Iivesi zeBhayibhile ezithandwayo ezisuka Luca 14

Share

«Abaɨ pida mɨ ome p'ɨrrɨa k'ɨ̃ria bɨpɨra, naa minachia k'ɨ̃risiai pia bɨma. Ichi ak'õre, chi nae, chi k'ima, chi warrarã, chi ũpẽarã, chi ũpẽawẽrarã, wa ichi chok'ae bai mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma.

Minachia mĩa bai k'orea bɨwẽpɨra, mɨ ome p'ue nipaiwẽma.

Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

»Ara mãɨ jĩra mɨ ome p'ɨrrɨai naena mãranepemapa abaɨpa ne ãarea itu bɨi k'orea k'ɨ̃risiaepɨra mɨ ome p'ue nipaiwẽma.

»Abaɨ pida te waibɨa oo k'ɨ̃ria bɨpɨra, naa pia k'ɨ̃risiai pia bɨma ichia uru bɨ errearadepa mãɨ te jõma p'ue ooi k'awai k'orea. Mãɨya ooepɨra te jĩru ook'ari te ãarea p'ue jõma oowẽa baipɨ. Waapẽarãpa mãɨ ununak'ari nãɨya oo uru p'aneenak'ari, jaradaipɨ: “Jãɨ ẽpẽrapa te oomaa beesima, maamina p'ue ãarea ooé pasima”.

Mãɨpari, pɨa ẽpẽrarã t'ɨ̃rune chi nenea berã, sorek'ea berã, sĩta bak'ea berã, tau p'ãrio berã sida t'ɨ̃k'oase. Mãɨyaipɨra piarã pɨ minachia pia baipɨ. Ãchia pɨá mi ãpia pida p'ue teadak'a pẽra, chi jĩp'a berã chok'ae p'irabariuta ewaride Tachi Ak'õrepa pɨá nepia teaipɨ.

»Piarã t'ã minachia pia bɨma, maamina k'ɨyaawẽa beesira ¿sãmaasã́ mãicha k'ɨyaa beeima? Mãɨ t'ã yoorode p'oi k'orea pia bɨwẽma mãɨnepa t'ãa ãk'ak'a ome p'oerai sida pia bɨwẽma. Amaait'u pia bɨma. ¡Chi k'ɨɨrɨ pará bɨpa jĩrak'aua ũrise!»