Iivesi zeBhayibhile ezithandwayo ezisuka U‐Danyeli 12

Share

Abo banokuqonda bokanya njengokukazimla kwesibakabaka, nabo bakokelayo abaninzi ebulungiseni njengenkwenkwezi, kude kube ngunapakade kanapakade.

Baye abaninzi abaleleyo elutulini lwomhlaba beya kuvuka, abanye babe sebomini obungunapakade, nabanye babe sekuhlazekeni nasekudelweni okungunapakade.

Nangexesha elo kwosuka u‐Mikaheli, lonkosi inkulu esukayo ngenxa yosapo lwabantu bako: kwobako ixesha lobunzima, ebelingezanga libeko elinjalo kuseloko kube kuko isizwe kwada kwalixesha elo: nangeloxesha baya kusindiswa abantu bako, bonke abaya kufunyanwa beba̔liwe encwadini.

Abaninzi baya kuhlanjululwa, benzwe mhlope, balingwe nokulingwa; kodwa abakohlakeleyo baya kwenza ngokukohlakeleyo: baye bengayi kuqonda bonke abakohlakeleyo; kodwa abalumkileyo baya kuqonda.