Iivesi zeBhayibhile ezithandwayo ezisuka San Marcos 2

Share

Xi̱ni so̱ꞌo Jesús ña̱ káꞌa̱n‑na̱, ta nta̱kuiin‑Ña̱, káchi‑Ña̱ saá: ―Na̱ íyo va̱ꞌa köxíniñúꞌu‑na̱ kutátán‑na̱, chi na̱ kúꞌvi̱ va kúú na̱ xíniñúꞌu kutátán. Yu̱ꞌu̱, ra, växi‑i̱ kana‑yu̱ na̱ kíxa ña̱ ntǎku, chi na̱ yuví kua̱chi va va̱xi‑i̱ kana‑i̱.

Tá xi̱ni Jesús ña̱ kántíxa‑na̱ ña̱ kuvi sántuva̱ꞌa‑Ña̱ ra̱ kúꞌvi̱ ikán, ka̱chi‑Ña̱ saá xíꞌin‑ra̱: ―Se̱ꞌe, xa̱ nta̱ntoo kua̱chi‑ún.

Ra ka̱chi ka‑Ña̱ saá xíꞌin‑na̱: ―Xa̱ꞌá ña̱ ná koo va̱ꞌa na̱ yuví sa̱va̱ꞌa Ntióxi̱ ki̱í sáto̱, ra süvi xa̱ꞌá ki̱í sáto̱ nísáva̱ꞌa‑Ña̱ na̱ yuví.

Ra köníkuvi ya̱ꞌa‑na̱ xa̱a̱‑na̱ nu̱ú‑Ña̱, chi chítú nta̱a̱ na̱ yuví, ra ña̱ ki̱xa‑na̱ kúú‑ña̱ nta̱a‑na̱ xi̱ní veꞌe, sa̱kutiaꞌa‑na̱ loꞌo xi̱ní míí veꞌe ikán, ta sa̱nuu‑na̱ ra̱ kúꞌvi̱ nu̱ú xi̱to loꞌo.

Suu ná kunta̱a̱ ini‑ntó ña̱ íyo nteé Ña̱ ntu̱u Se̱ꞌe Na̱ Yuví ña̱ kuvi sántantoo‑Ña̱ kua̱chi na̱ yuví nu̱ú ñuꞌú yóꞌo. Ra ka̱chi‑Ña̱ saá xíꞌin míí ra̱ tia̱a kúꞌvi̱ ikán: ―Yóꞌo̱ kúú‑ra̱ káꞌa̱n‑i̱ xíꞌin: Ntako̱o, ntakiꞌin xi̱to loꞌo‑ún, ra kuánuꞌú veꞌe‑ún.

¿Ntáa kúú ña̱ u̱ꞌvi̱ chá ka ná kachi‑i̱ xíꞌin ra̱ kúꞌvi̱ yóꞌo: “Xa̱ nta̱ntoo kua̱chi‑ún”, á ná kachi‑i̱ xíꞌin‑ra̱: “Ntako̱o, ra ntakiꞌin xi̱to loꞌo‑ún, ra kaka”?

Saá ra, nti̱ku̱n nta̱ko̱o‑ra̱, nta̱kiꞌin‑ra̱ xi̱to loꞌo‑ra̱, ra nu̱ú ntiꞌi‑na̱ ka̱na‑ra̱ kua̱ꞌa̱n‑ra̱. Ta nta̱yǔꞌvi ini tá kúú ntiꞌi‑na̱, ra ki̱xáá‑na̱ ntása káꞌnu‑na̱ Ntióxi̱, káchi‑na̱ saá: ―Nta̱a̱ nii iin nta̱a̱ täꞌan ka kuni‑yó ña̱ yóꞌo.