Iivesi zeBhayibhile ezithandwayo ezisuka Марк 14

Yabelana

– Аббэу сэ ся Т, о умылъэкӀын Ӏоф зи щыӀэп, – ыӀуагъ. – Мы къин щэчыным ишъуалъэ сӀых. Ау сызыфаер мыхъоу, о узыфаер орэхъу.

Шъумычъыеу шъусакъ, псэкӀодшӀэным шъудимыхьыхынэуи Тхьэм шъуелъэӀу. Гур фай, ау пкъым ылъэкӀырэп.

Шъыпкъэр шъосэӀо, чӀылъэм зэкӀэ къэбарышӀур тыдэ щагъэӀуми, мы бзылъфыгъэм ышӀагъэр къаӀотэжьыщт, цӀыфхэм а бзылъфыгъэр шӀукӀэ агу къагъэкӀыжьыным пае.

– СилӀыкӀыным нэсэу инэу сыгу хэкӀы, – ариӀуагъ Исус. – Шъумычъыеу шъусакъэу моу шъущыӀ.

Ахэр шхэхэ зэхъум, Исус хьалыгъур къыштагъ, Тхьэм щытхъу фишӀи, зэгуичи, ахэмэ арити, къыӀуагъ: – Ма, шъушхы, мы хьалыгъур сэ спкъы ары.

ЕтӀанэ шъуалъэр къышти, Тхьэм щытхъу фишӀи, аритыгъ. Ахэр зэкӀэ ащ итым щыщ ешъуагъэх. – Мы сэнэпсыр сэ слъэу Тхьэм ежьыррэ ицӀыфхэмрэ азыфагу дилъхьэгъэ зэзэгъыныгъэр къэзгъэшъыпкъэжьырэр ары, – ариӀуагъ Исус. – ЦӀыфыбэхэм ишӀуагъэ якӀынэу, лъэу сэ къыскӀэкӀыщтыр ары.

– Шъо пстэуми сизакъоу утыгум сыкъишъунэщт, – ариӀуагъ Исус игъогу рыкӀохэрэм, – сыда пӀомэ, Тхьэм къызэриӀорэр игущыӀэ тхыгъэхэм арыт: «Сэ мэлахъор сыукӀыщт, мэлхэри зэбгырыкӀыжьыщтых».

Шъукъэтэдж! НекӀо, мары, ахэмэ сязгъэубытыщтыр къэблэгъагъ.

– Шъыпкъэр осэӀо, – риӀожьыгъ Исус Петрэ, – мы нычэпэ дэдэм атакъэр тӀо Ӏоным ыпэкӀэ, сэ сызыщыщыр умышӀэу гъогогъуищэ къэпӀощт.