Iivesi zeBhayibhile ezithandwayo ezisuka Jɔ̌n 6

Share

Yesò shu abua yɔb nê, “E ngu èghɨjɨ bu àa ngɨ̀a bòt e bɔ mèmpème la. Wòt tà kɨꞋɨ̀ ndzì èntɨ̧ɨ̧ vi ane yaã la, ndzìtsə tè ka li tsi eku atò a, àtɔŋ tò à ka tsi ndɔ̀Ꞌ àlia nju̧.

Fo Mbɔ̧ɔ̧mà ka nàa ngɨ̀a bòt e bɔ mèmpème la, betsiꞋa wɔ̀bȩ̂ ka bɔ mua ane mi ne mètàŋ. Mèngǎ̧ maa e ndaꞋa abua yɨ̧ la dzə abua Fo Mbɔ̧ɔ̧mà, è mè ngu mùà ka nàa ŋǎ mèmpème kàlìà la.

Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

Yesò bɨ̀ɨ̀lè nê, “Àghɨa Mbɔ̧ɔ̧mà nàa nkɨà nê bɨ̀ me ghɨ la wu nê, bɨ̀ zì mèntɨ̧ɨ̧ mɨ̧ ane wòt wu ye tsàà la.”

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

BetsiꞋa wòt kà kɨꞋɨ abua am kà wu we Tǎt am wu tà tsàà am la tà ghɨ tà kɨꞋɨ la, e mbɔ̂ ngu eyu̧u̧me a ŋut àlia ngɔ̀ŋ nàa lìà la.

Èghɨjɨ baa Mbɔ̧ɔ̧mà nàa ŋǎ la, wu tòà wu tà chu a ègwet me ŋa mèmpème abua bòt ngɔ̀ŋ la.”

E ngu èghɨjɨ bu àa ŋǎ mèmpème la.

Yesò nɨ̀ tètaãaãte bled tu, ŋà mènkɔ̀ke abua Mbɔ̧ɔ̧mà, mbɔ̂ ngàbtè abua bòt bu bɔ tseke a si la. Tà ghɨ̀ ale, mè nɨ basə bu ngɨ̀ wuê a èlɨ mbɔŋ, tè wòt ègème jɨ mbɨ̀Ꞌɨ̀ ye kɔ̀ŋke la. ÀfɨꞋa bɔ jɨ tê ndzet la, Yesò shu abua bɔkatè bi nê “Bɨ̀ fete tèpȩte te bəèꞋ la mbɨ̀Ꞌɨ̀ ka àghɨa ko a bi.”

Mbɨ̀Ꞌɨ̀ bɔ gha a èbem mèleb mbɔŋe ane bèmȩl bakwì la, bɔ yea Yesò ngȩ̀ȩ̀na a ègwet *èdzî nkùŋà àwɔb nkɨ̀Ꞌa a ngèt ànkànuꞋ yu la, ale kèbɔɔ ke baãaã wɔb. Yesò shu abua yɔb nê, “Wu mmɔ̌, bɨ̀ ka mbɔ̀a.”