Iivesi zeBhayibhile ezithandwayo ezisuka Juwão 8

Share

Aja paire Jesu poromotekokuwa jẽ kee e'i mã'ẽ rè: – Ije poroereko katuarà tè. Ãwitõ poroyape mã'ẽ omojisaoka pee janeupe ipi. Ãwĩvo mã'ẽ tè ije. Janejare'e rupi tekoua amojikuwaoka pirujẽ jane kõ pè ipi. Ere ojirovija mãe kõ pãtõnusu rupi rõwã ekoi ãmẽ ky'y, e'i.

Ekuwatà pekupa, aje ywete mã'ẽ rõmõ. Nivoi tekoua nikasi'ãi peupe ãmẽ ky'y. Napejimomorijau'ãi ee ãmẽ ky'y, e'i.

Ãmẽ Jesu e'i Juteu kõ pè, ojirovija ee mãe kõ pè: – Aje ywete poromo'e aiko ipi. Eayvu rupi ikõ peiko nẽ, a'e pejẽ. A'evo peiko remẽ, aje ywete eremimo'earà rõmõtà tè pejẽ.

A'evo ve ije. Janejare'e Ra'yry tè ije, e'i. Janejare'e Ra'yry penekyi nivoi tekoua pupewarà wyi remẽ, aje ywete nikasi'ãi peupe ãmẽ ky'y. Nivoi tekoua remĩgwai ai rõwãtà ãmẽ peiko ky'y, e'i.

Ãmẽ jõvijã kõ opõ'ã jẽ tite ijayvu renutà upa. Ajawyi Jesu ijãkãnã'ã omãjã, kee javo jõvijã kõ pè: – Ivo katu teãmã ekoi mã'ẽ ypy tojapi takuru pupe ãmẽ, e'i.

Ãmẽ Jesu e'i ijupe kõ: – Ava mõ nivoi mã'ẽ kasia pè ekoi remẽ, “Eaiwererà aitytà”, e'i epe kuwa. Ajamã'ẽ noity kuwa'ãi ipi. Nikasi'ãi waiwererà reitya rè ovote. Ãwitõ temimomorijau nikasi'ãi kuwa oõvijã ai reitya rè, ãwĩvo ve manyvo napejẽ'ãi peaiwererà wyi pepoi rõmõ. Nojityoka'ãi peupe. Ajawyi pejimomorijau jẽtà peaiwererà rè peiko ipi. Aje ywete aepo a'e pejẽ, e'i Jesu ijupe kõ.

Ãmẽ Jesu ijãkãnã'ã mijẽ ee omãjã remẽ, soõ, oopa sikaepo kupa! Ajawyi e'i wãivĩ pè: – Maty põkõ oopa kupa? e'i. Nopytai pe'ĩ sipãwĩ nemojaiwe mã'ẽ? e'i. – Ãnĩ, ojivypa oo kupa, e'i wãivĩ Jesu pè. – Noromojaiwe'ãi ije ãmẽ, e'i Jesu ijupe. Ejivy ekwa ãmẽ ky'y, e'i. Awyjepa ikõ moko ere ky'y nẽ, e'i ijupe.