Iivesi zeBhayibhile ezithandwayo ezisuka LUK 8

Share

Ho hiika aya kiiddi hoka chohinii atañ pakoda, hiika atañke, aguñmi tala lala, hiimi aya lodapa ho ahha aya ho tage giidu, ho pigii biidola ahee hiliñ giidu.

Ho tareapya hoka chohi do luniiñsi, hiika atañke hutiina tadonii, hojalo mohluka lembo hoka ilyi kuho hena ho mingo ho sango ka hempyo hii lara biidu, ho mohluka ahee hii sanbyañ lama.

Ho yalañ hoka chohanii atañ hiika atañke, mohlu aguñ mika tapa lyiho, hempyo biidola tage nyadu; hojalo hii liima giima, mohlu ichuche henje henka lala ho tenkalarka ahlyiho giihi dadu.

Mo mohlumi lutii, “No nunuka henje?” Ho mohlu biiso nyatii, ho mohlu hemur nyatii, kone anyañ mi lubiidola, “Hupe hokoda siikasi, allyiaro la yasie mi lohepa galuñ ladonii, ho mohlu mohmi talii danii?”

Siiliñ hoka chohido luniiñsi hutiina tapa nyatiinii; hiikahiibaho igii ahla ho mohluka ahha hoka aguñ giiniiñmi lara biitii, mohlumi henje madopa ho lyangur komadopa.

Niimpalukoda kone hetḛr achuñ tola dola kema hiimi kakiñ mapa, malo hang chimanii chimpa mapa nyikiñma ho hutoh ho ahkiñdo.

Ho annii akha mo achuñ giila kema hiila kala lala, mo alye biidola lintii, ho mohka aruñho chuhala hikha miyu atañka tadopa lukotii niimpa mo mohmi tenneto hiila, ho niihtañpa mo ohepada hempyo datii. Ho mo mohmi lutii, “Wiinga, niika henje ke niimi hempyo dopa miibii nenii; chimie pa ingeku.”

Ho mohlu intii ho mohmi ahutii, lubiidola, “Atoh, Atoh, ngunu lyulyi ke ah!” Ho mo guritii ho allyi la lando poniiñmi gatii; ho hiika hii yanu ritiiku; ho hiiko hempḛr chimie tiiku.