Iivesi zeBhayibhile ezithandwayo ezisuka Matteiu 2

Yabelana

Ed essendu intrati nela casa, truvonu lu bambinu cun Maria la so mamma, ed essendusi messi inghinuchione l’ aduronu: ed avendu sfasciatu i so’ tesori, li uffrinu i doni, che eranu di l’ oru, di l’ incensu, e di la mirra.

Adunque essendu natu Ghiesù in Betlemme di Ghiuda, in tempu che regnava lu re Erode, eccu che i Maghi arrivonu da l’ oriente in Ghierusalemme, Dicendu: Duv’ è quellu, ch’ è natu re di li Ghiudei? Avemu vistu la so stella nel’ oriente, e semu ghiunti per adurallu.

Elli videndu a stella si rallegronu di grand’ alligrezza.

Ed essendu stati avvirtiti in sognu di nun turnà versu Erode, per un’ altra strada si ne andonu a u so paese. Come elli si ne funu andati, eccu che l’ agnulu di lu Signore cumparve in sognu a Ghiuseppe, e li disse: Arrizzati, piglia u bambinu, e a so mamma, fugghi in Eghittu, e fermati culà, fintantu che nun t’ avvisi. Perchè Erode ha da circà lu bambinu per fallu mora.