Iivesi zeBhayibhile ezithandwayo ezisuka Maˍkuˆ 2

Yabelana

Yeˍsuˆ ya kyaˍ yao, changˉ ang ca buiˍ uiˉ aˍ chiˍ kaˍ saˍ laˉ na baˍ loˍ. Caˇ, changˉ daˉ uiˉ yaˇ chiˍ kaˍ saˍ laˉ na loˉ naeˉ. Changˉ ang sui ang pawng uiˉ na haoˉ yuˉ naeˉ nae baˍ aˍ ga lui yaeˉ. Changˉ haiˉ uiˉ na haoˉ yuˉ naeˉ nae ga lui yaeˉ nae ha biˍ jiˍ.

Yeˍsuˆ maˇ yawng yumˉ naeˉ saˉ naeˉ hingˉ na myangˉ yao, laˍ puˍ laˍ hkuiˍ siˉ jiˉ mangˉ na, Ang yaˍ veuˉ, nang naˍ hokˍ na poiˉ laˍ byaˇ, nae ha biˍ jiˍ.

Haeˉ mae yao, Yeˍsuˆ hkai biˍ jiˍ, vanˍ sin nuing ningˉ ngaˍ Changˉ yaˍ saˍ laiˍ taeng saˍ jiˍ yaˇ. Changˉ yaˍ nawˍ vanˍ sin nuing saˍ laiˍ taeng saˍ jiˍ baˍ aˍ.

Changˉ ang byaˍ nae yao, Yeˍsuˆ htang veu changˉ daˉ mangˉ na baˍ suiˍ lae taw. Haeˉ mae yao, yawng ngaˍ Yeˍsuˆ ca naeˉ hingˉ htaˍ veu yumˉ buingˍ htaˍ hingˍ na hpya taw yao, changˉ daˉ mangˉ na ham jiˉ hingˉ ta ta nae hkla aeˉ biˍ jiˍ.

Changˉ nawˍ nuingˉ chaˍ htaˍ nawˉ naˍ hokˍ na ang poiˉ lawtˍ biˍ taw yaˇ nae ga nawng na piˉ bae laˍ naeˍ. Haeˉ mae beu, laˍ puˍ laˍ hkuiˍ ang siˉ mangˉ na, Hta laˉ bao. Nang na ham laˍ jiˍ hingˉ hanˉ yao, yumˉ veu aeˉ laeˍ bao nae Yeˍsuˆ yang na ciˍ sangˍ jiˍ.

Laˍ puˍ laˍ hkuiˍ siˉ jiˉ mangˉ na aˉ mae uiˉ ciˍ tangˍ ciˍ sangˍ yao ngaiˍ naeˇ. Nang beu naˍ hokˍ yangˍ poiˉ laˍ byaˇ nae laˍ ngaiˍ naeˍ. Baˍ baoˉ vaˍ, nang na ham laˍ jiˍ hingˉ hanˉ yao kaˉ ba yawˍ aeˉ baoˉ nae hingˉ laˍ ngaiˍ naeˍ.

Changˉ hingˉ mangˉ muiˉ tiˍ chitˍ nae hta laˉ yao, yang yuˍ pamˍ yangˍ am yao, changˉ uiˉ tawngˍ naˍ veu awkˍ taw aeˉ jiˉ. Changˉ ang byaˍ uiˍ muiˉ kuitˉ manˍ hko laeˍ yao, Hpaˍcaoˍ beu tanˇ hkoˇ hingˉ na chiˍ mawng jiˉ. Ningˉ mae htiˍ cangˍ nae muiˉ baˍ myangˍ myang nae ha lang ga jiˉ.