Iivesi zeBhayibhile ezithandwayo ezisuka ಮತ್ತಾಯೆ 2

Yabelana

ಬೊಕ್ಕ ಆ ಇಲ್ಲದುಲಯಿ ಪೋದು ಆ ಬಾಲೆನ್ಲಾ ಐತ ಅಪ್ಪೆ ಮರಿಯನ್ಲಾ ತೂದು, ಐಕ್ ಅಡ್ಡಬೂರ್ದು ಆರಾಧನೆ ಮಲ್ತ್‌ದ್ ತನ್ಕುಲೆ ಗಂಟ್‌ನ್ ಗಿರ್ತ್‌ದ್ ಐಕ್ ಬಂಗಾರ, ಲೋಭಾನ, ರಕ್ತಬೋಳಲೆನ್ ಉಡಿಗೆರೆ ಆದ್ ಕೊರಿಯೆರ್.

ಅರಸು ಆಯಿ ಹೆರೋದನ ದಿನೊಕುಲೆಡ್, ಯೂದಾಯದ ಬೇತ್ಲೆಹೇಮು ಪನ್ಪಿ ಊರುಡು ಯೇಸು ಪುಟ್ಟಿನಪಗ ಮೂಡಾಯಿ ದೇಶದ ಜೊಯಿಸೆರ್ ಯೆರೂಸಲೇಮುಗು ಬತ್ತ್‌ದ್, “ಯೆಹೂದ್ಯೆರೆಗ್ ಅರಸು ಆದ್ ಪುಟ್ಟಿನಾಯೆ ಓಲುಲ್ಲೆ? ಆಯನ್ ತೋಜಾವುನ ಬೊಳ್ಳಿನ್ ಮೂಡಾಯಿ ದೇಶೊಡು ತೂದು, ಎಂಕುಲು ಆಯಗ್ ಅಡ್ಡಬೂರ್ಯೆರೆ ಬೈದ,” ಪಂಡೆರ್.

ಅಕುಲು ಆ ಬೊಳ್ಳಿನ್ ತೂದು ಮಸ್ತ್ ಸಂತೋಷ ಮಲ್ತೆರ್.

ಐಡ್ದ್ ಬೊಕ್ಕ ದೇವೆರ್ ಕನೊಟು ಅಕ್ಲೆಗ್ ತೋಜಿದ್ ಬತ್ತ್‌ದ್, “ನಿಕುಲು ಹೆರೋದ ಕೈತಲ್‌ ಪಿರ ಪೋವೆರೆ ಬಲ್ಲಿ,” ಅಂದ್‌ದ್ ಅಪ್ಪಣೆ ಕೊರಿನೆಡ್ದ್ ಅಕುಲು ಬೊಕ್ಕೊಂಜಿ ಸಾದಿಡ್ದ್ ತನ್ಕುಲೆ ದೇಶೊಗು ಪಿದಾಡ್ದ್ ಪೋಯೆರ್. ಅಕುಲು ಪೋಯಿ ಬೊಕ್ಕ ಕರ್ತವ ದೂತೆ ಯೋಸೇಫುಗು ಕನೊಟು ತೋಜಿದ್ ಬತ್ತ್‌ದ್, “ಈ ಲಕ್ಕ್‌ದ್ ಈ ಬಾಲೆನ್ಲಾ ಐತ ಅಪ್ಪೆನ್ಲಾ ಲೆತ್ತೊಂದು ಐಗುಪ್ತ ದೇಶೊಗು ಪಾರ್‌ಪೋದು ಯಾನ್ ನಿಕ್ಕ್ ಪನ್ಪಿ ಮುಟ್ಟ ಅವುಲೇ ಉಪ್ಪುಲ. ಹೆರೋದೆ ಈ ಬಾಲೆನ್ ಕೆರೊಡು ಅಂದ್‌ದ್ ಅವೆನ್ ನಾಡೊಂದುಲ್ಲೆ,” ಪಂಡೆ.