Iivesi zeBhayibhile ezithandwayo ezisuka Rukasi 19

Share

Okãjã mã'ẽ vo Janejare'e pè mijã. A'evo mãe kõ mokatuarà rõmõ tè ajo ajimojane ike pepõ'õ mè aiko. Nivoi mãe kõ reka tè ajo imotekokuwa kõ. Ajaire “hoõ” te'i Janejare'e ijupe kõ, e'i Jesu.

Kee e'i kupa: “Janejare'e tomory Wemimuurerà, Jõvijã wasu rõmõ janepytery pè uu mã'ẽ! A'e rè yvapewarà kõ tipiryvypy katu oory rõmõ. Janejare'e tomoe'e ywete kupa ky'y!” e'i e'i wapukai rõmõ kupa.

Ãmẽ aepo renu remẽ, kee e'i Jesu ijupe: – Age'e sõsi aã tetã jarà ojireko katuoka Janejare'e pè ky'y. Tãmõ Aparão reruparà mõ ekoi, ijeapyrerà e'eay rõmõ.

Ãmẽ ajaire a'e wyry rupi Jesu okwa remẽ, opyta rã'ĩ oyvatesa ee omãjã. Kee e'i ijupe: – Sakeu, kuise'ẽ jẽ ewyjy ejo, e'i Jesu ijupe. Aatà nerupi neretã gyty, e'i. A'e pè apytatà rã'ĩ. I'ete põ? e'i ãmẽ Jesu ijupe. Ãmẽ: – Hoõ, ja'e, e'i Sakeu. Jesu rè oryvay rewarà mõ kuise'ẽ jẽ owyjy yvy pè. Ajaire weraa Jesu oupi wetã gyty.

Ajamã'ẽ ajaire wetã mè Sakeu opõ'ã. Kee e'i Jesu pè: – Erõvijã, age'e kee a'età. Ema'e kõ pẽ amosãità nimoma'ei mãe kõ pè ky'y. Ape'otà myterà rupi imosãi, e'i. Ãmõ, ekarakuri poromoripea rupi aekyi sikaepo ava mõ po pe wyi remẽ, a'e irõte rõmõ tesõ amojivytà ijarerà kõ pè ime'ẽ mijẽ, e'i Sakeu.

Ajamã'ẽ Pariseu kõ mõ ojimo'eai Jesu moe'ea renu kupa. Ajawyi Jesu pè kee e'i kupa: – Nikatui moko'i remẽ nekoty rewarà kõ. Emomi kõ aepo te'i e'ã kupa ky'y, e'i tite kupa. Kee e'i ãmẽ Jesu ijupe kõ: – Ãnĩ si! Tipu jẽ kupa. Nipui sõ ãwĩ kõ remẽ, takuru kõ tẽ tesõ iputà emoe'e rõmõ ãmẽ ky'y, e'i Jesu.