Iivesi zeBhayibhile ezithandwayo ezisuka Mataayo 2

Share

Vakiingila mu nyumba, vakambona ʉmwana alɨ paninie nʉ vanyina ʉMaliyamu, vakasugama paasi, vakapembetsa kʉ mwene. Vakavopola isibina sya veene, vakahʉmya isya kʉvonola kʉ mwana, vakampa isahabu, isya kʉtuungʼilitsa na mafuta aginuungʼilila.

ɄYɨɨsʉ aaholilwe mu vʉtsenge wa Betelehemu, mu kɨlʉnga kya Yuuda. Ʉnsɨkɨ ʉgwa ʉnkʉlʉdeeva ʉHelode vɨ aale ndongotsi va kɨlʉnga. Wʉ aholilwe ʉYɨɨsʉ, vaahʉmye mu Yelusalemu avamanyanondwe ʉkʉhʉma Kʉvʉhʉmo wa Litsʉva. Avamanyanondwe avo vakavʉʉtsa vakata, “Alɨ ndaku ʉNkʉlʉdeeva va Vayahudi ʉvɨ aholilwe lɨno? Tʉlʉmanyile ʉkʉta aholilwe ʉlwakʉva tʉlʉweene ʉlʉtondwe Kʉvʉhʉmo wa Litsʉva, ʉluvonia ʉkʉta aholilwe. Ɨkɨ kyʉ kɨpelile twitse kukʉmpembetsa.”

Vaahekye siitso wʉ valʉweene ikange ʉlʉtondwe ʉlwa.

Kʉ vʉmalɨlo, ʉNgʉlʉve akavapavɨla mu magonasivi akata valeke ʉkʉgendela ikange kwa Helode. Pwʉ vakagenda ɨnzɨla ɨjyɨnge, vakakilivuka kʉ vʉtsenge wa veene. Avamanyanondwe avo wʉ vahegile, ʉnsuungʼwa va Ntwa akambonekela ʉYusufu mu magonasivi, akambʉʉla akata, “Sisimuka, ʉntoole ʉmwana nʉ vanyina, mukɨmbɨlɨle kʉ kɨlʉnga kya Misili. ɄHelode jiikwitsa kukʉndonda ʉmwana ʉjʉ pakʉta amʼbude. Pwʉ mukasigale kʉʉkʉ ʉkʉ ʉkʉsikila ʉnsɨkɨ ʉpwʉ ndɨlavavʉʉla.”