Iivesi zeBhayibhile ezithandwayo ezisuka IZAFOBE 1

Share

Isiseko sobulumko kukuthobela *uNdikhoyo, kambe ke zona izityhakala zibujongele phantsi ubulumko nengqeqesho. Mfo wam, yithobele ingqeqesho kayihlo, ungazityesheli neziluleko zikanyoko.

Kaloku iziyatha zifa kuba zibumangala ubulumko; zona izityhakala zizibhubhisa ngokungakhathaleli nto. Kambe ke bona abandiphulaphulayo bahlala bekhuselekile; ewe, bathi zava, bengaxhalele kwenzakaliswa nto.”

Isilumko siyeva, sivune ulwazi; kanti nengcaphephe itsho ifumane amacebo aphilileyo

Nyana wam, sukuvuma xa uwexulwa ngoongantweni.

Ezi zizafobe zikaSolomon unyana kaDavide ukumkani wakwaSirayeli. Ezi zafobe ziluncedo: umntu ziyamqeqesha, zimnike ubulumko, abe nokuziqonda neentetho ukuba ngaba zezengqondo na. Ewe, zimenza aqeqesheke, akwazi ukuziphatha, abe ngumntu owenza okulungileyo, nothe ngqo engenagobe. Ongekabi namava zimenza abe krele-krele, nomfana atsho akwazi ukwenza izigqibo ngobulumko.

“Ngenene, niya kuzibika kum, kodwa ke mna ndingasabeli. Niya kuba ngabhadula nindifuna, ningandizuzi. Kaloku nisuke naluthiya ulwazi, anakukhathalela ukuthobela *uNdikhoyo.