Iivesi zeBhayibhile ezithandwayo ezisuka LUKAS 10

Share

Bubuluk leona! Te Au fe basa emi koasa soaneu emi heheta menge ma kula ka, boema tao mala'di musu be'i-balakain lala'ena, ta no hata esa boen fo hapu tao susa-soe emi.

Lamatua ka nataa nae, “Marta, Marta! O dale ma falahaa, ma o su'ba ka'da dudu'a-dodoo ia ma naa; te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

Hataholi ndia nataa nae, “ ‘Sue-lai o Lamatuam Manetualain, ninik o dale katematua ma, ninik basa o samane ma la'iesa kana, ninik basa o be'i-balakaim, ma ninik basa o dudu'a-aafim lala'ena,’ ma ‘Sue-lai o nonoo hataholi ma, sama na leo o sue-lai o aoina ma.’ ”

Yesus nafa'das nae, “Buna-boak fo neukose nanaketu-kolu ka ba'u ka, tehu manaso'u belak soaneu keketu-kokoluk, ka'da lumanak. Hu ndia de moke tina lamatuak, fo daenga ana haitua manaso'u belak mai soaneu ketu-kolu bubu'u-palusan buna-boan.

Basa boema Yesus tui nate'e tutuik ndia ninik natatanek nae, “Nai hataholi kateluk sila la, see ka nde tunga o hahapu ma, fo tatao-nono'in da'dileo nonoo hataholik neme hataholi fo nanafefepa-popokok ndia?” Mese agama manamatanek ndia nataa nae, “Hataholi fo manatulu-fali basa hataholi ndia.” Yesus nafa'dan nae, “Nah, muu leona, fo tao-no'in leondiak boe!”

Naa, la'o leona! Au adenu emi sama leo bi'ilopo a neu leo busa fui a tala'da heon leu.