Iivesi zeBhayibhile ezithandwayo ezisuka Luka 8

Yabelana

Dhangg sherem w'u chaat kih loonyill wu'rett a mwooh kihh klihng pwoo khi Naan ni bhi mwopp lapp dhen-en ru sh'i phitukhup w'u kihmeh, sh'i phitukhup wu'rett, harr mwopp g'ung sh'in dhakk'wurett.

Sherem w'u chaat dhighin ghir a mwooh mwopp dhoghol klihng pwoo khi Naan ni weett, dhangg kaarooh mwopp kaah sokihkyeen kihh y'on, bhi v'ur annshik p'ee bii mhi yill mhize, kihh orr long, kihh v'ur klihngshangg mhi yill ni mett bhall khimwopp, harr baah mwopp nan putshiin mou.

Sherem w'u chaat kih gwakhapp-laar a mwooh mihh mwopp klihng pwoo khi Naan ni, bhi mwopp dhoghol lapp nyi sh'i rettyit weett, dhangg baah pwoo ni kad pee p'ee zhwal seen dhighin mwopp mou. Mwooh kihhsheh ni kihh pihhzeenn a p'ee pee lee kyekk. Mihh zheell taah bhi mwopp shikhir pal wak ba.

Bhi Jesu nang phi zheppkamm keeniy ni mwopp le, “Pihhzeenn keewu a nihyeh?” Bhi sh'i kihkhirmuut kihh aa'pwoo, zheppkamm ni mwopp kihh nang phi shag le, “A wuyeh se kihhshe? Kihh gab-bhellepp kutt mwopp kihh a'm, harr mwopp klihng nyi 'y wunn'!”

Sherem w'u chaat pwoo arr a mwooh kihh klihng pwoo khi Naan ni, dhangg Shetan kihh shikhir ji m'ang pwoo ni lhi'baa phitukhup mwopp abet, tappseh mwopp pihhzeenn harr mwopp kad bh'am.

Baah mee'bii a w'u zihzok w'u dheng'pee mwopp p'ee wanggpee dyikihh mou. Yakhal baah mee'bii a w'u pihpaah w'u baah mwopp p'ee man nyi, kooh mwopp w'oo kihgaak mou.

Dhangg kaarooh mat ni naah kad rah kihh arr zok bii w'u ra sh'in seh mihngg, bhi pun sat ji, shoopshik nyi kihh lapptam, ji taah yill tekhem Jesu; bhi yakshiiy bii w'u ra sh'in seh kihkyeen gurum mwopp weett, kihh bii w'u l'e tihh ra bwum Jesu, kihh kakhamm w'u ra kad abet. Bhi Jesu satt mat ni le, “Reep na, pihhzeenn keeyi bar yi; mwan yi arr mig choorr-choorr.”

Bhi zheppkamm khinyi mwopp dum m'ii nyi, mwopp kihh satt le, “Gwoohyon, Gwoohyon, munn p'ee ky'em e'h!” Kaarooh Jesu m'ii, bhi tepbhellepp vivirr ni, kihh ta'bbhal khi a'm ni zag, bhi mwopp sam teer, pee dhok klokk.