Iivesi zeBhayibhile ezithandwayo ezisuka UISAYA 35

Share

Abasindisiweyo nguNdikhoyo bobuyela eZiyon benemihlali, bengqungqa bememelela ngochulumacho. Soze babe sazana neentsizi nenkxwaleko; boxhamla ulonwabo naphakade.

Izandla ezinomkhinkqi mazomelele, namadolo anengevane atsho adlamke. Thetha namagwala, uthi: “Qinani, ningabi nentaka! Kaloku uyeza uThixo wenu; uza epheth' impindezelo. Nank' egush' imbuyekezo; ewe, uza kunihlangula.”

Apho ke kothi tyaba uhola; leyo ke kothiwa yindlela yobungcwele ekungekho namoni woze athi cakatha kuyo, nasiyatha solahlekisa mntu kuyo.

Kaloku ke kobona nemfama le yembala, zitsho zivuleke neendlebe zesithulu

nesiqhwala sidlobe sitsiba-tsibe okwempunzi; nezimumu zomemelela ngemihlali. Kaloku kompompoza amanzi nasentlango, kugqabhuke imilambo nakwelibharhileyo.