Iivesi zeBhayibhile ezithandwayo ezisuka Yohana 15

Share

“One nili ngaja mupishi gwa musabiibu, omwe muli mansamba. Umuunu yula yuna iikhala mukhati yangu, na yuune niikhala mukhati yaakwe, uyo akhava iikhoma amakhomo minshi, kwa kiiva bila one musikwiliile kisenga lyolyona.

Muyitenekhaje kikhala kunyangu, na one nisiyiteneshe kikhala mukhati yeenyu, ngaja linsamba shina lisikwiliile kikhoma amakhomo lyene duguli, bila kilembelela mu musabiibu, shiisho ndeeno musikwiliile kisenga gina iigana uNguluvi, bila kikhala mukhati yangu.

Omwe nda muyiteneshe kiiva lumo noone na maswi gangu gakhale mukhati yeenyu, mumulombaje uDaada shoshoona shina mwisakula, asivapeele.

Musili yuumwe mwanihagulaga one, leelo yuune navahagulaga omwe kiiva vamanyisiwa vangu. Navabagulaga baheene mukhome amakhomo gina gasiisila kaa. Lino goona gina mwilomba mu litaawa lyangu, uDaada akhavapeela.

Kusiina umuunu umunya lugano kishila umuunu yuna ikiwuyasa uwuumi waakwe, kwa kiiva ya vamanyi vaakwe.

Shila linsamba lyangu lina lisiikhoma amakhomo, uDaada ikiliwuusa. Leelo shila linsamba lina liikhoma amakhomo, uDaada ikilipanyulila, baheene likhome mandu.

Gina nikivalajisa gageene aga, muveesaje mwiganana, ngaja shina one nivageene omwe uluhaavi ulu pina nili lumo noomwe.

Nda mwikhoma amakhomo minshi, na kiiva vamanyisiwa vangu va shiyooli, musiive mwiwonensa uwutupikho wa Daada, bahawuvalafu.

UYeesu wáyitenekhaga kivamanyisa avamanyisiwa vaakwe wáaja, “One nili ngaja mupishi gwa musabiibu gwa shiyooli, uDaada ali ngaja mulimaaji.

Umuunu yoyoona yuna asili lumo noone, ahwaneene ni linsamba lina lidumulwa na kiyuuma. Ndeeno, avaanu viihola na kitoosa mu mooto, liipya.

“Navajovela aga, kiija mushendeeve ngaja one, khanji muveesaje mwishendeeva mandu.

Nda mwisenga gina nikivalajisa, lino muyitenekhaje kikhala mu lugano lwangu, ngaja shina one nagasenga gina uDaada wánilajisaaga na kikhala mu lugano lwakwe.

Lino nikivalajisa omwe kiija, mugananaje.”

Nda mwali muve vaanu va mu nyi iyi, ino awo ndi vaava vavageene ngaja shina vavageene avaanu vaanave. Leelo omwe musili vaanu va mu nyi iyi, kwa kiiva nivabagwile kihuma mu nyi iyi, lulwene avaanu va mu nyi iyi vikivakhalalila.