Iivesi zeBhayibhile ezithandwayo ezisuka JOHAN 16

Share

Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae,” a ci.

Tuhzemah byaccing a phytu Muisaw yn thua te, nanning kha byaccing kalan ae cciakhae cih oh, pawccecize amaw kaw te ho lan khyh; thuasalama a thaepaw miakaw kha a ho cih zah yn thua cih paw kong kha ae hopah cih oh.

Atu cia ka min te pawsang na ngia loh khyh oh, nae lungtuanaw accing nawlan ngia oh lah na mue cih oh.

Tuhzemah byaccing kha kae hopya oh: nanning thanenaw hanlan ka la cceih cih; pawccecize kae nynh ka ccia khyh ze nae kalan Bawmtu yn thua lan khyh; thuasalama ka ccia ze amaw kha nae kalan kae saw cih. Aning he yn thua te, seinaw kong, dingnaw kong te byapianaw kong kha laephi ccungccaw hae kya a nysah cih hae.

Tuhawte nanning mah atu ngaethyanaw na hoi oh; thuasalama nanning kha bua kae muih cih oh zah nae lung oun tua cih, nae lungtuanaw kha hum nynh san ae lua vae lan khyh oh. Tuin nin kya tuh kae hynh pawsang nae khia vae lan khyh oh. Byaccaccing kae hopya oh, ka min te ka Paaw kalan na ngiaku oh paw miakaw kha aning nynh ae pya cih oh.

Byaccaccing kae hopya oh, nanning tuh nae rah nae khui cih oh, thuasalama laephi tuh a lungtua cih; nanning tuh nae ngaethah cih, thuasalama nae ngaethyanaw tuh lungtuanaw lang yn tang cih.