Iivesi zeBhayibhile ezithandwayo ezisuka EVASELIO A SOANE 16

Share

Kua au fakaha te u mea aia kia koutou, o tupu ke kotou mau te tokalelei ia au. E koutou mau anai ni mamahi i te malamanei; kae koutou kataki, kua au malo i te malamanei.

Ka hau anai te Palakeleto*, te Laumalie o te mooni, e ina taki anai koutou i te mooni katoa; koteuhi e mole palalau anai ia maia ia totonu, kae e ina fakaha anai te u mea fuli e logo anai ia ki ai, pea e ina fakaha fakatomua atu anai kia koutou te u mea ka hoko mai.

O au mai ki te lakaga nei, nee heeki kotou kole he mea i toku huafa. Kotou kole, pea e kotou mau anai, o tupu ke katoa tokotou fiafia.

Kae e au fakaha te mooni kia koutou: E lelei age kia koutou ke au alu, he kapau e mole au alu, e mole hau anai te Palakeleto* kia koutou; kae kapau e au alu, e au fekaui mai anai ia kia koutou. Pea ka hau anai ia, e ina fakamalamai anai te malamanei o uhiga mo te agahala, mo te faitotonu, pea mo te fakamaau

Mo koutou foki, e kotou nonofo i te aho nei i te mamahi; kae e au toe sio anai kia koutou, pea e fiafia anai okotou loto, pea e mole he tahi e ina too anai tokotou fiafia maia koutou. I te aho aia, e mole kotou toe fakafehui anai au ki he mea. E mooni, e mooni, e au ui atu kia koutou, ko te mea ae e kotou kole anai ki te Tamai, e ina foaki atu anai ia kia koutou i toku huafa.

E mooni, e mooni, e au ui atu kia koutou, e kotou fetagihi anai, pea e kotou lalauga anai, kae e fakafiafia anai te malamanei: E kotou nonofo anai i te mamahi, kae e fetogi anai tokotou mamahi o fiafia.