Iivesi zeBhayibhile ezithandwayo ezisuka ଜହନ୍‌ 15

Share

“ନେଙ୍ଗ୍ ଅଙ୍ଗୁର୍ ସ୍ଲା ପେଇଂ କେନ୍ଦା । ଜାଣ୍ଡେ ନେଙ୍ଗ୍‍ନ୍ନିଆ ଲେଃଏ ଆରି ନେଙ୍ଗ୍ ଜା ନ୍ନିଆ ନ୍ଲେଏ ମେଁ ଜବର୍ ଚୁଚୁ ଚୁଏ ଡାଗ୍ଲା ନେଙ୍ଗ୍ ଣ୍ଡୁଲା ପେ ମେଃଡିଗ୍ ଡିଙ୍ଗ୍‍ପେୟା ଣ୍ଡୁ ।

ନେଙ୍ଗ୍‍ ଏତେ କୁଡ଼େଚେ ଲାଲାପା । ତେଲା ନେଙ୍ଗ୍ ଡିଗ୍ ପେ ଏତେ ନ୍ଲେଏ । କେନ୍ଦା ବୁନ୍ଦ୍‍ ସ୍ଲା ଏତେ କୁଡ଼େଚେ ଆଲେଃଲା ମେଁ ନିଜେ ଚୁ ଚୁଚୁ ଆୟା ଣ୍ଡୁ ଦେତ୍‌ରକମ୍ ପେ ନେଙ୍ଗ୍‍ଡାଗ୍ରା ପେଲେଲା ମ୍ନା ପେୟା ଣ୍ଡୁ ।”

ପେ ଜଦି ନେଙ୍ଗ୍‍ ଏତେ କୁଡ଼େଚେ ପେଲେଏ ବାରି ନେଙ୍ଗ୍‌ନେ ବ୍ନାଲିର୍ ପେନେ ରୁଦୟ୍‌ନ୍ନିଆ ଲେଃଏ ତେଲା ପେ ମେଁନେ ଇକ୍‌ଚା ଡିଙ୍ଗ୍‌ଚେ ପେସାଲ୍ୟାଃଏ ଆତେନ୍‌ ପେବାଏ ।

ନାଁ ଆନେଙ୍ଗ୍‌କେ ସ୍ରି ନାବକେ ନେଙ୍ଗ୍ ଆନାକେ ବାଚେ ମ୍ୱକେ । ପେ ଜେନ୍ତିକି ଜବର୍ ଚୁ ପେଚୁଏ ଆରି ଆତେନ୍‌ ଜେନ୍ତିକି ସାନ୍ତିରେ ଲେଃଏ ଆତେନ୍‌‌ସା ଆପେକେ ନେଙ୍ଗ୍ ବାଚେ ମ୍ୱକେ । ତେସା ନେଙ୍ଗ୍ ମ୍ନିରେ ଜା ପେସାଲ୍ୟାଃଏ ନେଙ୍ଗ୍ ଆବା ଆତେନ୍‌ ଆପେକେ ବିଏ ।

ପେନେ ସାଙ୍ଗ‍ଇଂ ନ୍‍ସା ନିଜର୍ ଜିବନ୍ ଦାନ୍ ବିଃନେ ବାଦୁଲ୍ ଜାନେ ଆରି ଜବର୍ ମ୍ନା ଆଲାଦ୍ ଣ୍ଡୁ ।

ମୁଡ଼ି କେନ୍ଦାନିଆ ଚୁଚୁ ଆଚୁଣ୍ଡୁ ଆମେକେ ମେଁ ସିତଗ୍ ଜଗ୍‌ତ୍ଲାଗ୍‌ଏ ଆରି ମୁଡ଼ି କେନ୍ଦାନ୍ନିଆ ଚୁ ଚୁଏ ଜବର୍ ଚୁଚୁନ୍‍ସା ଆମେକେ ସିତଗ୍‍ଚେ ପର୍‍ଚଲ୍‍ ଆଡିଙ୍ଗ୍‌ଏ ।

ନେଙ୍ଗ୍ ଆପେକେ ଡିରକମ୍ ବଲ୍ ବାଣ୍ଡିଂକେ ପେଇଂ ଦେତ୍‌ରକମ୍ ନିଜର୍ ନିଜର୍ ରେମୁଆଁଇଂକେ ବଲ୍ ବାପା ଏନ୍‌ ନେଙ୍ଗ୍‌ନେ ଆଦେସ୍‍ ।

