Iivesi zeBhayibhile ezithandwayo ezisuka IINDUMISO 18

Share

NguNdikhoyo iliwa lam; nguye inqaba yam; nguye umkhuseli wam. Xa ndizimele ngoThixo wam ndihlala ndikhuselekile. Nguye ikhaka lam, nguye ondigcina ndifihlakele.

Hayi bo, zigqibelele izinto azenzayo lo Thixo! Hayi ukuthembeka kwelizwi lakhe! Uyabakhusela bonke abo bathembela ngaye.

Ndithi ndakukhala kuNdikhoyo, asuke andithi hlasi kwiintshaba zam. Ngenene, makabongwe uNdikhoyo!

Ndazibika kuNdikhoyo ndikuloo ngxingongo, ndalucela uncedo kuThixo wam. Wandiva engqendeve ebhotwe lakhe, savakala kuye isikhalo sam.

Usisibane sokundikhanyisela, wena Ndikhoyo; undigxothela ubumnyama, wena Thixo.

Ewe, nguThixo ondinika amandla; nguye oyenza iphumelele indlela yam.

Huntshu! Khul' ud' ukhokhobe, Ndikhoyo! Mawubongwe, wena mkhuseli wam, Thixo ongumhlanguli wam!