Iivesi zeBhayibhile ezithandwayo ezisuka Ruuka 8

Share

“Kasi simbusiro seno syaatöönyirë mu-rirobha iriiya, siyö na-bhantö bhano bhakwighwa engʼana iya Waryobha. Hano bhamara ukughitegherra, bhaghetoora mo-senkoro isyabho sinshiiya, na eno bharaghëndërrya okoghenaghya. Bhayö mbo bhakobha na örööbhö senkaagha syonswe igho.

“Simbusiro seera syaatöönyirë mo-maanyamahwa, siyö na-bhantö bhano bhakwitegherra engʼana iya Waryobha bhaghikërrya. Kasi hano enkaagha yaaheta-ho, bhanyankibhwa na amangʼana agha ubhutuni, ukwighomba ubhwamë, na obhoraaghëri. Amangʼana ghayö ngo ghakoghera umukumo ughwabho teghokobha ughwa heene hë.

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Hayö bhoono ho Yëësu yaabhöörri abheegha abhaaye igha, “Ukukumya ukwënyu hayi körëngë?” Abheegha bhakoobhoha bhököngʼu, bhakaroghoora, na okobhoorania igha, “Kana! Ömöntö ono n-wa teemo kë? Arahamera rikama rirörö kai na amayengo, bheramwighwera kamwë igho bhamurë!”

Simbusiro seno syaaghööyë ko-nshera, siyö na-bhantö bhano bhakwitegherra engʼana iya Waryobha, kasi Oghosambwa ghuusha ghuruusya engʼana iyö mo-senkoro isyabho, okore bhatakaakumya, bhatööribhwi.

Hano yaakora igho, ëkëntö kyokyonswe keno kibhisirwë, nkobha kërë harabhu igho. Na bheno bhikundikiriibhwi mberaakondokorwe bhemaahekane.

Hano omokari uyö yaarööshë igha taana enshera yoyonswe igho iya ukwibhisa, akaasha ku-Yëësu na eno ararighita. Akatema hansë ibhiru, akatëëbhya Yëësu ikibhuno ikya ukumukunia, na bhono ahwënirë kamwë igho. Na abhantö bhonswe igho, mbaaighuurë bhuyö yaaghambirë. Yëësu akamötëëbhya igha, “Mwisëkë uwaane, keno këghërrë uhwënirë, nu-mukumo ughwaho. Kaghi na omorembe!”

Abheegha bhayö bhakaghya ku-Yëësu, bhakamutura bharamötëëbhya igha, “Omonene uwëëtö! Omonene uwëëtö! Torakwererra!” Yëësu akabhooka, akahamera rikama iryaru riyö na amayengo. Bhekatigha kamwë igho, kokatendeera.