Iivesi zeBhayibhile ezithandwayo ezisuka Lucas 14

Share

—Mɨ ome niparupa mɨ kꞌiniara iru ba–e pɨrã chi akꞌõre, chi nawe, chi wẽra, chi warrarã, chi ɨ̃pemaarã, chi ɨ̃pewẽraarã, ichi paara kꞌinia bai kꞌãyaara, mãgɨ́ pꞌoyaa mëré pa–e pai.

Ichiaba eperã piuamaa bɨ pɨrã mɨde ijãa bɨ kꞌaurepa, mãgɨ́ mëré pa–e pai.

Tachi Akꞌõrepa chi waibɨara pa kꞌinia bɨ ekꞌariara papiitꞌee. Jõdee chi audua–ee bɨ waibɨara papiitꞌee.

Mãga pɨkꞌa parãdepemapa kꞌĩsiapꞌeda mɨde ijãaitꞌee, ma kꞌaurepa ichia ne–inaa jõmaweda iru bɨ atuaamaa beeru pɨrã, mãgara pꞌoyaa mëré pa–e pai.

Parãdepema abaapa te ɨtꞌɨa oo kꞌinia bɨ pɨrã, naapɨara juasia–e paikꞌã kꞌawaaitꞌee jõmasaa pꞌaratꞌa falta bɨ ma te oo aupaitꞌee. Mãga oo–e pɨrã, ma te basa oopꞌeda, pꞌoyaa oo aupa–e pakꞌãri, chi unurutaarãpa pɨ oomaa iru pꞌaneedai. Jarapataadai: “Na eperãpa te oomaa beeji. Mamĩda pꞌoyaa oo aupa–e paji.”

Ma kꞌãyaara fiesta ookꞌãri, tꞌɨ̃ pëipia bɨ chupɨria chedeerã, pꞌoyaa tꞌɨa–ee beerã, bɨɨrɨ nɨkꞌanɨkꞌaa beerã mãikꞌaapa tau pꞌãriu beerã. Mãgá o–ĩa baitꞌee, ma pari ãrapa ne–inaa oodaitꞌee wẽe pꞌanadairã. Ma awara ma pari Tachi Akꞌõrepa pɨmaa ne–inaa pia ooitꞌee, ichia pia akꞌɨ bɨɨrã jai–idaadapꞌeda pꞌirabairuta ewate.

—Tꞌã pia bɨ. Mamĩda kꞌɨyaa–edaru pɨrã, ¿sãga waya kꞌɨyaapiima? aji. Pia–e bɨ eujã–itꞌee pɨjida. Ichiaba ne–uu kꞌarra ikꞌaawa pꞌeitꞌee pida pia–e bɨ. Jĩpꞌa batꞌatꞌaaipia bɨda aji. Pia kꞌĩsíatɨ parãpa etꞌewa ũridapꞌedaade kꞌawaadamerã kꞌãata jara kꞌinia bɨ.