ପେଇଂ ଜବର୍ ଚୁ ପେଚୁଲା ନେଙ୍ଗ୍ ଆବାନେ ମ‍ଇମା ପ୍ରକାସ୍‍ ଡିଙ୍ଗ୍‌ଏ ବାରି ଆକେନ୍‌ବାନ୍ ପେ ନେଙ୍ଗ୍‌ନେ ସିସ୍‍ ପେଡିଙ୍ଗ୍‌ଏ ।

“ନେଙ୍ଗ୍ ସତେଆ ଅଙ୍ଗୁର୍ ସ୍ଲା ବାରି ନେଙ୍ଗ୍‌ନେ ଆବା ସ୍ଲେରେ ।

ଜା ନେଙ୍ଗ୍‍ନ୍ନିଆ ଆଲେଃ ଣ୍ଡୁ ଆମେକେ ମୁଇଙ୍ଗ୍ ଗ୍ୱାତଗ୍‍ବକ୍ନେ କେନ୍ଦା ରକମ୍ ପାଦାପାକା ଜଗ୍‍ତ୍ଲାଗ୍‍ ବିଏ ଆରି ଆତେନ୍‌ ନ୍‍ସୁଆର୍‍ୱେଏ । ଦେକ୍‌ରକମ୍ କେନ୍ଦାଇଂ ରେମୁଆଁ ମୁଇଂତୁଗ୍ ରାଃସିଙ୍ଗ୍‌ଚେ ସୁଆନ୍ନିଆ ତ୍ଲାଗ୍ ବିଆର୍‌ଏ ଆରି ଆତେନ୍‌ଇଂ ଗିଃୱେଏ ।

“ନେଙ୍ଗ୍ ଆପେକେ ଏନ୍‌ ବୁଦି ବିଣ୍ଡିଂକେ ପେ ଡିରକମ୍ କି ନେଙ୍ଗ୍‌ନେ ସାର୍ଦା ବାଚେ ସାର୍ଦାରେ ପୁର୍ତି ଡିଙ୍ଗ୍‌ଚେ ମ୍ୟା ପେୟାଏ ।

ନେଙ୍ଗ୍ ଡିରକମ୍ ନେଙ୍ଗ୍ ଆବାନେ ଆଦେସ୍‍ ପାଲେଚେ ମେଁନେ ଆଲାଦ୍‌ନ୍ନିଆ ନେଙ୍ଗ୍ ତାନ୍ଦ୍ରା ଡିଙ୍ଗ୍‍ନାଲେଃକେ ପେ ଡିଗ୍ ଦେତ୍‌ରକମ୍ ନେଙ୍ଗ୍‌ନେ ଆଦେସ୍‍ ପାଲେଲା ନେଙ୍ଗ୍ ଆଲାଦ୍‌ରେ ସାନ୍ତି ଡିଙ୍ଗ୍‌ଚେ ପେଲେଏ ।”

ଆତେନ୍‌‌ସା ପେଇଂ ଆଡ଼ାତ୍ରା ନେଙ୍ଗ୍ ମୁଇଙ୍ଗ୍ ଆଦେସ୍‍ ବିଣ୍ଡିଂକେ ପେପେ ବିତ୍ରେ ବଲ୍ ବାପା ।”

ଜଦି ପେଇଂ ମଞ୍ଚ୍‌ପୁର୍‌ନେ ଡିଙ୍ଗ୍ ପେପାଲେ ତେଲା ମଞ୍ଚ୍‌ପୁର୍‌ ଆପେକେ ନିଜର୍ ରେମୁଆଁ ମ୍ୟାଚେ ଆଲାଦ୍ ପାଡିଙ୍ଗ୍‍ ଆର୍‌ଏ ମାତର୍‌ ପେଇଂ ମଞ୍ଚ୍‌ପୁର୍‌ନେ ଣ୍ଡୁ ମାତର୍‌ ନେଙ୍ଗ୍ ଆପେକେ ମଞ୍ଚ୍‌ପୁର୍‌ ବାନ୍ ବାଚେ ମ୍ୱକେ । ଆତେନ୍‌‌ସା ମଞ୍ଚ୍‌ପୁର୍‌ ଆପେକେ କୁଟ୍ ଡିଙ୍ଗ୍‌ଡିଙ୍ଗ୍‌କେ ।