parã kꞌĩra unuamaa iru pꞌanapata.