Iivesi zeBhayibhile ezithandwayo ezisuka Juwão 21

Share

Ajaire orojimi'u paire, e'i Jesu Simão Peturu pè: – Simão, Juwão ra'yry. Aã nereirõarà kõ erauvay. Ene pa'e? Ene ywesõ põ erauvay rejupa iwyi kõ? e'i Peturu pè. – Õ'õ. Nekuwa oroauvay, e'i Peturu ijupe. Ajare Jesu e'i: – Ajawyi erima kaneiru ra'yry vo mãe kõ ikõ tereko katu ajawyi nẽ, e'i ijupe. E'i jẽ Jesu ijupe: – Simão, Juwão ra'yry, “Aje ywete oroau”, ere ãmãtè põ ije? e'i mijẽ Peturu pè. – Õ'õ. Nekuwapa aje ywete oroau, e'i ijupe. – Erima kaneiru kõ awi ereko katu, e'i mijẽ ijupe. Ajaire e'i mijẽ Jesu Peturu pè: – Simão, Juwão ra'yry, aje ywete põ erauvay rejupa? e'i ijupe. Moapy rõmõ tesõ e'i ijupe ky'y. Ajawyi Simão Peturu ijãgyoay ky'y, moapy rõmõ tesõ Jesu aepo e'i ijupe rewarà mõ. Ãmẽ e'i Jesu pè: – Õ'õ, pirujẽ nekuwa mã'ẽ tè ene. Ajawyi nekuwapa oroauvay, jõvijã, e'i ijupe. E'i jẽ Jesu ijupe: – Erima kaneiru vo mãe kõ ereko katu ajawyi, e'i mijẽ Jesu ijupe.

Aepo e'i paire, Jesu kãramõwarà rã omojikuwa Peturu pè. Kee e'i ijupe: – Kekejẽ nererekotà kupa. Nekõnomĩokyry remẽ, nejimokatupa mã gyty neotà ipi mijã, e'i. Ajamã'ẽ neka'akuwapa ky'y remẽ, neremimotarà rupi rõwã nereraatà kupa ky'y. Nepokwa 'atà tè nereraa kupa ky'y, e'i. Aje ywete aepo a'e ene, e'i Jesu ijupe.

– Peraa awi pira mo'auta wãime inõ, e'i Jesu. Pe'ekatu kytyre ikõ peinõ nẽ, e'i. A'e pè pira peekyità, e'i. A'evo oroereko ijayvu rupi ãmẽ. Oroeraa pira mo'auta inõ yy pè. Oroinõ remẽ, py'awarà mõ pira mo'auta rè tãnẽ 'ete pira. Noromovy'ãi tesõ yarà pupe inõ.

Ãmẽ kee e'i Simão Peturu oreupe: – Aatà pira rè, e'i. Ajawyi oro'e ijupe: – Ore ve orootà nerupi, oro'e ijupe. Oroopa katu upi ãmẽ. Oroo yarà pè oropopo. A'e rupi oroo ãmẽ. Orekõ'ẽ tesõ ipe pira rè. Ajamã'ẽ orepãnẽmusu.