Iivesi zeBhayibhile ezithandwayo ezisuka Matei 15

Yabelana

Hai cola so încalaves and‐o mui aven anda o ilo, hai codola macrin le manușăs. Anda o ilo înclen: ăl gîndurea ăl nasul, ăl mundarimata, ăl traimata avre giuvleasa, ăl buchea lajeaveste, ăl ciorimata, ăl phenimata ăl hohamne, ăl hule.

Na so ciol o manuș and‐o mui macril‐les hai so înclel anda o mui le manușăsco, codoia macril‐les.

«Cadal manuș cinstin‐Man le mosa, ta lengo ilo si dur Mandar. Hai si chanci că on cinstin‐Man, sichindos sicavimata so si porunci manușănghe».

Atunci, boldindos, o Iisus phendea‐lache: Giuvlie, baro si chio pachiamos; cherdol‐pe tuche sar tu cames, hai sastil lachi cei andă codou ceaso.

Ta oi, avindos Leste, dinea cocea, hai phendea: Devla, na muchma. Ta Ou boldea hai phendea: Nai mișto te les o marno le ciauărănghe hai te ciudes‐les c‐ăl giuchel. Ta oi phendea: Cadea si, Devla, ta i ăl giuchel han and‐ăl prușuca cai pheren catar e sinia lenghe stăpînenghi.