Iivesi zeBhayibhile ezithandwayo ezisuka UJWANISI 15

Yabelana

“Mina ngisidiribe, nina niziimpande. Ohlala kimi, nami ngihlala kuye, loyo-ke uzakuthela khulu ngombana ngaphandle kwami angekhe nenze ilitho.

Hlalani kimi, nami ngizakuhlala kini. Njengombana ipande angekhe yathela ngokwayo kwaphela nayihlezi esidiribeni sayo. Kunjalo-ke nani angekhe nathela naningakahlali kimi.

Nanihlala kimi namezwami ahlala kini, nizakubawa nanyana yini enikufunako, nizakwenzelwa.

Azange ningikhethe nina, kodwana mina ngikhethe nina. Nganikhetha bona niyokuthela iinthelo nokobana iinthelwezo zihlale ukuze nanyana yini eniyibawa ngebizo lami uBaba aninikele yona.

Ithando elikhulu umuntu angaba nalo kudela ipilwakhe ngebanga labangani bakhe.

Ususa kimi yoke ipande engatheliko, kuthi leyo naleyo ipande ethelako ayihlunge khona izakuthela khulu.

Umyalwami ngilo: Thandanani njengombana nami nginithandile.

UBaba uphazimuliswa kuthela kwenu iinthelo ezinengi, khona nizakuba bafundi bami.

“Mina ngisidiribe samambala, uBaba mlimi.

Loyo ongahlali kimi uzakulahlwa njengepande, ome; iimpande ezinjalo ziyabuthelelwa ziphoswe ngemlilweni, zitjhiswe.

“Nginitjele lokhu ukuze ukuthaba kwami kube kini nokobana ukuthaba kwenu kuphelele.

Nanilonda imiyalwami, nizakuhlala ethandweni lami njengombana nami ngilonde imiyalo kaBaba ngahlala ethandweni lakhe.

Nginiyala ngezintwezi kobana nithandane.”

Nangabe beningebephasi, iphasi belizanithanda njengabalo. Kodwana nginikhethe kilo iphasi, anisingebalo; ngikho iphaseli linihloyile nje.