Iivesi zeBhayibhile ezithandwayo ezisuka UJWANISI 21

Yabelana

Ngemva kobana sebadlile, uJesu wathi kuSimoni Pitrosi: “Simoni msa kaJwanisi, mbala ungithanda ukudlula laba na?” Yena wathi: “Iye, Kosi, uyazi bona ngiyakuthanda.” UJesu wathi kuye: “Yondla iimvana zami.” Godu uJesu wathi kuye: “Simoni msa kaJwanisi, mbala uyangithanda na?” Waphendula wathi: “Iye, Kosi, uyazi bona ngiyakuthanda.” UJesu wathi kuye: “Lusa izimvu zami.” Kwesithathu wathi kuye: “Simoni msa kaJwanisi, uyangithanda na?” UPitrosi wadabuka ngombana uJesu wambuza kwesithathu asithi: “Uyangithanda na?” Yeke wathi kuJesu: “Kosi, wazi koke; uyazi bona ngiyakuthanda!” UJesu wathi kuye: “Yondla izimvu zami.

Kwamambala ngiqinisile ngithi kuwe: Nawusemutjha bephele ubhince uye nanyana kukuphi lapha uthanda khona. Kodwana nasele uluphele, uzakuthabulula izandla zakho omunye akwembese akuse lapha ungafuni ukuya khona.”

Wathi kibo: “Phoselani inede yenu ngesigomeni somkhumbi nizakubamba.” Yeke bayiphosela, babhalelwa kuyidosa ngebanga lobunengi beenhlambi.

USimoni Pitrosi wathi kibo: “Ngisayokuthiya iinhlambi.” Baphendula bathi: “Sizokukhamba nawe.” Nje-ke bakhamba ngomkhumbi, kodwana ubusukobo akhange babambe ilitho.