Iivesi zeBhayibhile ezithandwayo ezisuka Lucas 14

Yabelana

—Camiyä nija a nocao bufi lä doblao wei a lä cuinö, wale nofi yaiboimi ja, a doblou mlaicätä. Bä fö̦ö e ma cui nija, bä nöö e ma cui nija, bä suwäbö e ma cui nija, ö̦jö bä nija a bufi mö blucao dicoo ja, a nö nocaobimi waiquiwä. Bä ijilubö ebä ma cui, cama ebä mashi ma cui, inaja showawä. Cama a ma cui, a nia demi lä cuo wei tä ja a bufi mö blucao dicoo ja, a dobloimi waiquiwä.

Camiyä ya nowa ja a nö bleaamamou bufiomi ja, camiyä nija a nö nocaobimi waiquiwä.

¿Ö̦jö tawä? Cama a lä jömöo wei a lä cui, Yai Bada tänö a nia quilimaö malä majöo wei. A jömöo lä mlai, wawädowä a nofi nia shino yai tamabou —Jesús a cuma.

’Ö̦jö cudeenö bämacö nowa taö lä cule, wamacö bufi dayäo balöobä. Cafä ai wanö, afä wa tä bluca lä tabole wa tä daaö moji ja, camiyä nija wa nö nocaobimi waiquiwä.

’¿Ö̦jö tawä? —Jesús a cuma—. Cafä ai wanö, yafi ösöwä wa i̦tamaö bufi doblao ja, wa bufi nia dayäo malä balöo wei. Wa yafi jödödöblabä tä cuami ja, wa nia yanöcöo balöo. Wa bufi dayäo balöomi ja, wa yafi colo i̦tamaö ma cui, wa nö waicobimi ja wa noca nia i̦cablalaöje. Abinaja bä nia cuu. “Ö̦jönö colo etä yafi ma i̦tamano wei ma cui, yano nö tabimi majöwä dicowä”, bä nia cuu.

’Wa bä nia iyaö ca̦i co̦cablamaö däjä, abinaja wa yai cuaabä. Bä nö jo̦lili lä bleaaö wei bä yai da naca. Bä lä wa̦lidii bä ma cui, bä juu doblou lä mlai bä ma cui, bä lä jubäbö wei bä ma cui, ö̦jö wa bä nacaö ja, wa nö nowa co̦amabimi waiquiweje cudeenö, Yai Bada tänö wa bufi nia yai doblamabou. Bä lä dodijaö wei bä demi jocädou lä co̦o wei däjä, ö̦jö däjä wa nowa nia shino yai co̦amamodayou —a cuma.

’Sayu bä dodijidawä —a cuma—. Ö̦jö ma cui, bä sayu oquediblou dicoo ja, bä nia mödadiblou lä co̦o wei etä cuami waiquiwä. Bä oquediwä waiquiwä ja, bä nia bufiblamou co̦daaimi, bä nia joyamou showadao. ¿Ö̦jö tawä? Wamacö yömöcacö lä walalai, bä yömöca daa da dodijiicu.