Iivesi zeBhayibhile ezithandwayo ezisuka EkaJakobi EkaJakobi 1

Share

Kugqaleni kuluvuyo olukhulu, bazalwana bam, xa niwela kwizilingo ngezilingo; nisazi nje ukuba ucikido lokholo lwenu lusebenza umonde.

Ukuba ubani kuni uswele ubulumko, makacele kuThixo, onika bonke engenakumbi, engangcikivi; kwaye uya kuyinikwa.

Ngoko ke, bazalwana bam baziintanda, makathi umntu wonke enze msinya ukuva, enze kade ukuthetha, enze kade ukuqumba

Umonde ke mawube nomsebenzi ozalisekileyo, ukuze nibe ngabazalisekileyo, abagqibeleleyo, ningaswele nto.

Yibani ke ngabenzi belizwi, ningabi ngabaphulaphuli kodwa, nizikhohlisa.

Inoyolo indoda ekunyamezelayo ukulingwa; ngokuba yothi, yakuba icikidekile, isamkele isithsaba sobomi, ebabeke ngedinga iNkosi abo bayithandayo.

Sonke isipho esilungileyo, naso sonke isipho esigqibeleleyo, sesaphezulu; sihla sivela kuye uYise wezikhanyiso, ongenabuyambo nasithunzi sakujika.

Kuba umntu, ukuba ungumphulaphuli nje welizwi, engemenzi walo, lowo ufana nendoda eqiqa ubuso bayo bobuntu esipilini; kuba iyaziqiqa, imke, ilibale kwaoko ukuba ibinjani na.

Unqulo lona oluhlambulukileyo, olu ngadyobhekileyo phambi koThixo uBawo, lulo olu: kukuvelela iinkedama nabahlolokazi embandezelweni, yabo: kukuzigcina engenabala kulo ihlabathi.

Makungabikho namnye utshoyo akuhendwa ukuthi, Ndihendwa kwaThixo; Elowo ke uhendwa akutsalwa, abanjiswe, yeyakhe inkanuko.

Ke umzalwana othobekileyo makaqhayise ngako ukuphakama kwakhe