Iivesi zeBhayibhile ezithandwayo ezisuka Litanga 9

Yabelana

Kandi Nyasaye ya vola, Yiki ki veye kilolekidzu kyelilagana lya nda lomba hagati hange nemwinye noku vyosi vi veye nelivamwoyo vi veye halala nemwinye, kuduka visukululwi vyosi: Mbikanga kisahi kyange mu lilesi, na ki la va kilolekidzu kyelilagana hagati hange nelirova.

Na kisahi ki la va mu lilesi; ninze nda ki henza, nzidzulitse lilagana lyemihiga gyosi li veye hagati ha Nyasaye na vyosi vi veye mwoyo ku lirova.

Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye.

Kandi Nyasaye ya gasidza Nuhu, na avana veve, na a va volera, Mwaale rnmedeke, mwizule lirova.

Vyosi vi gendanga vi veye nelivamwoyo vi la va vyokulia vyenyu; kuli nda mu ha tsingutsa tsimbisi, kandi ndiyo mu hebeywi yivi vyosi.

Na litibwa lyenyu, nelihendidza lyenyu li la va ku tsinyama tsyosi tsyelirova, noku manyonyi gosi gombwerefu; noku vyosi vi gendanga ku lirova, noku tsisudzi tsyosi tsyomu inyanza, vi vikeywi mu mukono gwenyu.

Na mwinye, mwaale, mmedeke; mwivule ligali mu lirova, nokumedeka mulyo.