Iivesi zeBhayibhile ezithandwayo ezisuka UJEREMIYA 11

Share

Yithi kubo utsho uNdikhoyo uThixo kaSirayeli ukuthi: Uqalekisiwe lowo mntu ungayithobeliyo imiqathango yomnqophiso, leyo ndayiwisela ooyihlo-mkhulu mhla ndabakhupha eJiputa, ilizwe elalinjengeziko lokunyibilikisa isinyithi kubo. Ndathi kubo: ‘Ndiphulaphuleni, nenze konke endiniyalela kona, khon' ukuze nibe ngabantu bam, nam ndibe nguThixo wenu

Ndibhenela kuwe, Ndikhoyo Somandla-onke, wena mgwebi olilungisa, wena mgocagoci weentliziyo neengqondo zabantu. Wonke lo mcimbi wam ndiwuxhoma kuwe; mandikubone ke ukundiphindezela kwakho kubo.

Basuka abaphulaphula bona, abandihoya, koko basuka balandela ububi beentliziyo zabo eziqaqadekileyo. Nam ke ndabahlisela zonke iziqalekiso zomnqophiso endathi mabawuthobele, abeva.’ ”